DELEGASHON DI BONAIRE TA PARTISIPÁ NA KONFERENSIA INTERNASHONAL HISTÓRIKO NA BAKU

Kralendijk,- Un delegashon distinguí di Bonaire lo asisti na un konferensia internashonal organisa pa Baku Initiative Group ku lo tuma lugá na Baku dia 29 di maart 2025.

Representando Pueblo Progresivo Uni i Bonaire Human Rights Organization kualnan ta na e momentu aki na Karibe Oriental riba Mishonan Internashonal pa ku e Kaso di Boneiru, e delegashon ku ta na Baku tin e meta di enfoka riba e lucha di e pueblo di Bonaire kontra violashon kontinou di derechonan humano i inhustia, i reprimiendo nan identidat nashonal I kultural.

E delegashon ta inkluí Sr Robert Strickx, sekretario di Pueblo Progresivo Uni, ku ta representá James Finies, lider di Pueblo Progresivo Uni. Tambe ta partisipa Sra Jocelyn de Haak, ku ta representá Davika Bissessar Shaw, Presidente di Bonaire Human Rights i Muhernan Fuerte, ala femenino di Pueblo Progresivo Uni. Nan partisipashon ta subraya e posishon firme di James Finies kontra inhustisia i e konsekuensianan desastroso di 10-10-10 riba e pueblo nativo di e isla, su gobernashon i identidat kultural.

Kaso di Bonaire ta un ehempel kla kon diktadura politiko di Den Haag ta kontinua di mina I perhudika e autonomia di islanan paisnan chikí. A pesar ku 66% di pueblo di Bonaire a rechaza den referendum e ankramentu konstitushonal Hulandes di 2010, Hulanda a impone su gobernashon sin konsentimentu di e pueblo Boneriano i subordiná bao di e gobierno i parlamento di Den Haag. E delegashon lo husa e plataforma internashonal aki pa eksponé e violashonan aki, I lucha pa derechonan humano i di autodeterminashon, i buska apoyo di komunidat internashonal.

Ademas, Pueblo Progresivo Uni ta buska aktivamente hende di tur gremio – boneriano, antiano, hulandes, latino, ingles i otro nashonalidatnan ku ta biba riba Bonaire—ku ta kompartí un vishon pa un miho futuro. E partido ta hasi yamada na individualnan ku kier un kambio real, esnan ku ta kere den krea opurtunidatnan pa nan yunan i futuro generashonan ku ta bini, i ku ta kompromete pa konstrui un Bonaire mas hustu i prospero.

Uní di kualke di e tres maneranan pa hasi un diferensia:

E partisipashon di representantenan di e delegashon di Bonaire ta un paso krusial pa eksponé internashonalmente e situashon di e isla i amplifiká bos di esnan ku ta sigui luchando pa e derechonan fundamental i identidat di pueblo di Bonaire.

FUENTE: BONAIRE HUMAN RIGHTS ORGANIZATION/LIVE99FM