TOURISM CORPORATION BONAIRE A ORGANISÁ SU ‘Q1 BONAIRE TOURISM UPDATE’ PA AÑA 2025.

Kralendijk,- Tourism Corporation Bonaire (TCB) den kolaborashon ku Bonaire International Airport (BIA), Bonaire Hotel and Tourism Association (BONHATA) i e kapitan di haf di Entidat Públiko Boneiru, dia 3 di aprel 2025 a organisá e promé Bonaire Tourism Update di kada tres luna pa aña 2025 den Delfins Beach Resort.

Elesiër Angel, direktor statutario interino di TCB, a presentá e resultadonan preliminar for di kua a resultá ku den aña 2024 Boneiru a yama bon biní na 182.181 bishitante, kompará ku 169.706 na aña 2023 i 157.000 na aña 2022, i ku esaki e meta pa aña 2024 a keda eksitosamente lográ. Elesiër a pone énfasis riba e sinku Indikadónan Krítiko di Prestashon (KPI’s) i e áreanan mas importante di atenshon. Un bista general di e aktividatnan di merkadeo den e promé kuartal ta aksentuá e partisipashon na e bolsanan grandi na Oropa i Nortamérika, entre otro Vakantie Expo, DuikVaker, IMM, New York Travel & Adventure Show, Toronto Outdoor Adventure Show i Routes Americas. Banda di esaki a tira un bista riba e esfuersonan riba tereno di relashonnan públiko den ámbos region. Mirando padilanti por bisa ku e inisiativanan ku ta na kaminda ta enserá un kampaña di merkadeo ku JetBlue, bishitanan di prensa planiá pa e luna akí i partisipashon na Seatrade, e kampaña di Rediscover Bonaire, Taste of Bonaire i TCB & Friends durante Dia di Rincon.

“Tabata un plaser pa bini den kontakto ku nos stakeholdernan i partnernan di medionan di komunikashon durante nos promé aktualisashon di kada tres luna tokante turismo. Diálogo habrí i invershon kontinuo ta di importansia krusial si nos ke realisá kresementu na un manera ku ta benefisiá Boneiru i su habitantenan”, segun Elesiër Angel, direktor statutario interino di Tourism Corporation Bonaire.

“Ku un grado di okupashon di 83%, un tarifa promedio pa dia (ADR) di  $ 298 i un RevPar (entrada pa kada kamber disponibel) ku a subi ku 35% kompará ku aña pasá, e promé kuartal di aña 2025 ta konfirmá ku tin hopi demanda pa Boneiru. Nos por bisa libremente ku e sifranan aki ta relashoná direktamente ku e oumento den konekshon aéreo ku nos a mira for di luna di novèmber, ku binida di JetBlue i Corendon i e buelonan èkstra di American Airlines. Esaki ta proba ku ora e aksesibilidat bira mihó, e prestashonnan ta sigui. Pero sin e invershonnan korekto den konekshon aéreo, merkadeo i desaroyo di e destinashon, nos ta kore riesgo di pèrdè e ‘momentum’, i mas importante ainda, nos ta pèrdè e oportunidat pa atraé e tipo di bishitante ku Boneiru berdaderamente ta deseá. Mundu ta en buska di naturalesa, kultura i outentisidat – nos tin esakinan. Awor nos tin ku sòru pa nan por haña i alkansá nos”, segun Veroesjka de Windt, direktor di BONHATA.

“E promé kuartal di e aña akí a sòru pa un bon meskla di barku, ku a varia di barku krusero tradishonal, manera Carnival, te barkunan ultraluhoso i barkunan aventurero. Banda di esaki nos tabatin un skema sumamente ekilibrá den nos haf, loke ta suprayá nos esfuersonan pa manehá nos aktividatnan turístiko”, segun Günther Flanegin, kapitan di haf.

Maarten van der Scheer, direktor di BIA, a ripará un oumento konsiderabel di tráfiko internashonal, prinsipalmente impulsá pa American Airlines, Corendon i JetBlue. Tabatin un desaroyo stabil entre e islanan, ku mas buelo di Zair.

Mas aleu, proyektonan importante ta enserá renobashon kompleto di e sistema di iluminashon di aeropuerto, un kontrato firmá pa aktualisashon di e punto di kontròl di siguridat, aktualisashon di e zona di yegada pa un eksperensia outéntiko di bon biní, i mihó indikashon di kaminda.

Un danki spesial ta bai pa Delfins Beach Resort pa a spònser e sala di reunion i Tourism After 5. Fresh Supplier tambe meresé un danki pa suministrashon di e mini bùrgernan durante nos Tourism After 5.

Pa mas informashon bo por manda un email na marketing@bonaireisland.com.  

  

FUENTE: TCB/LIVE99FM

NEDERLANDS:

TOURISM CORPORATION BONAIRE ORGANISEERT HAAR ‘Q1 BONAIRE TOURISM UPDATE’ VOOR 2025

Kralendijk,- Tourism Corporation Bonaire (TCB) heeft op 3 april 2025 in samenwerking met Bonaire International Airport (BIA), Bonaire Hotel and Tourism Association (BONHATA) en de Havenmeester (OLB), de eerste driemaandelijkse Bonaire Tourism Update voor 2025 georganiseerd in het Delfins Beach Resort.

Elësier Angel, Interim Statutair Directeur van TCB, presenteerde de voorlopige resultaten waaruit bleek dat Bonaire in 2024 182.181 bezoekers heeft verwelkomd, vergeleken met 169.706 in 2023 en 157.000 in 2022, waarmee de doelstelling voor 2024 met succes werd behaald. Ze benadrukte de vijf Kritieke Prestatie Indicatoren (KPI’s) en de Belangrijkste Aandachtsgebieden. Een overzicht van de marketingactiviteiten in het eerste kwartaal accentueert de deelname aan grote vakbeurzen in Europa en Noord-Amerika, waaronder Vakantie Expo, DuikVaker, IMM, de New York Travel & Adventure Show, de Toronto Outdoor Adventure Show en Routes Americas.

Daarnaast zijn de inspanningen op het gebied van public relations in beide regio’s onder de loep genomen. Vooruitkijkend omvatten de komende initiatieven een marketingcampagne met JetBlue, geplande persbezoeken deze maand en deelname aan SeaTrade, de campagne Rediscover Bonaire, Taste of Bonaire en TCB & Friends tijdens Dia di Rincon.

“Het was een genoegen om met onze stakeholders en mediapartners in contact te komen tijdens onze eerste kwartaalupdate over toerisme. Open dialoog en voortdurende investeringen zijn van cruciaal belang als wij groei willen realiseren op een manier die Bonaire en haar inwoners ten goede komt”, aldus Elesiër Angel, interim statutair directeur van Tourism Corporation Bonaire.

“Met een bezettingsgraad van 83%, een gemiddelde dagtarief (ADR) van $ 298 en een RevPar (opbrengst per beschikbare kamer) die met 35% is gestegen ten opzichte van vorig jaar, bevestigt het eerste kwartaal van 2025 dat Bonaire erg in trek is.

We kunnen gerust stellen dat deze cijfers direct verband houden met de toegenomen luchtverbindingen die we zagen vanaf november, met de komst van JetBlue en Corendon en de extra vluchten van American Airlines. Dit bewijst dat wanneer de toegang verbetert, de prestaties volgen. Maar zonder de juiste investering in luchtverbindingen, marketing en ontwikkeling van de bestemming lopen we het risico om het momentum te verliezen en, nog belangrijker, we missen de kans om de soort bezoekers aan te trekken die Bonaire echt wil.

De wereld is op zoek naar natuur, cultuur en authenticiteit – wij hebben het. Nu moeten we ervoor zorgen dat ze ons kunnen vinden en bereiken”, aldus Veroesjka de Windt, directeur van BONHATA.

“Het eerste kwartaal van het jaar heeft een goede mix van schepen opgeleverd, variërend van traditionele cruiseschepen, zoals Carnival, tot ultraluxe schepen en avontuurlijke schepen. Bovendien hadden we een zeer evenwichtig schema in de haven, wat onze inspanningen om toeristische activiteiten in goede banen te leiden onderstreept”, aldus Günther Flanegin, havenmeester.

Maarten van der Scheer, directeur van BIA, heeft een aanzienlijke toename opgemerkt in het internationale verkeer, voornamelijk aangedreven door AA, Corendon en JetBlue. Er was een stabiele ontwikkeling tussen de eilanden, met meer vluchten van ZAir.

Verder omvatten belangrijke projecten de volledige vernieuwing van het grondverlichtingssysteem van de luchthaven, een getekend contract voor de upgrade om het beveiligingscontrolepunt, de upgrade van de aankomstzone voor authentieke ‘bon bini’-ervaringen en verbeterde bewegwijzering.

Een speciaal woord van dank aan het Delfins Beach Resort voor het sponsoren van de vergaderruimte en Tourism After 5. Ook Fresh Supplier verdient onze dank voor het leveren van miniburgers tijdens Tourism After 5.

Voor meer informatie kunt u een e-mail sturen naar marketing@bonaireisland.com.

ENGELS:

TOURISM CORPORATION BONAIRE ORGANIZED ITS Q1 BONAIRE TOURISM UPDATE FOR 2025

Kralendijk,- Tourism Corporation Bonaire (TCB) in collaboration with Bonaire International Airport (BIA), Bonaire Hotel and Tourism Association (BONHATA), and Harbor Master (OLB), organized the first quarterly Bonaire Tourism Update for 2025 on April 3^rd, 2025, at Delfins Beach Resort.

Elësier Angel, Interim Statutory Director of TCB, presented the preliminary results, revealing that Bonaire welcomed 182,181 stayover visitors in 2024, up from 169,706 in 2023 and 157,000 in 2022, successfully meeting the 2024 target. She highlighted the five Key Performance Indicators (KPIs) and Key Focus Areas. A recap of quarter one marketing activities highlighted participation in major trade shows across Europe and North America, including Vakantie Expo, DuikVaker, IMM, the New York Travel & Adventure Show, the Toronto Outdoor Adventure Show, and Routes Americas. Additionally, Public Relations efforts in both regions were reviewed. Looking ahead, upcoming initiatives include a marketing campaign with JetBlue, scheduled press visits this month, and participation in SeaTrade, the Rediscover Bonaire campaign, Taste of Bonaire, and TCB & Friends during Dia di Rincon.

“It was a pleasure to engage with our stakeholders and media partners during our first quarterly tourism update. Open dialogue and continued investment are critical as we navigate growth in a way that benefits Bonaire and its people,” said Elësier Angel, Interim Statutory Director, Tourism Corporation Bonaire.

“With an 83% occupancy rate, an ADR of $298, and RevPar up 35% compared to last year, Q1 2025 confirms that Bonaire is in high demand. It’s safe to say these numbers are directly tied to the increased airlift we saw starting in November, with the arrival of JetBlue, Corendon, and additional flights from American Airlines. This proves that when access improves, performance follows. But without proper investment in airlift, marketing, and destination development, we risk losing momentum, and more importantly, we miss the opportunity to attract the kind of visitor Bonaire truly wants. The world is looking for nature, culture, and authenticity — we have it. Now we must ensure they can find us and reach us,” said Veroesjka de Windt, CEO of BONHATA.

Günther Flanegin, Harbor Master, commented, “The first quarter of the year has brought a good mix of vessels, ranging from traditional cruise ships, such as Carnival, to ultra-luxury vessels and adventure ships.” Furthermore, we had a very balanced schedule at the port, which highlights our efforts to manage tourism activities.”

Maarten van der Scheer, Director of BIA, noted a significant increase in international traffic, primarily driven by AA, Corendon, and JetBlue. There was stable inter-island development, with more frequencies from ZAir. Furthermore, key projects include the complete renewal of the airfield ground lightning system, a contract signed to upgrade the security checkpoint, the upgrade of the arrival area for authentic ‘bon bini’ experiences, and improved wayfinding.

A special thank you to Delfins Beach Resort for sponsoring the meeting room and Tourism After 5. Also, thank you to Fresh Supplier, who provided mini burgers during Tourism After 5.

For additional information, send an email to marketing@bonaireisland.com.