ARUBA: PROME MINISTER TA FELICITA GILMER (PIK) PISAS, FULL E EKIPO DI MFK Y E PUEBLO DI CORSOU CU E VICTORIA DEN E ELECION SIMAN PASA.

Oranjestad,- Den nomber di Gobierno di Aruba, Prome Minister Evelyn Wever-Croes ta felicita Gilmer (Pik) Pisas y partido MFK cu e victoria aplastante siman pasa na Corsou.

“Pueblo di Corsou a papia, y bos di pueblo ta bos di Dios. Mi ta desea e gobierno nobo hopi sabiduria pa por sigui traha y hiba e dushi pueblo di Corsou padilanti. Aruba y Corsou tin hopi cos en comun y e retonan cu e dos islanan aki tin cu enfrenta ta hopi similar. Mas nos traha hunto, mas uni nos ta, mas fuerte nos ta pa enfrenta tur e retonan aki.

Ohala cu den futuro e cooperacion cu semper tabata tin entre Aruba y Corsou por continua. Pabien na Gilmer (Pik) Pisas, pabien na MFK y pabien na e pueblo di Corsou” Prome Minister a expresa.

FUENTE: GOBIERNO DI ARUBA/LIVE99FM