Redakshon
Kralendijk,- Di djaweps 3 pa djadumingu 6 di aprel e di 4 edishon di e Dutch Caribbean 9-ball Challenge, organisá pa FEBIBO a tuma lugá na Boneiru.
Un kantidat di 72 atleta prosedente for di entre otro Kòrsou, Aruba, Sint Maarten, Sint Eustatius, Barbados, Trinidad & Tobago, Guyana, Sürnam i naturalmente Boneiru a partisipá na e torneo aki ku a tuma lugá na Jong Bonaire.
Djadumingu tabatin e gran final di e torneo kaminda despues di un dia intensivo, e partido final a tuma lugá entre Ibrahim Barat di Kòrsou i Aaron Rhagoonanan di Trinidad & Tobago. Den e partido final Aaron a sa di konkista e título máksimo i gana di Barat ku skor di 9-4. Mester remarká ku esaki ta di 2 aña konsekutivo ku Aaron ta gana e torneo aki.
Boneiru por ta orguyoso di su talento nan tambe ku a bataya te final i a sa di logra yega te semi-final. Pronto por spera mas di e torneo nan aki riba nos isla. Un danki enorme ta bai na Indebon ku a hasi e torneo aki posibel!
FUENTE: FEBIBO/LIVE99FM
GIPHY App Key not set. Please check settings