MPB NO TA SINTI SU MES YAMÁ PA LAPI E KOALISHON AKTUAL

Kralendijk,- Ayera tardi den un reunion informal, representantenan di partido MPB a sinta na mesa huntu ku representantenan di partido demokrat riba invitashon di e lider di partido Demokrat.

Den e reunion akí a fula tera pa wak e posibilidat pa lapi e gobièrnu eksistente bèk ku ayudo di MPB. “Di parti di partido MPB nos a bisa esnan presente ku nos no ta sinti nos mes yamá pa lapi e gobiernu bèk na otro. Nos a splika ku pa vários motibu ta difísil pa nos komo MPB na e momentonan akí hasi esaki,” segun e lider di MPB Hennyson Thielman.

Krítika pisá den komunidat

Thielman ta splika ku un di e motibunan akí ta e kantidat di krítika pisá ku pa tres aña kaba ta biba den nos komunidat tokante e forma di goberná di e koalishon aktual akí. “Hopi kos ta stanká akí na Boneiru i asta ora bo reklamá i mustra riba esakinan, nan ta tira falta riba gobernashon anterior, riba empleadonan públiko i riba tur otro hende. Pa koroná obra nan ta tuma bo na malu tambe. Esaki ta un di e motibunan ku Salma Serberie a disidí di kita su sosten for di e koalishon aktual,” segun Hennyson Thielman.

Nan a krea hopi problema na Boneiru

“Den e último 3 añanan MPB mes ta esun ku mas a krítika e forma kon e koalishon aktual a traha i krea hopi problema na Boneiru. Ainda ta fresku den nos memoria kon e diskushonnan fuerte a bai entre ami i e lider di Partido Demokrat Clark Abraham tokante kompra di tereno na Santa Clara, pa kua ainda tin un investigashon andando,” asina e lider di MPB Hennyson Thielman a trese dilanti.

Rumbo nobo pa Boneiru

Kontinuando Thielman ta bisa ku mas rápido posibel Boneiru mester di un otro rumbo den un direkshon positivo. “Di parti di MPB nos ta spera ku e otro partidonan i frakshonnan por yega na otro pronto pa forma un gobièrnu stabil pa por kuminsá atendé ku hopi di e problemanan ku ta biba den komunidat, entre otro e nesesidat urgente di kas pa hende biba, subida di preis, pèrmitnan ku ta pegá, kayanan ku ta den estado malísimo i sigur tambe e problema di lèntfel.”

MPB ta kla pa asumí responsabilidat

“Nos ta spera ku e partidonan i frakshonnan lo por basha awa den biña kaminda esaki ta nesesario, pa asina por pone bienestar di nos hendenan i nos isla na promé lugá. Partido MPB sigur ta kla pa mas rápido posibel asumí responsabilidat pa atendé ku e problemanan urgente ku nos isla tin na e momento aki formando parti di un koalishon nobo. Tanten ku no tin un koalishon nobo MPB ta habrí pa sostené proposishonnan serio ku tin prioridat na interes di Boneiru,” segun Hennyson Thielman.

FUENTE: PARTIDO MPB/LIVE99FM

NEDERLANDS:

MPB VOELT ZICH NIET GEROEPEN OM DE HUIDIGE COALITIE OP TE LAPPEN

Kralendijk,- Gistermiddag hebben vertegenwoordigers van de MPB in een informele vergadering aan tafel gezeten met vertegenwoordigers van de DP (Democratische Partij) op uitnodiging van de partijleider van de DP. In deze vergadering werden mogelijkheden gepolst om met behulp van de MPB het huidige eilandbestuur weer op te lappen. Wij hebben uitgelegd dat het voor ons als MPB om meerdere reden op dit moment moeilijk is om dit te doen,” aldus de partijleider van de MPB Hennyson Thielman.

Zware kritiek vanuit de samenleving

Thielman legt uit dat één van deze redenen de hoeveelheid zware kritiek is die al drie jaar lang in onze samenleving leeft met betrekking tot de manier waarop deze coalitie ons eiland bestuurt. “Zowat alles is vastgelopen hier op Bonaire en zelfs als je aan de bel trekt en hierop wijst, geven ze de schuld aan het vorige eilandbestuur, aan de ambtenaren en aan van alles en nog wat. Tot overmaat van ramp nemen ze het je kwalijk ook nog. Dit is ook een reden waarom Salma Serberie haar steun aan de huidige coalitie heeft teruggetrokken,” aldus Hennyson Thielman.

Ze hebben veel problemen gecreëerd op Bonaire

“De afgelopen 3 jaar was het de MPB zelf die de meeste kritiek heeft geuit op de manier waarop de huidige coalitie heeft gefunctioneerd en veel problemen heeft gecreëerd op Bonaire. Het ligt ons nog vers in het geheugen hoe de stevige discussies zijn verlopen tussen mij en de partijleider van de DP Clark Abraham, over de aankoop van land bij Santa Clara, waarvoor nog steeds een onderzoek loopt,” zo verheldert de partijleider van de MPB Hennyson Thielman.  

Nieuwe koers voor Bonaire

Verder zegt Thielman dat Bonaire zo snel mogelijk een nieuwe, positieve koers moet gaan varen. “Namens de MPB hopen wij dat de andere partijen en fracties elkaar spoedig kunnen vinden om een stabiel eilandbestuur te vormen, om te beginnen met de aanpak van de vele problemen die in onze gemeenschap leven, onder andere de urgente behoefte aan sociale woningen, prijsstijgingen, vergunningen die vast zitten, de straten die in erbarmelijke staat verkeren en zeker ook het probleem van de landfill.”

De MPB staat klaar om verantwoordelijkheid te nemen

“Wij hopen dat de andere partijen en fracties water bij de wijn kunnen doen waar dit nodig is, om zo het welzijn van onze mensen en ons eiland voorop te stellen. De MPB staat zeker klaar om zo spoedig mogelijk verantwoordelijkheid te nemen om de dringende problemen van ons eiland aan te pakken, door deel uit te gaan maken van een nieuwe coalitie. Zolang er geen nieuwe coalitie is, staat de MPB open om serieuze voorstellen te ondersteunen die prioriteit hebben in het belang van Bonaire,” aldus Hennyson Thielman.