SCHOLENGEMEENSCHAP BONAIRE (SGB) TA PRESENTÁ IDENTIDAT VISUAL I LOGO NOBO: HUNTU NOS TA FORMA BO FUTURO.

Kralendijk,- Scholengemeenschap Bonaire (SGB) a lansa awe, durante e dia di estudio konhuntamente pa tur empleado, su identidat visual i logo nobo.

E introdukshon akí ta marka un kapítulo nobo den desaroyo di SGB: un komunidat eskolar amplio ku ta representá kolaborashon, seguridat, partisipashon i kalidat.

E identidat visual nobo ta mas ku un logo òf palèt di koló. E ta un tradukshon visual di nos bista i balor fundamentalnan, i ta mustra ken nos ta: un komunidat di skol ku tur su unidatnan ta traha huntu pa duna enseñansa di kalidat, inklusivo i orientá riba futuro na Boneiru.

E ta transmití rekonesementu, unidat i orguyo – ku espasio pa diversidat i personalidat.

Simbolismo di e logo

E logo ta representá tur hende ku ta forma SGB: alumnonan, studiantenan, empleadonan i sosionan. E formanan ku ta konektá ku otro ta simbolisá kolaborashon i e laso fuerte entre skol i komunidat. E liña fini mei mei ta simbolisá e kaminda personal di siñansa di kada alumno i studiante, kaminda kresementu i desaroyo den su propio ritmo ta sentral. E forma rondó i habrí ta ekspresá siguridat, aksesibilidat i igualdat

Paso pa paso visible

E identidat visual nobo lo wòrdu implementá den tur medio di komunikashon den e próksimo periodo: for di website i dokumentonan te na señalamentu i materialnan eskolar. Alumnonan tambe lo mira e kambionan, inkluso via poloshirtnan di skol. E poloshirtnan eksistente por sigui wòrdu usá.

Dennis Volmer, presidente di Hunta di Direktiva di SGB:

“Nos logo nobo ta mustra kiko nos ta representá: diversidat, konekshon i enseñansa orientá riba futuro. E ta un símbolo di orguyo i konfiansa den e forsa di nos alumnonan, studiantenan, empleadonan i nos

isla.

Huntu nos ta sigui traha – pa i ku Boneiru.”

Huntu nos ta forma bo futuro.

FUENTE: SGB/LIVE99FM

NEDERLANDS:

SCHOLENGEMEENSCHAP BONAIRE (SGB) PRESENTEERT NIEUWE HUISSTIJL EN LOGO: SAMEN BOUWEN AAN DE TOEKOMST.

Kralendijk,- De Scholengemeenschap Bonaire (SGB) heeft vandaag tijdens de gezamenlijke studiedag voor alle medewerkers haar vernieuwde huisstijl en logo gelanceerd.

Deze introductie markeert een nieuw hoofdstuk in de ontwikkeling van SGB: een brede scholengemeenschap die staat voor samenwerking, veiligheid, betrokkenheid en kwaliteit

De nieuwe huisstijl is meer dan een logo of kleurenpalet. Het is de visuele vertaling van onze visie en kernwaarden, en laat zien wie we zijn: een schoolgemeenschap die met al haar units samenwerkt aan kwalitatief, inclusief en toekomstgericht onderwijs op Bonaire.

Het straalt herkenbaarheid, eenheid en trots uit – met ruimte voor diversiteit en eigenheid.

Symboliek van het logo

Het logo representeert de mensen die samen SGB vormen: leerlingen, studenten, medewerkers en partners. De verbonden vormen staan voor samenwerking en de sterke band tussen school en samenleving. De zachte lijn in het midden symboliseert het persoonlijke leerpad van iedere leerling en student, waarbij groei en ontwikkeling in eigen tempo centraal staan. De ronde, open vormen geven uitdrukking aan veiligheid, toegankelijkheid en gelijkwaardigheid

Stap voor stap zichtbaar

De nieuwe visuele identiteit wordt de komende periode doorgevoerd in alle communicatie: van websites en documenten tot bewegwijzering en schoolmaterialen. Ook leerlingen zullen dit terugzien, onder meer via nieuwe schoolpolo’s. De huidige polo’s kunnen gewoon nog gedragen worden.

Dennis Volmer, voorzitter College van Bestuur van SGB:

“Ons nieuwe logo laat zien waar wij voor staan: diversiteit, verbinding en toekomstgericht onderwijs. Het is een symbool van trots en vertrouwen in de kracht van onze leerlingen, studenten, medewerkers en ons eiland. Samen bouwen we verder – voor en mét Bonaire.”

Huntu nos ta forma bo futuro.