ATLETANAN HÓBEN A BAI PARAGUAY PA PARTISIPÁ NA CONSUDE

Kralendijk – Riba djabièrnè 28 di novèmber INDEBON a manda un delegashon di bintidos atleta hóben Paraguay, pa partisipá na  Juegos Escolares, konosí tambe komo CONSUDE na Asunción.

E kompetensianan deportivo pa mucha di skol den edat di 12 pa 14 aña ta tuma lugá for di 30 di novèmber te 7 di desèmber.

Boneiru ta partisipá na e kompetensianan di atletismo, basketbòl, ahedres, futbòl di sala i landamentu. Diputado Peter Silberie tambe ta forma parti di e delegashon huntu ku e coachnan i e guianan. Silberie no por a biaha huntu ku e hóbennan, pero promé ku kuminsamentu di e weganan e ta djòin nan na Paraguay.

‘Mi ta kontentu ku nos atletanan hóben por a partisipá na Juegos Escolares. Nivel di e weganan ta hopi haltu. Intenshon di Juegos Escolares ta netamente pa kada atleta por sigui desaroyá su mes pa medio di partisipá na e weganan,’ asina e diputado a splika.

Banda di esaki tin un otro punto importante. ‘Pa medio di partisipashon na e weganan, nos ta hasi e laso entre Boneiru i e pais anfitrion mas fuerte.’

Banda di Paraguay i Boneiru, e siguiente paisnan tambe ta partisipá: Argentinia,Brazil, Chile, Colombia, Uruguay, Ecuador, Peru i Venezuela.

‘Mi ta sinti mi honrá ku nos atletanan ta partisipá na Juegos Escolares. Esaki ta bon tambe pa promoshon di nos isla den eksterior,’ asina e diputado a deklará.

INDEBON ta sigui komprometé su mes pa desaroyo di talento deportivo hóben na nos isla. INDEBON ta deseá tur atleta hopi éksito na Paraguay. 

FUENTE: OLB/LIVE99FM

NEDERLANDS:

JONGE ATLETEN NAAR PARAGUAY VOOR DEELNAME AAN CONSUDE

Kralendijk – INDEBON heeft tweeëntwintig jonge atleten op vrijdag 28 november naar Paraguay afgevaardigd om deel te nemen aan de Juegos Escolares, ook wel bekend als CONSUDE in Asunción.

De sportwedstrijden voor scholieren in de leeftijd van 12-14 jaar vinden van 30 november tot 7 december plaats.

Bonaire doet mee aan de wedstrijden van atletiek, basketbal, schaken, zaalvoetbal,  zwemmen. Gedeputeerde Peter Silberie maakt samen met de coaches en begeleiders ook deel uit van de delegatie. Silberie kon niet met de jongeren meereizen, maar voegt zich nog voor het begin van de spelen bij hen in Paraguay. 

“ Ik ben blij dat onze jonge atleten mee kunnen doen aan de Juegos Escolares. Het niveau van de spelen is heel hoog. De Juegos Escolares zijn juist bedoeld dat iedere atleet zich verder kan ontwikkelen door mee te doen aan de spelen,” zo legt de gedeputeerde uit. Daarnaast is er een ander belangrijk punt. ,,Door deelname aan de spelen worden de banden tussen Bonaire en het gastland meer aangehaald.”

Aan de spelen doen naast Paraguay en Bonaire, ook de volgende landen mee: Argentinie,Brazilie,  Chile, Colombia, Uruguay. Ecuador, Peru, Venezuela. “Ik ben vereerd  dat onze atleten aan de Juegos Escolares meedoen. Het is ook goed voor de promotie van ons eiland in het buitenland,” zo heeft de gedeputeerde verklaard.

INDEBON blijft zich inzetten voor de ontwikkeling van jonge sporttalenten op het eiland. INDEBON wenst alle atleten veel succes toe in Paraguay.