ORARIO NOBO DI KONSULTA DI SALÚ SEKSUAL NA BONEIRU

Kralendijk – Kuminsando 15 di òktober 2025, habitantenan di Boneiru por asistí na un konsulta nobo di salú seksual na Salubridat Públiko (GGD Bonaire).

E ora di konsulta akí ta pa tur hende ku tin pregunta tokante amor, sèks, relashon, antikonseptivo, òf soa (malesa transmití seksualmente, MTS). Tambe bo por hasi un tèst di soa grátis i anónimo. Por alkansá e enfermero(a)nan via telefon òf WhatsApp na +599 7907373.

Salubridat Públiko (GGD Bonaire) ke pa tur hende sinti nan mes sigur i kómodo ora ta trata di salú seksual. No ta tur hende ta haña ku ta fásil pa buska yudansa. P’esei mes e ora di konsulta aki ta aksesibel i anónimo, dunando tur hende oportunidat pa hasi pregunta i risibí sosten.

Durante e ora di konsulta, bo por papia ku un enfermero(a). Nan lo skucha, ofresé konseho i yuda ku kualke pregunta òf preokupashon. Bo por hasi un tèst di soa (malesa transmití seksualmente, MTS) grátis tambe. E konsultanan ta pa tur hende ku tin mester di informashon òf asistensia. E enfermero(a)nan ta papia papiamentu, hulandes, ingles i spañó.

E konsultanan ta tuma lugá na vários sitio na nos isla. E enfermero(a)nan ta disponibel di djaluna pa djabièrnè di 8:00 AM pa 5:00 PM. Habitantenan por yama òf manda un mensahe di WhatsApp na +599 7907373 pa mas informashon òf pa traha un sita.

E ora di konsulta ta un añadishon riba e kuido eksistente na Boneiru. Ku e inisiativa akí GGD Bonaire ke kontribuí na informashon aksesibel, prevenshon i guia personal, di manera ku tur hende por haña e kuido korekto na e momentu korekto. Esaki ta yuda pa redusí e riesgo pa soa (malesa transmití seksualmente, MTS) i embaraso no intenshoná.

Na mes momento ku inisio di e ora di konsulta, GGD Bonaire ta ekspandé e kantidat di mashin di benta di kondon na Boneiru. Por usa e mashinnan na un manera anónimo i un kondon ta kosta solamente $0.50. Por haña e lista kompletu ku tur e sitionan kaminda tin mashin di kondon riba wèpsait di Gobièrnu di Boneiru via e lenk (https://bonairegov.com/pa/habitante/kondon-automaat) akí.

FUENTE: OLB/LIVE99FM

NEDERLANDS:

NIEUW SPREEKUUR SEKSUELE GEZONDHEID VAN START OP BONAIRE

Kralendijk – Vanaf 15 oktober 2025 kunnen inwoners van Bonaire terecht bij een nieuw spreekuur seksuele gezondheid van GGD Bonaire.

Dit spreekuur is er voor iedereen met vragen over liefde, seks, relaties, anticonceptie of soa’s (seksueel overdraagbare aandoeningen). Ook kun je gratis en anoniem een soa-test doen. De verpleegkundigen zijn telefonisch en via whatsapp bereikbaar op +599 7907373.

GGD Bonaire wil dat iedereen zich veilig en goed voelt op het gebied van seksuele gezondheid. Niet iedereen vindt makkelijk de weg naar hulp. Daarom is dit spreekuur laagdrempelig en anoniem. Zo krijgt iedereen de kans om vragen te stellen en hulp te krijgen.

Tijdens het spreekuur kun je praten met een verpleegkundige. Zij luisteren, geven advies en helpen bij vragen of zorgen. Je kunt er ook gratis een soa-test doen. Het spreekuur is bedoeld voor iedereen die informatie of hulp nodig heeft. De verpleegkundigen spreken Papiaments, Nederlands, Engels en Spaans.

Het spreekuur vindt plaats op verschillende locaties op het eiland. De verpleegkundigen zijn bereikbaar van maandag tot en met vrijdag tussen 08.00 en 17.00 uur. Inwoners kunnen bellen of een WhatsApp-bericht sturen naar +599 7907373 voor meer informatie of om een afspraak te maken.

Het spreekuur is een aanvulling op de bestaande zorg op Bonaire. Met dit initiatief wil GGD Bonaire bijdragen aan toegankelijke informatie, preventie en persoonlijke begeleiding, zodat iedereen de juiste zorg op het juiste moment kan krijgen. Dit helpt om het risico op soa’s en onbedoelde zwangerschappen te verkleinen.

Tegelijk met de start van het spreekuur breidt GGD Bonaire ook het aantal condoomautomaten uit op het eiland. De automaten zijn anoniem te gebruiken en een condoom kost slechts 0,50 dollar per stuk. De volledige lijst met locaties is te vinden op de website van het Openbaar lichaam Bonaire via deze link (https://bonairegov.com/inwoners/condoom-automaat).