GEZAGHÈBER SOLIANO A BISHITA DIFERENTE ORGANISASHONNAN SOSIAL

Kralendijk – Den e temporada tras di lomba, gezaghèber John Soliano a hasi algun bishita balioso na diferente organisashon sosial na Boneiru.

Meta di e bishitanan akí tabata pa sera konosí mas di aserka i pa fortifiká su relashon ku Boneiru su sosiedat sivil. Durante e bishitanan el a haña un bista den e trabou importante ku e organisashonnan akí diariamente ta realisá pa bienestar di nos komunidat.

Na Mental Health Caribbean, gezaghèber a sera konosí ku e personal i el a bishitá entre otro e Departamento di Mucha i Hóben Hi-5 i Sentro Nos Perseveransia. El a haña splikashon tokante karakter i magnitut di e diferente gruponan di enfoke ku MHC ta sostené i tokante e desaroyonan riba tereno di kuido di salú mental den e añanan tras di lomba. Banda di esaki a papia ampliamente tokante sosten pa personana ku un adikshon i tokante e nesesidat pa sigui fortifiká kuido pa personanan ku ta haña nan mes enbolbí ku kehonan sikologiko. Gezaghèber a aksentuá importansia di kuido di salú mental aksesibel pa tur habitante.

Fundashon Ambulans Deseo Boneiru a presentá su mishon úniko na gezaghèber: pa realisá deseo di pashèntnan ínmobil òf personanan den nan último fase di bida, pa medio di un ambulans di deseo, spesialmente ekipá pa esaki. E fundashon a konta tokante e hopi donatùrnan ku a kontribuí pa realisá e bunita deseonan. Tambe e fundashon a mustra riba e disponibilidat grandi di boluntarionan pa yuda kumpli ku e eksperensianan spesial akí pa e pashèntnan. Durante e bishita impakto di e deseonan akí a bira evidente: e storianan di e pashèntnan pa kende a realisá nan deseo, tabata emoshonante i ta un indikashon di e nesesidat pa brinda mas atenshon, mas amor i mas kuido na e grupo di enfoke akí. Gezaghèber por a mira e ambulans di aserka tambe i el a haña splikashon tokante e ekipo i e posibilidatnan di e vehíkulo. Si bo konosé un hende ku tambe meresé pa realisá su deseo, e ora ei bo por nominá e persona akí pa un deseo grátis riba wèpsait di e fundashon: www.fadb.nu.

Na Krus Kòrá Boneiru gezaghèber a inspektá e ekiponan i fasilidatnan disponibel, ku ta varia di algun pòst móbil di EHBO te material médiko di emergensia, ekiponan di telekomunikashon i mas. E organisashon a splika kon nan ta hasi uso di nan boluntarionan den kaso di situashonnan di emergensia, ayudo humanitario i eventonan grandi. Banda di esaki nan a papia tokante nan proyektonan ku nan tin andando, kapasitashon pa empresa ku nan ta fasilitá i ròl di Krus Kòrá den un kadena humanitario mas amplio.

Durante un kòmbersashon ameno ku MiVaBo e organisashon akí a splika di nan trabou pa personanan ku limitashon i hende grandi. E organisashon a mustra tambe riba e retonan relashoná ku aksesibilidat na Boneiru. Durante e kòmbersashon nan a para ketu na e nesesidat pa mas konsientisashon i mihó fasilidat, manera sufisiente lugá pa stashoná outo, left ku ta funshoná i edifisio públiko aksesibel. Tambe MiVaBo a konta tokante nan aktividatnan, entre otro un programa di landamentu pa hende grandi, pero tambe e atenshon kresiente pa e asina yamá ‘mantelzorger’-nan ku hopi biaha ta eksperensiá preshon grandi.  

Finalmente gezaghèber a bishitá Forsa Academy. Pa medio di uso di metodologia di Forsa na e departamento di SLP di SGB, ta ofresé guia i sosten èkstra na hòbennan ku problema di komportashon. Nan ta ofresé e hóbennan un programa ku ta yuda pa brinda mas struktura i perspektiva. Forsa a splika kon, huntu ku nan coachnan i empresanan lokal, nan ta desaroyá aktividatnan práktiko den entre otro sektor di hóreka, agrikultura i téknika. Durante e bishita a bira evidente kon e hóbennan via e aserkamentu akí ta edifiká sierto abilidatnan, ta kontinuá ku siñamentu i den pasonan chikitu ta traha riba regreso den enseñansa regular.

Gezaghèber ta ekspresá su profundo apresio pa tur boluntario, profeshonal, partner i donatùr ku ta komprometé nan mes pa e inisiativanan balioso akí. Banda di esaki e ta enkurashá nos habitantenan pa sigui traha komo boluntario pa e organisashonnan akí i pa otro organisashonnan. Kada forma di enbolbimentu ta kontribuí na koherensia sosial, forsa i resiliensia di nos komunidat. Danki na e kompromiso akí, huntu nos ta edifiká un komunidat atento i inklusivo.  

FUENTE: OLB/LIVE99FM

NEDERLANDS:

GEZAGHEBBER SOLIANO HEEFT VERSCHILLENDE SOCIALE ORGANISATIES BEZOCHT

Kralendijk -Gezaghebber John Soliano heeft in de afgelopen periode een aantal waardevolle bezoeken gebracht aan verschillende maatschappelijke en sociale organisaties op Bonaire.

Het doel van deze bezoeken was om nader kennis te maken en zijn relatie met het maatschappelijk middenveld van Bonaire te versterken. Tijdens deze bezoeken kreeg hij een inkijk in het belangrijke werk dat deze organisaties dagelijks verrichten voor het welzijn van onze gemeenschap.

Bij Mental Health Caribbean maakte de Gezaghebber kennis met de staf en bezocht hij onder andere de Kind-en Jeugdafdeling Hi-5 en Sentro Nos Perseveransia. Hij kreeg toelichting over de aard en omvang van de verschillende doelgroepen die MHC ondersteunt en de ontwikkelingen op het gebied van geestelijke gezondheidszorg in de afgelopen jaren. Daarnaast werd uitgebreid gesproken over de ondersteuning voor mensen met een verslaving en de behoefte om de zorg voor personen die te maken krijgen met psychotische klachten verder te versterken. De Gezaghebber benadrukte het belang van toegankelijke geestelijke gezondheidszorg voor alle inwoners.

De Fundashon Ambulans Deseo Boneiru presenteerde haar unieke missie aan de Gezaghebber: het vervullen van wensen van immobiele patiënten of personen in de laatste levensfase, door middel van een speciaal ingerichte wensambulance. De stichting vertelde over de vele donateurs die hebben bijgedragen om mooie wensen te vervullen. Ook wees de stichting op de grote bereidwilligheid van vrijwilligers om mee te helpen om bijzondere ervaringen te verzorgen voor patiënten. Tijdens het bezoek werd de impact van deze wensen duidelijk: de verhalen van de patiënten die een wens vervuld hebben gekregen waren hartverwarmend en wijzen op de behoefte om meer aandacht, liefde en zorg te bieden aan deze doelgroep. De gezaghebber kon ook de ambulance van dichtbij bekijken en kreeg uitleg over de uitrusting en mogelijkheden van het voertuig. Ken jij iemand die ook een wens verdient, dan kan je die nomineren voor een gratis wens op de website van de stichting: www.fadb.nu. 

Bij het Rode Kruis Bonaire kreeg de Gezaghebber een rondleiding langs de beschikbare uitrusting en voorzieningen, variërend van mobiele EHBO posten tot medische noodmaterialen. De organisatie legde uit hoe hun vrijwilligers worden ingezet bij noodsituaties, humanitaire hulp en grote evenementen. Daarnaast werd gesproken over hun lopende projecten, trainingen voor bedrijven en de rol van het Rode Kruis in de bredere humanitaire keten.

Tijdens een aangenaam gesprek met MiVaBo lichtte de organisatie toe hoe zij zich inzetten voor mensen met een beperking en ouderen. De organisatie wees ook op de uitdagingen rondom toegankelijkheid op Bonaire. Tijdens het gesprek werd stilgestaan bij de noodzaak van meer bewustwording en betere faciliteiten, zoals voldoende parkeerplaatsen, functionerende liften en toegankelijke publieke gebouwen. Ook vertelde MiVaBo over hun activiteiten, waaronder een zwemprogramma voor ouderen, maar ook de groeiende aandacht voor mantelzorgers die vaak grote druk ervaren.

Tot slot bezocht de Gezaghebber de Forsa Academy. Door de inzet van de Forsa methodiek bij de SLP-afdeling van de SGB wordt extra begeleiding en ondersteuning geboden aan jongeren met gedragsproblematiek. Jongeren krijgen een programma aangeboden die hen helpt om meer structuur en perspectief te bieden. Forsa lichtte toe hoe zij samen met hun coaches en lokale bedrijven praktische activiteiten ontwikkelen binnen onder andere horeca, landbouw en techniek. Tijdens het bezoek werd duidelijke hoe jongeren via deze aanpak vaardigheden opbouwen, blijven leren en in kleine stappen toewerken naar terugkeer in het regulier onderwijs.

De Gezaghebber spreekt zijn diepe waardering uit voor alle vrijwilligers, professionals, partners en donateurs die zich inzetten voor deze waardevolle initiatieven. Daarnaast moedigt hij inwoners aan om zich als vrijwilliger te blijven inzetten bij deze en andere organisaties. Iedere vorm van betrokkenheid draagt bij aan de sociale samenhang, de kracht en de weerbaarheid van onze samenleving. Dankzij deze inzet bouwen we samen aan een zorgzame en inclusieve gemeenschap.