SKIBI KREATIVO TA HASI LESAMENTU BIRA MAS ATRAKTIVO!

Kralendijk,- Durante e tayer ‘Héroe den bo mes mes kuenta’, alumnonan di skolnan básiko na Boneiru ta deskubrí kon hopi dibertido ta pa skibi bo propio kuenta.

Despues di a haña teps tokante kon pa skibi un kuenta, e alumnonan ta kuminsá traha riba nan propio kuentanan ku suspenso, pero tambe emoshonante. Nan por usa nan imaginashon i asina skibi bunita kuentanan.

E outornan Monica Clarinda ta duna e tayer na Papiamentu i Evelien van Dort na Hulandes. Asina nan ta konektá idioma i kultura, i ta stimulá muchanan ku kier skibi pa haña nan propio bos. Letterenfonds di Hulanda ta sostené e proyekto interkultural aki. E tayer a kuminsá siman pasá i ta tèrmina e siman aki.

Kiko ta e resultado? Kuentanan kreativo yen di aventura. E kuentanan mas bunita lo wòrdu presentá pa e muchanan mes dia 22 di novèmber próksimo durante e simposio tokante promoshon di lesamentu, ku Fundashon Lesa Ta Dushi ta organisá.

FUENTE: FUNDASHON LESA TA DUSHI BONAIRE/LIVE99FM

NEDERLANDS:

CREATIEF SCHRIJVEN VERGROOT LEESPLEZIER!

Kralendijk.- Tijdens de workshops ‘Held in je eigen verhaal’ ontdekken leerlingen van basisscholen op Bonaire hoe leuk het kan zijn om je eigen verhaal te schrijven.

Na inspirerende tips over vertelperspectief, helden in boeken en het gebruiken van hun eigen fantasie, gaan de leerlingen aan de slag met het schrijven van spannende en ontroerende verhalen.

De auteurs Monica Clarinda verzorgt de workshops in het Papiaments en Evelien van Dort in het Nederlands. Zo verbinden zij talen en culturen en moedigen zij jonge schrijvers in spe aan om hun eigen stem te vinden.

Het Nederlands Letterenfonds ondersteunt deze interculturele opzet. De workshops zijn vorige week gestart en worden deze week afgerond.