KANKERFONDS BONEIRU TA ORGANISÁ AKTIVIDATNAN DEN ÒKTOBER, LUNA DI KANSER NA PECHU.

Kralendijk,- Òktober ta mundialmente dediká na kanser na pechu. Kankerfonds Boneiru tambe ke duna atenshon na e malesa akí i mustra importansia di detekshon tempran, sosten i un estilo di bida salu.

Bou di e tema di aña akí “Biba Salú”, Kankerfonds Boneiru ta organisá dos evento públiko den òktober. E promé aktividat ta un charla ku Fundashon Sinta Ros di Kòrsou.

Sra. Angeline de Ron – Tromp i Sra. Amourette Carolus – Lourens ta a bin konta nan eksperensia personal ku kanser na pechu i ta bai den diálogo ku komunidat.

Ta un enkuentro pa rekonosementu i inspirashon. E charla ta tuma lugá djaweps 23 di òktober entre mitar di 7 pa 9or Ademas nos lo tin Zumba manera tur aña pa konsientisashon di Kanser na Pechu.

Kada aña e evento akí ta haña hopi akohida pa huntu reflehá den un manera positivo riba e lucha kontra kanser na pechu i pa duna sosten na pashèntnan i nan famia.

E Zumba lo tuma lugá djaweps 30 di òktober di mitar di 7 pa 9or. Pa tur dos evento por registrá na number di telefòn 796 9798. Kankerfonds Boneiru ta invitá tur hende pa bin partisipá, pa huntu nos bira mas fuerte, partí konosementu i selebrá un bida salu.

FUENTE: KANKERFONDS BONEIRU/LIVE99FM