Redakshon
Willemstad,- Djaluna ultimo Meteo a selebrá Dia Mundial di Meteorologia ku diferente presentashon Organisashon Meteororológiko Mundial (OMM) ta konmemorá riba 23 mart e establesimentu di e Organisashon dor di Nashonnan Uni na 1950.
Tambe OMM ta asentuá e importansia di ròl importante di e servisio meteorológiko nashonal ku ta aportá na e seguridat di públiko, i protekshon di medio ambiente.
Debí ku e fecha a kai riba un djadumingu, e selebrashon a wòrdu tene riba djaluna 24 di mart. E Aña aki OMM ta selebrá 75 aña. Pa e aña aki a skohe komo tema “ Closing the early warning gap together”.
Sekretario General di OMM den su speech” a yama tur NMS (National Meteorological Services) pa duna nan kontribushon na salba bida, sirbiendo sosiedat, i protehando nos planeta. Nos komo Servisio Meteorológiko ta hasi muchu mas ku pronostika tempu.
E prioridat aktual ta pa garantisá ku e implementashon di alerta tempran ta pa mundialmente tur hende por ta proteha. Na 2024, un kantidat di 108 pais a raporta ku a implementa e inisiativa aki ku eksito. Serviso Meteorológiko ta orguyoso di ta dispone riba un sistema di alerta tempran implementá i ta parti di e 108 paisnan.
Durante e presentashon di Sr. Albert Martis direktor di Meteo a ilustrá den kua forma Servisio Meteorológiko a implementa e pilarnan di Alerta Tempran (EWS) pa Kòrsou.
Mas aleu Sr. Lesley Fer direktor di DRR a duna un relato kon esakinan a wòrdu implementa pa e Organisashon di Kalamidat na Kòrsou.
Riba e dia aki tambe Sr. Bryan Elisa Manager Crisis Management di CAP a duna un splikashon kon a implementa un sistema di alerta tempran pa Curaçao International Airport.
Servisio Meteorológiko Kòrsou ta sumamente agradesido na tur stakeholder ku a partisipá i duna un aporte riba e dia tan importante kual ta Dia Mundial di Meteorológia.
Servisio Meteorológiko lo organisá un siguiente charla tokante Preparashon pa Temporada di Orkan 2025 konhuntamente ku stakeholders.
FUENTE: METEO KÒRSOU/LIVE99FM
GIPHY App Key not set. Please check settings