PABIEN PA AÏSHA I SU TIM WBAC 3

 Kralendijk—Wikènt pasá a tuma lugá kualifikashon basketbòl 3×3 Nashonal CuraHoops na Sentro Deportivo Kòrsou.

Di e manera aki pa yega na e ekipo ku ta bai representá Kòrsou den e torneo International di 3×3 basketbòl ku a sigui den e dianan despues.
Aïsha Van Haute, un hobensita di 15 aña bibá na Boneiru, alumno di Liseo, a djòin tim di Kòrsou WBAC 3.

Aïsha ta train den e tim maskulino di Boneiru, mirando ku no tin tim di dama na Boneiru ku ta kompetí. Aïsha ta e úniko dama ku ta kompetí riba nivel den e ramo di deporte aki. Pa e por train ku hungadónan den tim di dama, e ta bai Kòrsou (Girls League) den wikènt. Ku su tim di Kòrsou el a partisipá i sali na di 3 lugá den e kualifikashon Nashonal i International. Nan a sa di sali na di dos lugá i gana medaya di plata den e final, ku a tuma lugá 16 di novèmber.

Aruba, Saba, Sint Maarten, Sint Eustatius, Sürnam i Kòrsou, tabata e paisnan ku a partisipá den final, tantu femenino i maskulino. Total tabatin 8 tim di dama. 3 Tim di Kòrsou a sa di bai ku e promé tres premionan. FDDK (Fundashon Desaroyo Deporte Kòrsou) a organisá e turnamentu.

Un pabien ta bai pa Aïsha i su tim WBAC 3. Nos ta deseá Aïsha hopi éksito pa ku futuro i den e mundu di basketbòl.

FUENTE: FITTIPALDI PIETERSZ