DJABIERNE PUS OF PAARSE VRIJDAG

Krale dijk,- Luna di desèmber a kuminsá ku dòrnamentu di Bonaire, regalo pa trahadó, pa boluntario, pa mayor i pa alumnonan pa sera i kuminsá aña kontentu, alegre i ku bon deseo.

Tin ku ta keda desapuntá pa motibu ku nan no ta haña nada di grasia i komunidat ta persistí den neglishá nan. Mi ta referí na nos siudadanonan ku pa motibu di diskriminashon a uni den LGBTQ+.

Mi tin ku bisa ku ami tambe a haña un rekompensa pa mi apoyo na e grupo aki. Ta “Pride Award” Un rekonosementu ku ta hasi ami orguyoso i ta duna mi mas energia pa sigui sostené, apoyá, defendé i protehé e siudadanonan aki. 

Dia 12 di desèmber tabata Djabièrnè Püs i e skol avansá di Bonaire  a tene un dia di awa na lugá di mustra pueblo ku te ainda Bonaire ta den rei di pais i islanan ku ta diskriminá i ekskluí e personanan ku un otro orientashon seksual.

Netamente na skol tin tentamentu i tèrmentu i skol ta bira galiña i laga e dia bai, sea pa preshon di persona òf gruponan ku ta kontra, pa e personanan ei tin  nan dia pa selebrá.

Nos ta rabia pa motibu ku Hulanda ta diskriminá nos  pero ku smak i amor nos ta diskriminá esnan di otro orientashon seksual  Nos ta keda mantené diskriminashon, desigualdat, rasismo i eksklusividat na bida. Nos ke saneá nos mes di trouma di sklabitut i pedofilí di 1954. 

Ta straño pa tende ku nos ta orguyoso di ta desendientenan di Afrika. Lo ta bon pa sa si bo ta orguyoso ainda si bo ta desendiente di un afrikano homoseksual. Otro aña nos tin un minister presidente homoseksual.

FUENTE :ARTHUR SEALY