PROFESOR ANNE-MEI THE TA INVESTIGÁ RETNAN SOSIAL I TRADISHONNAN DI KUIDO NA BONEIRU.

Kralendijk,- Ultimo simannnan Anne-Mei The, profesor Langdurige Zorg en Sociale Benadering na  Vrije Universiteit di Amsterdam i inisiadó di Sociale Benadering, a bolbe bishitá Boneiru. Durante e estadia akí el a hasi investigashon kualitativo riba tereno di retnan sosial di famia i komunidat riba e isla, i riba e manera kon hende tabata konbibí ántes i tabata kuida otro – i kon e kuido ei ta desaroyá awendia. E ta di opinion ku por saka inspirashon for di esaki pa kuido duradero den futuro.

E inbestigashon tabata konsistí di kòmbersashonnan personal i opservashonnan. Anne-Mei The a papia ku hende di diferente generashon tokante nan rekuerdonan, relashonnan familiar i e espíritu komunitario. E storianan akí ta duna un bista kon kuido i solidaridat na Boneiru ta histórikamente organisá, i kua balornan ta sigui desaroyá ei den.

Fundashon Alzheimer Bonaire a hasi e bishita posibel, partikularmente Sra. Henna Winklaar, ku a fasilitá e estadia i a pone e relashonnan lokal. Banda di e kòmbersashonnan tabatin tambe espasio pa opservashon di e bida diario i di e dinamismo sosial denter di famianan i komunidat.

A base di e inbestigashon práktiko akí Anne-Mei The a start un podcast, den kua ta fiha i kompartí storia i eksperensianan. Reksel Engelhart a graba i filma e podcast. E seri ta un reprodukshon hístoriko di e investigashon i ta hasi e rikesa sosial di e komunidat boneriano oudibel pa un públiko mas amplio. 

Inspirashon pa e inbestigashon akí a surgi durante un bishita di trabou formal na aprel 2025, tempu ku Anne-Mei The riba invitashon di Fundashon Alzheimer Bonaire tabata riba e isla. Durante di e bishita ei el a nota e karákter sosial ekspresivo di e komunidat: e konekshon komun, e kuido opvio i e ròl di famia i bisiña den e bida diario.

Resientemente el a ehersé un investigashon komparabel na Aruba tambe, kaminda el a kolekshoná tambe storianan tokante e espíritu komunitario, kuido i konbibiensa. Ambos trayekto ta parti di un eksplorashon mas amplio di aserkamentu sosial di kuido, ankrá den e mundu habitabel di hende mes.

Durante di e inbestigashon práktiko na Boneiru Anne-Mei The a papia ku algun siudadano selektá pa Anne-Mei mes, salí for di diferente generashon i pasado. El a papia tambe ku diputado di Salubridat Públiko Sr. Peter Silberie, director ehekutivo Sra. Maideline Hooi-Martijn di Sentro AKSESO Boneiru i director ehekutivo Sra. Genara Timp di Zorg en Welzijn Groep. Den kòmbersashonnan ku e ehekutivonan tambe énfasis tabata riba nan rekuerdonan i eksperensianan personal ku kuido pa otro i konbibiensa den e komunidat ku ta kambiando na Boneiru. Sr. Silberie a supliká Anne Mei The pa un reprodukshon i konseho di su puntonan di bista.

Produktonan di e inbestigashon – den forma di storia, reflekshon i podcast – ta kontribuí na un diálogo mas amplio tokante kuido informal, komunidat i humanidat, paden i pafó di teritorio karibense.

FUENTE: FUNDASHON ALZHEIMER BONAIRE/LIVE99FM

NEDERLANDS:

PROFESSOR ANNE-MEI THE ONDERZOEKT SOCIALE NETWERKEN EN ZORGTRADITIES OP BONAIRE.

Kralendijk,- De afgelopen weken bracht Anne-Mei The, hoogleraar Langdurige zorg en Sociale Benadering aan de Vrije Universiteit van Amsterdam en initiatiefnemer van de Sociale Benadering, opnieuw een bezoek aan Bonaire.

Tijdens dit verblijf deed zij kwalitatief veldonderzoek naar de sociale netwerken van families en gemeenschappen op het eiland, en naar de manieren waarop mensen vroeger samenleefden en voor elkaar zorgden – en hoe die zorg zich vandaag de dag ontwikkelt. Zij is van mening dat hieruit inspiratie kan worden gehaald voor de toekomstige langdurige zorg.

Het onderzoek bestond uit persoonlijke gesprekken en observaties. Anne-Mei The sprak met mensen van verschillende generaties over hun herinneringen, familiebanden en gemeenschapszin. Deze verhalen geven inzicht in hoe zorg en solidariteit op Bonaire historisch zijn georganiseerd, en welke waarden daarin nog steeds doorwerken.

Het bezoek aan Bonaire werd mogelijk gemaakt door Fundashon Alzheimer Bonaire, in het bijzonder door mevrouw Henna Winklaar, die het verblijf faciliteerde en lokale verbindingen legde. Naast gesprekken was er ruimte voor het observeren van het dagelijks leven en de sociale dynamiek binnen families en gemeenschappen.

Op basis van dit veldwerk is Anne-Mei The begonnen met het maken van een podcast, waarin de verhalen en ervaringen worden vastgelegd en gedeeld. De podcast wordt opgenomen en gefilmd door Reksel Engelhart. De serie vormt een verhalende weerslag van het onderzoek en maakt de sociale rijkdom van de Bonairiaanse gemeenschap hoorbaar voor een breder publiek.

De inspiratie voor dit onderzoek ontstond tijdens een formeel werkbezoek in april 2025, toen Anne-Mei The op uitnodiging van Fundashon Alzheimer Bonaire op het eiland was. Tijdens dat bezoek viel haar het uitgesproken sociale karakter van de gemeenschap op: de onderlinge verbondenheid, de vanzelfsprekendheid van zorg en de rol van families en buren in het dagelijks leven.

Een vergelijkbaar onderzoek voert zij ook uit op Aruba, waar zij eveneens verhalen verzamelt over gemeenschapszin, zorg en samenleven. Beide trajecten maken deel uit van een bredere mondiale verkenning naar sociale benaderingen van zorg, geworteld in de leefwereld van mensen zelf.

Tijdens het veldwerk op Bonaire sprak Anne-Mei The met een aantal door haar geselecteerde burgers van verschillende generaties en achtergronden. Ook sprak ze met Gedeputeerde Publieke Gezondheid de heer Peter Silberie, directeur-bestuurder mevrouw Maideline Hooi-Martijn van Sentro AKSESO Boneiru en directeur-bestuurder van Zorg en Welzijn Groep mevrouw Genara Silberie. Ook in de gesprekken met de bestuurders lag de nadruk op hun persoonlijke herinneringen en ervaringen met zorgen voor elkaar en samenleven in de veranderende samenleving van Bonaire. De heer Silberie heeft Anne-Mei The verzocht om een weergave en advies van haar inzichten. 

De opbrengsten van het onderzoek – in de vorm van verhalen, reflecties en podcasts – dragen bij aan een bredere dialoog over informele zorg, gemeenschap en menselijkheid, binnen én buiten het Caribisch gebied.