FORMA A KUMPLI 33 AÑA DI EKSISTENSIA DEN APREL.

Kralendijk,- Forma a ser fundá pa duna un di dos chèns na personanan ku a kai for di enseñansa regular.  E mishon di FORMA ta:

Ofresé e adulto i e hóben, i ku esaki tambe e próksimo generashon, un chèns pa por desaroyá su mes, pa asina e adulto i hóben por funshoná óptimo riba merkado laboral i e komunidat.

Tambe informá i konsehá organisashonnan, instansianan i gobièrnu tokante e situashon di e gruponan di enfoke.

Awe nos ta otorgá sertifikado na 12 partisipante di Jobprogram Beveiliging. Riba petishon di Plenchi di Trabou i den estrecho kolaborashon a diseñá un programa pa personanan ku ke prepará nan mes pa traha den e área di seguridat aki. Bosnan a sigui un programa di 10 siman ku hopi entusiasmo. Nos a konosé kada un di bosnan komo personanan ku potensial pa por kuminsá òf sigui aportá na nos  ekonomia. Kasi …% di e grupo aki ta imigrante. Nan a laga nan pais atras i bin buska un porvenir mihó pa nan famia. Nan a usa di e oportunidat ku Plenchi di Trabou a brinda nan pa upgrade nan mes pa asina drecha nan posishon riba merkado laboral. Durante nan estudio bosnan a haña preparashon den na sektor di siguridat i tambe a traha duru riba abilidatnan sosial ku bosnan mester di dje pa funshoná den nos komunidat i tambe den nos bida di tur dia. Esaki ta yuda nos di ta un bon miembro di e komunidat aki.

Un siudadano ta miembro di un komunidat ku a nase na e pais òf a atkerí derechi pa biba den e komunidat.  Bo por atkerí derechi di ta parti di e komunidat aki ora bo haña bo pèrmit di estadia òf bo pèrmit di trabou.  Pues bosnan tur ta miembro di e komunidat aki. Bosnan a duna muestra di ke aportá tambe na bo mes desaroyo i na progreso di Boneiru. Kada un di bosnan den e periodo relativamente kòrtiku akí a krese den konosementu i ta dunando un aporte grandi na pa yuda konstruí nos isla. Mi ke yama bosnan danki pa esaki. Esaki no ta sosodé outomátikamente. Pa esaki mester tin un kurason gradesido i ku gana di siña i avansá den bida.

Ku boso esfuerso bosnan a yuda aportá tambe na e vishon di FORMA. Bosnan a haña un di dos oportunidat, bosnan a bai e reto akí te ku awe nochi nos por selebrá ku bosnan.

Un danki di kurason. Bosnan a hasi ku nos por sera un kurso eksitoso ku hopi satisfakshon! Un gran pabien na tur nos 12 kursistanan. Bosnan a habri paso pa otro Jobprogram nan!

Un danki di kurason na Plenchi di Trabou pa rekonosé nos organisashon komo e sentro di edukashon i formashon pa adulto. Nos ta kla pa sigui pasobra ta esaki ta nos vishon!!

FUENTE: FORMA/LIVE99FM