KÒRSOU: EVAKUASHON MÉDIKO NA KLEIN KÒRSOU.

Willemstad,- Den ora nan di djamars mainta, 21 di òktober, Sentro Operashonal Marítimo di Wardakosta (MOC) a risibí un yamada for di un boto komersial na Klein Kòrsou pidiendo asistensia médiko.

Ta trata di un turista hende hòmber amerikano di 80 aña di edat na bordo di e boto komersial, kual tabata den nesesidat di asistensia médiko. E persona a haña dolor na su pechu i tambe e la haña su mes ku problema pa hala rosea.

Personal di MOC a kontaktá e dòkter di CITRO ku a konstatá ku e persona mester risibí tratamentu médiko na Curaçao Medical Center (CMC).

Inmediatamente a alerta personal di e helikòpter di Wardakosta pa sali den direkshon di Klein Kòrsou pa asina por hiba e pashènt Hato (Kòrsou).

Personal di ambulans tabata presente pa transportá e persona pa asina e risibí tratamentu médiko na CMC. Wardakosta ta desea e persona un pronto rekuperashon.

FUENTE: WARDAKOSTA/LIVE99FM

NEDERLANDS:

MEDISCHE EVACUATIE OP KLEIN CURAÇAO

Willemstad,- Op dinsdagochtend 21 oktober ontving het Maritiem Operatie Centrum (MOC) van de Kustwacht Caribisch Gebied een melding van een commerciële boot nabij Klein Curaçao.

Aan boord bevond zich een 80-jarige Amerikaanse toerist die last had van pijn op zijn borst en ademhalingsproblemen.

Na overleg met de arts van CITRO werd vastgesteld dat verdere medische behandeling noodzakelijk was. De Kustwacht zette daarop een helikopter in om de patiënt te evacueren naar luchthaven Hato op Curaçao.

Daar werd hij overgedragen aan ambulancepersoneel, dat hem direct naar het Curaçao Medical Center vervoerde voor verdere medische zorg. De Kustwacht wenst de man beterschap.