KOREKSHON DI TENDENSIA DI PREIS DI PRODUKTONAN BÁSIKO 2024

Kralendijk,- Komo Fundashon Tienda pa Konsumidó Boneriano (FTPKB) nos ta duna hopi balor na transparensia i informashon korekto.

Ku esaki nos ke informá bo tokante un eror den nos publikashon anterior di tendensia di preis 2024 tokante desaroyo di preis di produktonan básiko for di e lista di fundashon tienda pa konsumidó boneriano.

Na momentu di traspasá e suma mas barata di produktonan den e kálkulonan di preis di desèmber, pa eror a prosesá sumanan inkorekto. Despues di un rekálkulo kuidadoso, nos ta presentá aki e sifranan korekto.

E sifranan korekto pa 2024:

Desaroyo total di preis di kanasta básiko: +5% (april-desèmber 2024)

Nos ta lamentá e eror akí i ta ofresé nos diskulpa pa kualke konfushon ku por a surgi. Komo organisashon di konsumidó nos ta lucha pa e presishon mas haltu posibel den nos reportahenan.

Pa evitá erornan den futuro, aktualmente nos ta okupá ku digitalisashon di nos prosesnan. Esaki ta nifiká ku nos ta kambia pa un sistema outomatisá pa kolektá, prosesá i kontrolá datonan di preis. E paso akí lo yuda nos traha mas lihé i mas eksakto, i evitá erornan manera esaki.

Konsekuensia
• E oumentonan di preis den algun kategoria ta mas haltu ku loke a reportá anteriormente.
• E bahadanan di preis den algun kategoria ta mas fuerte ku loke a menshoná anteriormente.
• Nos konsehonan pa spar ta keda sin kambio.

E sifranan korihí ta mustra ku spesialmente e preisnan di produktonan fresku i produktonan di limpiesa a subi mas fuerte ku loke a menshoná anteriormente.

Na mes momentu e bahada di preis di suku i artíkulonan di toilet tambe ta mas substansial.

FUENTE: FUNDASHON TEINDA PA KONSUMIDO BONAIRE