AEROPUERTO FLAMINGO TA TUMA LUSNAN DI PISTA KOMPLETAMENTE NOBO DEN USO

Kralendijk,- Ayera nochi, e sistema di lusnan di pista kompletamente renobá di Aeropuerto Flamingo a wòrdu poné den uso seremonialmente.

Ehekutivo Provinsial Anjelica Cicilia, huntu ku direktor Maarten van der Scheer, COO Giordano Molina i Marjan van Giezen, representante di Ministerio di Infrastruktura, a primi e boton ku a sende e lusnan di pista na henter e aeropuerto den marduga di anochi.

Bonaire International Airport N.V. (BIA), huntu ku Ministerio di Infrastruktura i Maneho di Awa (IenW) i Rijkswaterstaat (RWS), a remplasá i renobá kompletamente e asina yamá Airfield Ground Lighting (AGL) instalashon di Flamingo Airport durante e último aña. Esaki tabata nesesario pa sigui kumpli ku e eksigenshanan di International Civil Aviation Organization pa ku aviashon sivil. E instalashon di AGL ta un elemento importante pa garantisa aviashon sigur. Esaki ta nifiká ku Boneiru lo keda aksesibel seif na tur momentu den futuro.

IenW i BIA anteriormente a hasi palabrashon tokante e finanshamentu di e proyekto aki, ku a kosta mas ku USD 8 mion. Rijkswaterstaat, ku su ekspertisio komo e servisio ehekutivo di IenW, tabata enkargá ku e maneho di proyekto. Despues di un prosedura di destaho kuidadoso, SPIE Nederland a keda selektá komo suministradó di e sistemanan tékniko kompleho aki.

Ku sosten di hopi proveedó lokal i regional, a konstruí henter e instalashon di AGL, ku ta inkluí iluminashon di pista, iluminashon di aserkamentu, kabelnan, pitnan i un substashon kompletamente nobo ku sistemanan di suministro di koriente (di emergensia) i kontrol. En total, vários 100 lampi i aparatonan LED sostenibel a wòrdu instalá, desenas di pitnan i kasi 100 kilometer di kabel a wòrdu pone.

Durante di e inaugurashon, Maarten van der Scheer, direktor di BIA, a bisa den su diskurso: “Awe nos ta selebrá un logro importante, ku e inaugurashon di e lusnan di pista kompletamente renobá na Aeropuerto Flamingo. Esaki solamente a resultá posibel danki na e sosten i esfuersonan di hopi partido, i nos ta masha agradesido pa esei. Asina aki nos lo sigui garantisá ku Boneiru ta keda seif aksesibel via aire den futuro.”

“Mi ke felisitá BIA i e akshonista di BIA, esta OLB, ku un aeropuerto kada bes mas moderno.Un aeropuerto ku ta konektá e residentenan di Boneiru ku sobrá di mundu!” a bisa Marjan van Giezen, representante di Ministerio di Infrastruktura, den su diskurso.

E trabounan a tuma luga prinsipalmente den oranan di anochi pa asina aeropuerto por a keda habri, incluyendo pa buelonan di ambulans. Despues di e enkargo aki, BIA lo manehá e sistema i us’é huntu ku kontròl di tráfiko aéreo. Pa esaki, e ekiponan tékniko i operashonal di aeropuerto i di e toren a pasa dor di entrenamentu i ehersisionan intensivo.

FUENTE: BIA/LIVE99FM

NEDERLANDS:

FLAMINGO AIRPORT NEEMT COMPLEET VERNIEUWDE BAANVERLICHTING IN GEBRUIK

Kralendijk,- Gisteravond is de volledig vernieuwde baanverlichtingsinstallatie van Flamingo Airport ceremonieel in gebruik genomen.

Gedeputeerde Anjelica Cicilia drukte samen met directeur Maarten van der Scheer, COO Giordano Molina en Marjan van Giezen, vertegenwoordiger van het Ministerie van Infrastructuur, op de knop waarmee in de avondschemering de verlichting op het hele vliegveld aanging.  

Bonaire International Airport N.V. (BIA) heeft samen met het Ministerie van Infrastructuur (IenW) en Rijkswaterstaat (RWS) het afgelopen jaar de zogenaamde Airfield Ground Lighting (AGL) installatie van Flamingo Airport volledig vervangen en vernieuwd. Dit was nodig om aan de eisen van de International Civil Aviation Organization voor burgerluchtvaart te blijven voldoen. De AGL-installatie is een belangrijk element om veilige luchtvaart te garanderen. Hierdoor is Bonaire ook in de toekomst op elk moment veilig bereikbaar.

IenW en BIA hebben eerder afspraken gemaakt over de financiering van dit project, dat meer dan 8 miljoen USD kostte. Rijkswaterstaat, met haar expertise als uitvoerende dienst van IenW, zorgde voor het projectmanagement. Na een zorgvuldige aanbestedingsprocedure werd SPIE Nederland geselecteerd als leverancier van deze complexe technische systemen.

Met ondersteuning van veel lokale en regionale leveranciers werd de hele AGL-installatie aangelegd, die bestaat uit onder meer de baanverlichting, aanvliegverlichting, kabels, putten en een compleet nieuw substation met (nood)stroomvoorziening en besturingssystemen. In totaal werden enkele honderden duurzame LED-lampen en armaturen geplaatst, tientallen putten en bijna 100 kilometer kabel aangelegd.

Tijdens de ingebruikname vertelde Maarten van der Scheer, directeur van BIA onder andere: “We vieren vandaag een belangrijke mijlpaal, door de ingebruikname van de volledig vernieuwde baanverlichting op Flamingo Airport. Dit is alleen mogelijk geweest door de steun en inzet van vele partijen, en daarvoor zijn we zeer dankbaar. Hiermee houden we Bonaire ook in de toekomst veilig bereikbaar via de lucht.”

“Ik wil BIA en de aandeelhouder van BIA, het OLB, feliciteren met een steeds modernere luchthaven. Een luchthaven die de bewoners van Bonaire verbindt met de rest van de wereld!” zei Marjan van Giezen, vertegenwoordiger van het ministerie van Infrastructuur, in haar speech.

De werkzaamheden vonden vooral ‘s nachts plaats zodat de luchthaven gewoon open kon blijven, ook voor ambulance vluchten. Na deze ingebruikname zal BIA het systeem beheren en het samen met de luchtverkeersleiding gebruiken. Hiertoe hebben de technische en operationele teams van de luchthaven en van de toren inmiddels intensieve training en oefening gehad.