KORSOU: VEREDIKTO DEN KASO KONTRA AGENTE DI KPC.

Willemstad,- Riba djabièrnè 16 di mei 2025, un agente polisial di Kuerpo Polisial Kòrsou (KPC) a presentá dilanti hues.

Dia 18 di desèmber 2021 sentral di polis a dirigí e agente na un insidente di un meldu di un robo di outo. E sospechosonan a hui den un outo. Durante e persekushon e agente a tira riba e outo.

Despues ku e outo di huida a para den e bario di Wishi i sospechosonan a hui na pia, a lòs bala dirigí atrobe. Un di e sospechosonan, ku e tempu ei tabata menor di edat, a keda heridá.

Manera ta kustumber Landsrecherche Kòrsou (LrC) bou di òrdu di Prokurador General di Ministerio Públiko, a hasi investigashon di e insidente di tiramentu.

Segun e agente el a aktua den defensa propio. Awe Hues a dikta sentensia den e kaso i a husga – meskos ku Ministerio Públiko – ku e agente no a aktua segun e reglanan establesé i ku no tabata tin un situashon kaminda e agente tabata permití pa tira.

A imponé un kastigu di trabou kompletamente kondishonal di 50 ora na e agente. Esaki ta nifiká ku lo implementá e kastigu solamente si denter di un aña e kometé un fayo di nobo.

Hues a mustra ampliamente riba e sirkunstansianan partikular di e kaso. E kastigu ta konforme demanda di Ministerio Públiko Ministerio Públiko ta para pa un Kòrsou seif i hustu. Polis ta hunga un ròl grandi pa mantené órden públiko i seguridat di e isla i su habitantenan.

Ministerio Públiko ta evaluá aktuashon di ámtenarnan di polis semper ku hopi koutela, sigur kaminda ta trata uso di violensia

FUENTE: OM KORSOU/LIVE99FM

NEDERLANDS:

UITSPRAAK IN ZAAK TEGEN AGENT KPC

Willemstad,- Op vrijdag 16 mei 2025, stond een agent van het Korps Politie Curaçao (KPC) voor de rechter.

Op 18 december 2021 werd de agent tijdens zijn dienst door de meldkamer gestuurd naar een melding van een autodiefstal. De verdachten sloegen op de vlucht in een auto.

Tijdens de achtervolging heeft de agent op de vluchtauto geschoten. Nadat de vluchtauto tot stilstand kwam in de wijk Wishi en de verdachten te voet vluchtten, werden opnieuw gerichte schoten gelost. Daarbij raakte een destijds minderjarige verdachte gewond.

De Landsrecherche Curacao (LrC) heeft-zoals gebruikelijk[1]in opdracht van de Procureur-Generaal van het Openbaar Ministerie onderzoek gedaan naar het schietincident. De agent stelde dat hij handelde uit noodweer.

De rechter heeft vandaag uitspraak gedaan in deze zaak en oordeelt- net als het OM- dat de agent niet volgens de hiervoor vastgestelde regels heeft gehandeld en dat zich geen situatie voor heeft gedaan waarin de agent mocht schieten.

Aan de agent is een geheel voorwaardelijke werkstraf van 50 uur opgelegd, dit betekent dat hij die straf alleen hoeft uit te voeren als hij binnen een jaar opnieuw de fout ingaat. De rechter heeft uitgebreid gewezen op de bijzondere omstandigheden van de zaak.

De straf is gelijk aan wat het Openbaar Ministerie had geëist. Het OM zet zich in voor een veilig en rechtvaardig Curaçao.

De politie speelt een essentiële rol in het handhaven van de openbare orde en veiligheid. Het optreden van politieambtenaren – vooral wanneer geweld wordt gebruikt – wordt daarom altijd zorgvuldig beoordeeld