GEZAGHÈBER TA WAK BÈK RIBA UN BISHITA PRODUKTIVO DI ‘NEDERLANDSE GENOOTSCHAP VAN BURGEMEESTERS’

Kralendijk – Entre 16 i 19 di yanüari un delegashon di ‘Nederlands Genootschap van Burgemeesters – NGB’ a hasi un bishita di vários dia na Boneiru, ku enfoke riba intervishon, interkambio di konosementu i profundisashon di kolaborashon gubernamental.

Durante e bishita akí gezaghèber John Soliano, ku tambe ta forma parti di ‘Nederlands Genootschap van Burgemeesters’, a aktua komo anfitrion.

Regularmente e asosiashon ta organisá enkuentro pa burgemeester (nobo), kaminda nan por siña mas tokante e funshon di burgemeester, interkambiá di idea ku otro tokante temanan aktual i deliberá tokante dilemanan ku nan ta topa kuné. E seshonnan akí ta ofresé espasio pa reflekshon, interkambio di eksperensia i fortifikashon di e ret mutuo.

Pa e edishon akí nan a skohe Boneiru komo sitio di enkuentro. E delegashon tabata konsistí di sinku burgemeester hulandes, gezaghèber di Sint Eustatius i un akompañante di e asosiashon NGB. Durante e bishita nan a partisipá na un programa amplio ku entre otro enkuentro ku Kolegio Ehekutivo, Konseho Insular i representantenan for di e área sosial di Boneiru. Banda di esaki e partisipantenan durante un rekorido na nos isla a haña konosementu di nos konteksto lokal i di e desaroyonan na Boneiru.

E punto kulminante di e programa a base di kontenido a tuma lugá riba djadumingu 18 di yanüari, ku un seshon intensivo di intervishon. Durante e seshon akí e mandatarionan a bai den kòmbersashon tokante problemátikanan for di nan práktika diario i na un manera konfidensial nan a kompartí eksperensia i konosementu ku otro. E burgemeesternan ta prosedente di munisipionan di diferente tamaño ku kada un tin nan propio desafionan atministrativo, pero den e eksperensianan di kada un hopi biaha nan ta rekonosé hopi kos ku nan tin komun tambe. Pa e motibu akí nan por asesorá otro bon tambe. Kaminda tin diferensia, hopi biaha esakinan por kondusí na konosementu sorprendiente i balioso.

Gezaghèber Soliano di Boneiru ta wak bèk riba un bishita eksitoso, kaminda a sigui profundisá e relashonnan i na unda e partisipantenan por a yuda otro krese den nan trabou. E bishitá ta suprayá balor di kolaborashon i interkambio di konosementu den atministrashon públiko, i e balor ku gezaghèber ta duna na fortifikashon di bon gobernashon.

FUENTE: OLB/LIVE99FM

NEDERLANDS:

GEZAGHEBBER BLIKT TERUG OP PRODUCTIEF BEZOEK VAN NEDERLANDSE GENOOTSCHAP VAN BURGEMEESTERS

Kralendijk -Tussen 16 januari en 19 januari bracht een delegatie van het Nederlands Genootschap van Burgemeesters (NGB) een meerdaags werkbezoek aan Bonaire, gericht op intervisie, kennisuitwisseling en het verdiepen van bestuurlijke samenwerking.

Gezaghebber John Soliano, die zelf deel uitmaakt van het Nederlands Genootschap van Burgemeesters, trad daarbij op als gastheer.

Het Genootschap organiseert regelmatig bijeenkomsten voor (nieuwe) burgemeesters, waarin zij meer over het ambt van burgemeester kunnen leren, met elkaar van gedachten wisselen over actuele thema’s en dilemma’s die zij tegenkomen kunnen bespreken.

Deze sessies bieden ruimte voor reflectie, uitwisseling van ervaringen en het versterken van het onderlinge netwerk.

Voor deze editie is gekozen voor Bonaire als locatie. De delegatie bestond uit vijf Nederlandse burgemeesters, de gezaghebber van Sint Eustatius en een begeleider van de NGB. Gedurende het bezoek namen zij deel aan een uitgebreid programma met onder meer ontmoetingen met het Bestuurscollege, de Eilandsraad en vertegenwoordigers uit het maatschappelijk veld op Bonaire. Daarnaast kregen de deelnemers tijdens een eilandtour inzicht in de lokale context en ontwikkelingen op Bonaire.

Het inhoudelijke hoogtepunt van het programma vond plaats op zondag 18 januari, met een intensieve intervisiesessie. Tijdens deze sessie gingen de bestuurders met elkaar in gesprek over vraagstukken uit de dagelijkse praktijk. Daarbij deelden ze op vertrouwelijke wijze ervaringen en inzichten onderling. De burgemeesters komen uit gemeenten van uiteenlopende groottes met ieder eigen bestuurlijke uitdagingen, maar herkennen in elkaars ervaringen vaak veel gemeenschappelijks. Daardoor kunnen zij elkaar goed adviseren. Waar er verschillen zijn, kunnen die vaak ook leiden tot verrassende en waardevolle inzichten.

Gezaghebber Soliano van Bonaire blikt terug op een geslaagde bezoek, waarbij de verbindingen verder verdiept zijn en de deelnemers elkaar konden helpen groeien in hun ambt. Het bezoek onderstreept de waarde van samenwerking en kennisuitwisseling binnen het openbaar bestuur, en de waarde die de gezaghebber hecht aan het versterken van goed bestuur.