HULANDA: YAMADA PA KOMPETENSIA INTERNASHONAL DI ARKITEKTURA MUSEO NASHONAL DI SKLABITUT 

Amsterdam,- Munisipio di Amsterdam, den kolaborashon ku Stichting Nationaal Slavernijmuseum, ta lansa awe un kompetensia internashonal di arkitektura pa diseño di Museo Nashonal di Sklabitut.

Timnan di diseño nashonal i di eksterior ta wòrdu invitá pa desaroyá un vishon pa un edifisio di museo i un parke na kabes di e isla di Java.

Konsehal Touria Meliani (Arte i Kultura): “Museo Nashonal di Sklabitut lo ta un lugá di enkuentro, reflekshon i konekshon. Un museo ku ta konta e historia poko eksponé di e pasado di sklabitut transatlántiko i indooseániko i su impakto riba presente. Asina nos ta traha huntu un futuro kompartí i un lugá kaminda tur hende ta bon bini pa siña, kòrda i uni. Ku e kompetensia internashonal di arkitektura, nos ta invitá diseñadónan di tur parti di mundu pa duna forma na e lugá signifikante aki.”

Yamada na timnan di diseño
E munisipio ta buskando un ekipo di diseño ku un arkitekto, un arkiteko di paisahe i un òf mas portadó di konosementu di e pasado di sklabitut hulandes. Na un fecha mas lat, lo selektá un ekipo ehekutivo pa desaroyo tékniko i realisashon. Ta rekomendá kategorikamente kolaborarashon entre ofisinanan eksperensiá i diseñadónan hóben. E diseño di e edifisio i e parke mester hasi hustisia na e importansia históriko, e importansia di e lugá i e funshon di e museo komo espasio públiko di enkuentro. 

Representashon i polifonia
E museo tin un karakter sosial amplio. Den e evaluashon lo opservá partikularmente kon e diseño ta ofresé espasio na diferente perspektiva, representashon i inklushon. 

John Leerdam, direktor di Fundashon Museo Nashonal di Sklabitut: “Museo Nashonal di Sklabitut ta un deseo di hopi tempu. E ta un lugá pa rekòrda, konektá i kura. Un lugá di speransa. Pa nos mes, i pa e generashon ku ta bin despues di nos. Esaki ta un storia ku ta trata nos tur, na Hulanda, Reino i hopi mas leu.”

Inskripshon
Inskripshon pa e kompetensia ta habrí for di djaweps 12 di febrüari 2026. Por inskribí te ku dia 7 di aprel via: https://www.amsterdam.nl/prijsvraag-nationaal-slavernijmuseum. Tambe por haña mas informashon tokante e prosedura di e kompetensia riba e website aki. E museo a ser kreá danki na Ministerio di Edukashon, Kultura i Siensia.

FUENTE: BESTUURSVOORLICHTING/LIVE99FM