Redakshon
Willemstad,-Philipsburg,- El Salvador ta risibí lidernan meteorológiko pa definí strategia pa enfrentá eventonan ekstremo den nos region.
El Salvador ta konsolidá su posishon komo un referente den meteorologia i maneho di riesgo klimátiko, ora e ta risibí ekspertonan di Nort Amérika, Sentro Amérika i Área di Karibe den un seri di reunionnan di Organisashon Meteorológiko Mundial (OMM), pa definí e strategia regional ku por mehorá pronóstikonan i reakshon riba fenómenonan ekstremo.
Ekspertonan di 27 pais lo analisá strategia konhunto pa fortalesé e maneho di fenómenonan klimátiko ekstremo i mehorá kooperashon den servisionan meteorológiko i hidrológiko.
E evento ta kuminsá ku e di Diesnuebe Seshon di Asosiashon Regional IV (AR IV-19) di OMM, ku ta tumando lugá for di 27 te 29 di mart.
Siguiendo esaki, for di 31 di mart te 3 di aprel, lo selebrá e di 47 Reunion di Komité di Orkan di Asosiashon Regional IV, un instansia klave pa evaluá e último temporada di orkan i tambe definí mehorashon den prevenshon i reakshon riba e eventonan aki.
E Asosiashon Regional IV di OMM ta inkluí 27 pais i teritorio for di region ártiko te área trópiko, ku un diversifikashon di klimanan i desafionan kompartí. Su meta prinsipal ta di koordiná esfuersonan pa mehorá servisionan meteorológiko, hidrológiko i klimatológiko den e region, ku énfasis riba adaptashon na e efektonan atverso di klima i e redukshon di riesgo di desaster.
FUENTE: SERVISIO METEOROLÓGIKO KÒRSOU I ST. MAARTEN/LIVE99FM
GIPHY App Key not set. Please check settings