POLIS A TENE KÒNTRÒL DI TRÁFIKO DIRIGÍ RIBA VELOSIDAT DI VEHÍKULONAN NA KAMINDA TRAS DI MONTAÑA.

Aksidente ku resultado fatal

Djárason 3 di desèmber, alrededor di 11 or di mainta, ‘meldkamer’ sentral a risibí notifikashon tokante un aksidente ku herido entre un trùk i un gòlfkar na altura di Kaya Sioux i Kaya Cacique.

Dor di e impakto e shofùr i un pasahero di e gòlfkar a resultá heridá riba kaminda. Personal di ambulans ku a yega na e sitio a inisiá mesora ku reanimashon di un di e víktimanan i despues a transportá tur dos víktima pa hòspital.

Mas lat, polis a risibí notifikashon ku un di e víktimanan, e pasahero di e gòlfkar, a fayesé a konsekuensia di e aksidente. Na hòspital, dòkter a konstatá morto di e hòmber, un turista krusero, di inisial R.D.T. di 75 aña di edat, nasé riba 6 di desèmber 1949 na Estados Unidos.

Detenshonnan pa manehá bou di influensia di alkohòl

E dianan ku a pasa, polis a detené tres shofùr pa manehá bou di influensia di alkohòl. A hasi un tèst di supla ku nan ku resultado positivo.

Djárason 3 di desèmber, alrededor di 2.20 or di mardugá, a detené un hòmber di inisial  M.H.v.O. di 25 aña di edat na Kaya L.D. Gerharts. A para e sospechoso pa un kòntròl rutinario, despues di kua a resultá ku e tabata manehá bou di influensia di alkohòl.  A konsekuensia di e resultado di un análisis di rosea, a konfiská reibeweis di e sospechoso.

Djamars 2 di desèmber, alrededor di 4.55 or di mardugá, un patruya a tuma nota di un outo sospechoso stashoná na un establesimentu di hóreka situá na Kaya Dr. Jose Girigorio Hernandez. P’esei a opta pa tene un kòntròl serka e persona ku tabata presente na e sitio. E persona aki no por a identifiká su mes pa medio di un prueba di identifikashon òf reibeweis bálido. Despues di esaki e persona a drenta su outo i a bandoná e sitio.

Debí na esaki, e agentenan a opta pa sigui e vehíkulo i a duna e shofùr señal pa para riba Hanchi Amboina, di kua e shofùr a kumpli ku esaki. Durante kòntròl a resultá ku e shofùr tabata mustra karakterístikanan di un persona ku ta bou di influensia di alkohòl. A hasi un tèst di supla kuné ku resultado positivo. A konsekuensia di e resultado di e tèst di supla, a detené e dama di inisial M.S.T.M. di 20 aña di edat.

A detené e sospechoso kaba riba djamars 25 di novèmber na Kaya Korona, despues ku e tabata kore zeilu ku su vehíkulo. Un patruya a par’é, for di kua a resultá ku e tabata bou di influensia di alkohòl.  Riba e dia aki a dun’é un but tambe pa no por mustra un reibeweis i dokumentonan di seguro bálido.

Djamars 2 di desèmber, alrededor di 2.15 or di mardugá, a detené un dama di inisial L.E.d.R. di 23 aña di edat na Kaya L.D. Gerharts. E sospechoso tabata kore sin hèlm bistí riba un skuter i un patruya a par’é pa un kòntròl, despues di kua a resultá ku e tabata manehá bou di influensia di alkohòl. A konsekuensia di e resultado di un análisis di rosea, a konfiská reibeweis di e sospechoso.

Ladronisia na sitio di sambuyá

Djamars 2 di desèmber a drenta keho di ladronisia na e sitio di sambuyá ‘Margate Bay’, situá na E.E.G. Bulevar. Miéntras e doñonan tabata snòrkel, deskonosínan a bai ku dos telefòn selular di e marka Samsung i sèn kèsh for di tasnan di kompras ku a keda tras riba e bich. Ta investigando e kaso.

Kòntròl di velosidat

Djamars 2 di desèmber a tene un kòntròl di tráfiko dirigí riba velosidat di vehíkulonan. E kòntròl a tuma lugá na Kaminda Tras di Montaña. Ku un ‘lasergun’ a midi velosidat di vehíkulonan aserkando.

Durante e kòntròl aki, a duna tres but pa surpasá e velosidat máksimo permití di 60 km/ora. E velosidatnan ku a midí tabata entre 60 i 128 km/ora.

KPCN lo kontinuá ku e tipo di kòntròl dirigí riba velosidat na diferente parti di nos isla i ta atvertí tur outomobilista pa paga tinu riba nan velosidat. Den área urbanisá (bebouwde kom), 40 km pa ora ta e velosidat máksimo permití i pafó di bebouwde kom ta 60 km pa ora.

Kòntròl di tráfiko

Djaluna 1 di desèmber a tene un kòntròl planíá di tráfiko riba Kaya Korona. A para i kontrolá un total di dies (10) vehíkulo, di kua a duna un (1) but pa manehá sin reibeweis bálido.

Durante e kòntròl, dos persona no por a mustra nan dokumentonan di identifikashon i pèrmit bálido di estadia. A bai ku nan warda di polis, i despues di mas investigashon a resultá ku ámbos persona tabata permanesé di forma ilegal riba e isla. A entregá nan na e Departamentu di Supervishon di Estranhero (Vreemdelingen Toezicht).

Lo tene e kòntròlnan aki regularmente na kua lo aktua ku man duru na momentu ku shofùrnan no tin e dokumentunan na òrdu i tambe si no ta kumpli ku reglanan di tráfiko. Bo no ta kumpli ku reglanan? Bo por haña un but. E suma di un but pa e violashonnan menshoná ta varia entre $30 te ku $225.

Akshon planiá kontra stashonamentu robes

Djaluna 1 di desèmber a tene un akshon planíá kontra outonan mal stashoná. Alrededor di 9.40 or di mainta, un patruya a konstatá diferente outo mal stashoná tantu riba Kaya Soeur Bartola i Kaya J.E. Nicolaas. 

Riba Kaya J.E. Nicolaas, un prohibishon pa stòp ta na vigor pa tur dos banda di kaya. E outonan tabata stashoná riba asera i riba kaminda. Un di e vehíkulonan aki tabata stashoná direktamente riba e djente di tribon (haaientanden) na e krusada. Nuebe (9) shofùr a haña but i a tou tres outo. Kuerpo Polisial Hulanda Karibense (KPCN) ta atvertí ku lo tou vehíkulonan mal stashoná na sitionan ku no ta permití pa stashoná. Personanan ku kometé violashon por haña un but i e gastunan di tou ta bini riba kuenta di e shofùr di e vehíkulo.

FUENTE: KPCN/LIVE99FM

NEDERLANDS:

POLITIEBERICHTEN VAN MAANDAG 1 DECEMBER TOT EN MET WOENSDAG 3 DECEMBER 2025

Aanrijding met dodelijke afloop

Op woensdag 3 december, rond 11:00 uur, kreeg de centrale meldkamer melding over een aanrijding met letsel tussen een truck en een golfkar ter hoogte van de Kaya Sioux en de Kaya Cacique.

Als gevolg van de impact raakten de bestuurder en een passagier van de golfkar gewond op de weg. Het ambulancepersoneel dat ter plaatse arriveerde, startte onmiddellijk met de reanimatie van één van de slachtoffers en transporteerde vervolgens beide slachtoffers naar het ziekenhuis.

Kort daarna werd de politie geïnformeerd dat één van de slachtoffers, de passagier van de golfkar, was overleden als gevolg van de aanrijding. In het ziekenhuis constateerde de arts de dood van de 75-jarige man, een cruisetoerist, met de initialen R.D.T., geboren op 6 december 1949 in de Verenigde Staten.

Aanhoudingen rijden onder invloed van alcohol

De politie heeft de afgelopen dagen drie bestuurders aangehouden voor het rijden onder invloed van alcohol. Bij hen werd een blaastest afgenomen met een positief resultaat.

Op woensdag 3 december, rond 02:20 uur, werd een 25-jarige man met de initialen M.H.v.O. aangehouden aan de Kaya L.D. Gerharts. De verdachte werd gestopt voor een routinecontrole,

waarna bleek dat hij onder invloed van alcohol reed. Naar aanleiding van het resultaat van de ademanalyse werd het rijbewijs van de verdachte ingevorderd.

Op dinsdag 2 december, rond 04:55 uur, zag een politiepatrouille een verdacht geparkeerde auto bij een horecagelegenheid aan de Kaya Dr. Jose Girigorio Hernandez. Hierop werd een controle verricht bij de persoon die ter plekke aanwezig was. Deze kon zichzelf niet identificeren door middel van een identiteitsbewijs of geldig rijbewijs. Daarna stapte de persoon in haar auto en reed weg.

Daarop besloten de agenten het voertuig te volgen en gaven op de Hanchi Amboina de bestuurder een stopteken, waaraan deze voldeed. Tijdens de controle bleek dat de bestuurder kenmerken vertoonde van iemand die onder invloed van alcohol was. Er werd een blaastest bij haar afgenomen met een positief resultaat. De 20-jarige vrouw met initialen M.S.T.M. werd naar aanleiding van het resultaat van de blaastest aangehouden.

De verdachte werd eerder, op dinsdag 25 november, al aangehouden aan de Kaya Korona, nadat zij slingerend met haar voertuig reed. Zij werd door een patrouille gestopt, waaruit bleek dat zij onder invloed van alcohol was. Zij werd op die dag ook bekeurd voor het niet kunnen tonen van een geldig rijbewijs en verzekeringsdocumenten.

Op dinsdag 2 december, rond 02:15 uur, werd een 23-jarige vrouw met de initialen L.E.d.R. aangehouden aan de Kaya L.D. Gerharts. De verdachte reed zonder helm op een scooter en werd door een patrouille gestopt voor een controle, waarna bleek dat zij onder invloed van alcohol reed. Naar aanleiding van het resultaat van de ademanalyse werd het rijbewijs van de verdachte ingevorderd.

Diefstal bij duikplaats

Op dinsdag 2 december werd aangifte gedaan van diefstal bij de duikplaats ‘Margate Bay’, gelegen aan de E.E.G. Boulevard. Terwijl de eigenaren aan het snorkelen waren, hebben onbekenden twee mobiele telefoons van het merk Samsung en contant geld weggenomen uit boodschappentassen die op het strand lagen. De zaak wordt onderzocht.

Snelheidscontrole

Op dinsdag 2 december werd een verkeerscontrole gehouden gericht op de snelheid van voertuigen. De controle vond plaats aan de Kaminda Tras di Montaña. Met een lasergun werd de snelheid van naderende voertuigen gemeten.

Tijdens deze controle werden drie bekeuringen uitgeschreven voor het overschrijden van de maximale toegestane snelheid van 60 km/uur. De gemeten snelheden lagen tussen de 60 en 128 km/uur.

Het KPCN zal op verschillende locaties op het eiland snelheidscontroles blijven uitvoeren en waarschuwt automobilisten om op hun snelheid op de weg te letten. In de bebouwde kom is de maximumsnelheid 40 km/uur en daarbuiten 60 km/uur.

Geplande verkeerscontroles

Op maandag 1 december werd een geplande verkeerscontrole aan de Kaya Korona uitgevoerd. Er werden in totaal tien (10) voertuigen gestopt en gecontroleerd, waarbij één (1) bekeuring voor het rijden zonder geldig rijbewijs werd uitgereikt.

Tijdens deze controle konden twee personen hun identiteitsdocumenten en geldige verblijfsvergunning niet tonen. Zij zijn meegenomen naar het politiebureau, waarna bij nader onderzoek bleek dat beide personen illegaal op de eiland verbleven. Zij werden overgedragen aan de afdeling Vreemdelingentoezicht.

Er zullen regelmatig controles gehouden worden, waarbij er streng wordt opgetreden wanneer bestuurders hun bescheiden niet in orde hebben of zich niet aan de verkeersregels houden. Houd u zich niet aan de regels? Dan kunt u een bekeuring krijgen. Het bedrag van een boete voor bovengenoemde overtredingen varieert tussen de $30 en $225.

Geplande actie tegen foutparkeren
Op maandag 1 december werd een geplande actie gehouden tegen foutgeparkeerde auto’s. Rond 09:40 uur constateerde een patrouille dat verschillende auto’s fout geparkeerd stonden op zowel de Kaya Soeur Bartola als de Kaya J.E. Nicolaas.

Op de Kaya J.E. Nicolaas geldt een stopverbod voor beide zijden van de weg. De auto’s stonden op de trottoirs en op de rijbaan zelf. Eén van deze voertuigen stond recht op de haaientanden van de kruising geparkeerd. Negen (9) bestuurders kregen een bekeuring en drie auto’s werden weggesleept.

Het Korps Politie Caribisch Nederland (KPCN) waarschuwt dat foutgeparkeerde voertuigen op niet toegestane locaties zullen worden weggesleept. Overtreders kunnen een boete krijgen en de kosten voor het wegslepen zijn voor rekening van de bestuurder of eigenaar van het voertuig.