DIREKTIVA DI FUNDASHON ALZHEIMER BONAIRE A KONTINUÁ DJABIÈRNÈ ÚLTIMO KU SU PROGRAMA DI AÑA

Kralendijk,- Direktiva di Fundashon Alzheimer Bonaire a kontinuá djabièrnè último, 19.00 or ku su programa di aña na Captain Don’s Habitat ku un anochi di informashon.

Resientemente Sentro Akseso Boneiru a introdusí su Lokèt Aksesibel i direktiva di Fundashon Alzheimer Bonaire a aserká direktiva di e Sentro pa tene un presentashon di esaki su servisio i posibilidatnan na e grupo di enfoke di miembronan di famia di FAB i tambe otro dunadónan di kuido kaluroso na personanan ku demensia.

Sra Tamara Janga-Nicolaas, Lider di e Tim pa Trabou Sosial i sra Jurna Clarenda, Lider di e Proyekto Lokèt Aksesibel tabata dispuesto pa hasi esaki i nan a kumpli ku esaki na satisfakshon di tur e presentenan i di Direktiva di FAB.

Direktiva a entregá papel i pèn na entrada di e sala pa esnan ku tabata desea pa nan preguntanan keda anónimo por a nota nan, pa haña kontesta despues. 

Mayoria a apresiá esaki i tabata agradesido ku por a ofresé nan e posibilidat aki.

Normalmente ta sera e anochi alrededor di 20.45 or, pero e anochi aki ta te 21.15 por a kaba kontestá tur e preguntanan.

Tabata un anochi hopi bunita ku masha hopi informashon pa e dunadónan di kuido kaluroso, e interesadonan entre otro tambe algun otro kolaborador den kuido.

Na final sr Evert L. Piar a ekspresá na nòmber di direktiva di FAB su apresio pa e oradornan ku a duna nan tempu liber durante e anochi aki, pa a ofresé un presentashon ku asina tantu informashon importante i balioso tokante nan aktividatnan durante oranan di ofisina di Lokèt Aksesibel.

Esnan presente, e oradornan i direktiva ta mira atras riba un anochi bon bishitá i fruktífero.

FUENTE: FUNDASHON ALZHEIMER BONAIRE/LIVE99FM

NEDERLANDS:

HET BESTUUR VAN FUNDASHON ALZHEIMER BONAIRE, HAD HAAR JAARPROGRAMMA AFGELOPEN VRIJDAGAVOND

Kralendijk,- Het bestuur van Fundashon Alzheimer Bonaire, had haar jaarprogramma afgelopen vrijdagavond om 19.00 uur vervolgd met een informatieavond bij Captain Don’s Habitat.

Het bestuur had de direktie van Sentro Akseso Boneiru benaderd om het recent geïntroduceerdLoket Aksesibel voor haar doelgroep van familieleden en mantelzorgers van personen met dementie een presentatie te houden over de diensten en mogelijkheden die zij bieden.

Mw Tamara Janga- Nicolaas, Teamleider Maatschappelijk werk en mw Jurna Clarenda, Projectleider Loket Aksesibel dat waren hiertoe bereid en hebben dan ook naar tevredenheid van alle aanwezigen en het bestuur van FAB gedaan .

Het bestuur had ervoor gezorgd dat iedereen bij de ingang van de zaal papier en pen kreeg zodat degenen die hun vragen liever anoniem wilden houden deze kondenopschrijven om door desprekers te worden beantwoord.

Dit had merendeel zeer op prijs gesteld en was ook dankbaar voor de gelegenheid aan hun aangeboden.

Normaliter is sluitingstijd rond 20.45 uur maar deze avond konden alle vragen pas om 21.15 uur beantwoord worden.

Het werd weer een hele mooie avond met heel veel informatie voor de aanwezige mantelzorgers, geïnteresseerden, waaronder ook enkele zorgmedewerkers. Na afloop sprak de voorzitter dhr Evert L.Piar namens het bestuur waardering uit voor de sprekers die hun vrije tijd gedurende deze avond hadden opgeofferd om de aanwezigen zoveel belangrijke informatie te bieden over al hun werkzaamheden gedurende de kantoortijd van Loket Aksesibel. 

De aanwezigen, de sprekers en het bestuur kijken terug op een goed bezochte en geslaagde informatieavond.