BONEIRU A YAMA BON BINÍ NA 18.606 BISHITANTE STAYOVER DEN LUNA DI YANÜARI 2026 

Kralendijk,- Tourism Corporation Bonaire (TCB) a kompartí informashon turístiko preliminario pa luna di yanüari 2026, for di kua ta resultá ku Boneiru a risibí 18.606 bishitante stayover.

Esaki ta un oumento leve di 0,04% kompará ku luna di yanüari 2025, ora ku 18.598 bishitante a yega nos isla.

E bishitantenan for di Hulanda a forma e grupo di mas grandi, representando 48,4% di e kantidat total di yegada ku 9004 bishitante. E bishitantenan for di Merka tabata e di dos grupo mas grandi, representando 26,9% di e kantidat total di yegada ku 5000 bishitante.

En total 1432 bishitante (7,7%) for di Kòrsou a bishitá nos isla, siguí pa Canada ku 938 bishitante (5%), Alemania ku 311 bishitante (1,7%), Aruba ku 239 bishitante (1,3%), Bélgika ku 206 bishitante (1,1%), Colombia ku 135 bishitante (0,7%), Reino Uní ku 134 bishitante (0,7%), Suisa ku 113 bishitante (0,6%) i Brazil ku 118 bishitante (0,6%),

Mayoria di e bishitantenan for di Merka a biaha ku un partner, siguí pa esunnan ku a biaha nan so. Mayoria a bini pa vakansi (52,4%), sambuyamentu (35,9%) i pa bishitá amigu i famia (3,1%). Mayoria di nan a hospedá den un hotèl (48,7%), un vila (16,2%), un apartamento (8,5%), nan propio bibienda (6,4%) òf serka un miembro di famia (5,8%). E bishitantenan for di Merka a bini prinsipalmente for di Florida, New York, California, Texas i North Carolina. For di e repartishon di edat ta resultá ku e biaheronan di 65 aña bai ariba a representá 29,6% di e bishitantenan, miéntras e biaheronan di 55 pa 64 aña a representá 27,7% di e kantidat total di bishitante.

Mayoria di e bishitantenan for di Hulanda tabata personanan ku a biaha huntu ku un partner, siguí pa esunnan ku a biaha nan so. Mayoria bishitante a bini pa vakansi (72,1%), pa bishitá amigu i famia (9,6%) i pa negoshi (5,3%). Mayoria di e bishitantenan a hospedá den un hotèl (46,4%), siguí pa un apartamento (16,9%), serka un miembro di famia (10,4%), den un vila (7,1%) i den nan propio bibienda (4,5%). Mayoria di e bishitantenan hulandes a bini for di Noord-Holland, Zuid-Holland, Gelderland, Noord-Brabant i Utrecht, kaminda e grupo di edat di 55 pa 64 aña (26,7%) i e grupo di edat di 25 pa 34 aña (16,9%) a forma e segmentonan di mas grandi.

Pa mas detaye di Boneiru su prestashonnan turístiko, bo por bishitá www.bonaireisland.com   òf bo por tuma kontakto ku nos via info@bonaireisland.com.

FUENTE: TCB/LIVE99FM

NEDERLANDS:

BONAIRE VERWELKOMT 18.606 VERBLIJFSBEZOEKERS IN JANUARI 2026

Kralendijk,- Tourism Corporation Bonaire (TCB) heeft voorlopige toerismegegevens bekendgemaakt voor januari 2026, waaruit blijkt dat Bonaire 18.606 verblijfsbezoekers heeft ontvangen.

Dit is een lichte stijging van 0,04% vergeleken met januari  2025, toen er 18.598 bezoekers arriveerden.

De bezoekers uit Nederland vormden de grootste groep, goed voor 48,4% van het totale aantal aankomsten met 9004 bezoekers. De bezoekers uit de Verenigde Staten waren de op één na grootste groep, goed voor 26,9% van het totale aantal aankomsten met 5000 bezoekers.

In totaal hebben 1432 (7,7%) bezoekers uit Curaçao, ons eiland, bezocht, gevolgd door Canada met 938 (5%) bezoekers, Duitsland met 311 (1,7%) bezoekers, Aruba met 239 (1,3%) bezoekers, België met 206 (1,1%) bezoekers, Colombia met 135 (0,7%) bezoekers, Verenigd Koninkrijk met 134 (0,7%) bezoekers, Zwitserland met 113 (0,6%) bezoekers en Brazilië met 118 (0,6%) bezoekers.

De bezoekers uit de Verenigde Staten reisden voornamelijk met een partner, gevolgd door degenen die alleen reisden. De meesten kwamen voor vakantie (52,4%), duiken (35,9%) en om  vrienden en familie te bezoeken (3,1%). De meerderheid verbleef in een hotel (48,7%), een villa (16,2%), een appartement (8,5%), hun eigen woning (6,4%) of bij een familielid (5,8%). De  bezoekers uit de Verenigde Staten kwamen voornamelijk uit Florida, New York, California, Texas en North Carolina. Uit de leeftijdsverdeling bleek dat reizigers van 65 jaar en ouder 29,6% van de bezoekers

vertegenwoordigden, terwijl de reizigers van 55 tot 64 jaar 27,7% van het totaal uitmaakten.

De bezoekers uit Nederland waren voornamelijk personen die samen met een partner reisden, gevolgd door degenen die alleen reisden. De meeste bezoekers kwamen voor vakantie (72,1%), om vrienden en familie te bezoeken (9,6%) en voor zaken (5,3%).

De meeste bezoekers verbleven in een hotel (46,4%), gevolgd door een appartement (16,9%), bij een familielid (10,4%), in een villa (7,1%) en in een eigen woning (4,5%). De meeste Nederlandse bezoekers kwamen uit Noord-Holland, Zuid-Holland, Gelderland, Noord-Brabant en Utrecht, waarbij de leeftijdsgroep van 55 tot 64 jaar (26,7%) en de leeftijdsgroep van 25 tot 34 jaar (16,9%) de grootste segmenten vormden.

Voor meer details over de toeristische prestaties van Bonaire kunt u terecht op www.bonaireisland.com of u kunt contact met ons opnemen via info@bonaireisland.com.

ENGELS:

BONAIRE WELCOMED 18,606 STAYOVER VISITORS DURING JANUARY 2026

Kralendijk,- Tourism Corporation Bonaire (TCB) has shared preliminary tourism data for January 2026, revealing that Bonaire received 18,606 stayover visitors. This represents a slight increase of 0.04% compared to January 2025, when 18,598 visitors arrived. 

Visitors from the Netherlands formed the largest group, accounting for 48.4% of total arrivals, with 9,004 visitors. US visitors were the second-largest group, accounting for 26.9% of arrivals and 5,000 visitors.

A total of 1,432 (7.7%) visitors from Curaçao visited the island, followed by Canada with 938 (5%) visitors, Germany with 311 (1.7%) visitors, Aruba with 239 (1.3%) visitors, Belgium with 206 (1.1%) visitors, Colombia with 135 (0.7%) visitors, UK with 134 (0.7%) visitors, Switzerland with 113 (0.6%) visitors, and Brazil with 118 (0.6%) visitors.

US visitors mainly traveled with a partner, followed by alone. Most came for vacation (52.4%), diving (35.9%), and visiting friends and family (3.1%). The majority stayed at a hotel (48.7%), a villa (16.2%), an apartment (8.5%), their own property (6.4%), or with a relative (5.8%). US visitors primarily came from Florida, New York, California, Texas, and North Carolina. The age distribution showed that travelers aged 65 and up accounted for 29.6% of visitors, while those aged 55-64 accounted for 27.7%.

Dutch visitors were mainly those traveling with a partner, followed by solo travelers. Most visitors came for vacation (72.1%), visited friends and family (9.6%), and for business (5.3%). Most visitors stayed at a hotel (46.4%), followed by an apartment (16.9%), at a relative’s (10.4%), a villa (7.1%), and their own property (4.5%). Most Dutch visitors came from North Holland, South Holland, Gelderland, North Brabant, and Utrecht, with the 55-64 age group (26.7%) and the 25-34 age group (16.9%) being the largest segments.

For more details on Bonaire’s tourism performance, visit www.bonaireisland.com or contact us via email at info@bonaireisland.com.