UNDA BONAIRU TA BAI

Kralendijk,- Mi a hiba un diálogo hopi ameno ku Bonaire i mi a puntra “Unda bo ta bai” e kontesta tabata; “Ku sinku konsehal, Grifir, diputado Weber i Clyde van Putten di Sint Eustatius mi ta bai pidi paisnan Aruba, Kòrsou i Sint Maarten sosten moral”.

Mi pregunta. “Ki e sosten moral ta enserá” Kontesta. “Pa Hulanda tene su mes na palabrashonnan hasí den konferensia na De Bilt na mart 2024” Pregunta. “Ki bo ambishon moral ta”. Kontesta. “Pa trese un kambio drástiko den relashon ku Hulanda”. Pregunta.

“Pakiko tabata tene reunion riba WolBes i FinBes sèmper ku porta será apesar di opheshon di konsehal Humphrey “Junny” Wout.”  Kontesta.  “Pa evitá ku guera anunsiá ta guera pèrdí”. Pregunta. “Bo ta di akuerdo ku bo ta falta rèspèt pa votadónan di Bonaire i ta bai pidi sosten moral serka esnan ku no a i ni ta vota pa bo” Kontesta “ Nò, ta bini informashon kon e prosedimentu a kana”. Pregunta. “

Bo ta tuma desishon pa pueblo sin pueblo, meskos ku Hulanda ta hasi ku bo?” Kontesta. “Esei abo ta pensa”  Bo sa sí ku bo no ta partido den kòmbersashon ku Hulanda?” Kontesta “artíkulo 209 di WolBes ta duna ami e oportunidat ei”. Pregunta. “Bo sa ku artíkulo 209 ta kuminsá ku e frase. Minister ta duna Kolegio Ehekutivo, pa dentro di un tempu stipulá, oportunidat pa duna su opinion riba proposishon di lei.” Kontesta.

“Mi sa pero e minister su aktuashon pa kambia kos sin tene kuenta ku mi derecho di outodeterminashon ta kolonial” Pregunta.”Ki ta e motibu ku bo intento pa deliberá ku Szabo a frakasá” Kontesta “Sekretario di Estado  no a permití mi konsehero partisipá na e deliberashon” Pregunta. “Si e posishon di Representante di Reino ku mas tarea ta keda, ki bo ta bai hasi?” Kontesta “Lo mi pensa un otro strategia” Pregunta. “Por spera un referèndem ku e opshon status manera Aland komo parti di e strategia?” Kontesta. “Danki pa bo preguntanan, pero e kontesta ei mi ta keda debe bo i ta pidi abo ku bo amigunan pa stòp di sigui malinformá pueblo na radio”

FUENTE: ARTHUR SEALY.