EKSKLUSHON DI SIERTO GRUPONAN DEN NOS KOMUNIDAT NO TA AKSEPTABEL.

Kralendijk,- Gezaghèber di entidat públiko Boneiru a tuma nota di reakshonnan preokupá relashoná ku ekspreshonnan ku segun personanan ku tabata presente, a keda hasí tokante e komunidat di LHBTQI+, durante un enkuentro públiko di organisashonnan di iglesia dia 11 di yanüari 2025.

Gezaghèber di entidat públiko Boneiru a tende ku hendenan ta preokupá tokante ekspreshonnan relashoná ku e komunidat di LHBTQI+.

Derechonan fundamental i libertat di ekspreshon

Demonstrashon ta un parti esensial di nos derechonan fundamental, manera libertat di ekspreshon, libertat di religion i e derecho pa protestá. Gezaghèber ta aksentuá ku no tur ora e mester ta di akuerdo ku e mensahenan ku hende ta trese padilanti durante un demonstrashon. Tòg e ta haña ku ta di gran importansia ku na tur momentu esaki ta tuma lugá ku rèspèt pa otro.

Inklusividat na Boneiru

Gezaghèber ta haña importante ku tur hende ta sinti nan mes seif na Boneiru. El a bisa: “Komo tata di pueblo mi ta sòru pa tur hende sinti nan mes seif den nos komunidat.” E ta haña lamentabel ku tin algun habitante ku a sinti nan mes insigur, sin libertat òf diskriminá debí na e ekspreshonnan durante e enkuentro.

Konsulta ku outoridat

Despues ku gezaghèber a risibí sierto señalnan, el a deliberá tokante e insidente ku Ministerio Públiko i polis. Boneiru ta un komunidat diverso ku diferente opinion i konvikshon. Lei ta protehá e derecho pa kompartí bo konvikshonnan, pero tin límite. Ora ku surpasá e límitenan akí, esaki por tin konsekuensia.

Yamada pa Rèspèt i Diálogo

Gezaghèber ta haña balornan manera ekivalensia, rèspèt i inklusividat hopi importante pa Boneiru. E balornan akí ta den artíkulo 1 di nos Konstitushon. Boneiru ta un isla kaminda hende, no opstante sierto diferensianan, ta biba na pas ku otro.

Pa e motibu akí gezaghèber ta hasi un yamada riba tur hende pa konservá e karakterístikanan akí i pa respetá otro. Esaki ta importante pa bienestar i desaroyo di nos isla.

E ta spera ku organisashonnan i gruponan (sosial) ta bai den kòmbersashon ku otro i yega mas serka otro. Solamente huntu nos por traha pa logra un mihó Boneiru pa tur hende. 

FUENTE: OLB/LIVE99FM

NEDERLANDS:

UITSLUITEN VAN GROEPEN IN ONZE GEMEENSCHAP IS NIET ACCEPTABEL

Kralendijk,- De gezaghebber van het openbaar lichaam Bonaire heeft kennisgenomen van verontruste reacties naar aanleiding van uitspraken die volgens aanwezigen zijn gemaakt over de LHBTQI+ gemeenschap, tijdens een openbare bijeenkomst van kerkelijke organisaties op 11 januari 2025.

De gezaghebber van het openbaar lichaam Bonaire heeft gehoord dat mensen zich zorgen maken over uitspraken over de LHBTQI+ gemeenschap.

Grondrechten en vrijheid van meningsuiting

Demonstraties zijn een essentieel onderdeel van onze grondrechten, zoals de vrijheid van meningsuiting, vrijheid van geloof en het recht om te protesteren. De gezaghebber benadrukt dat hij het niet altijd eens hoeft te zijn met de boodschappen die tijdens een demonstratie worden gebracht. Toch vindt hij het van groot belang dat dit altijd gebeurt met respect voor elkaar.

Inclusiviteit op Bonaire

De gezaghebber vindt het belangrijk dat iedereen zich veilig voelt op Bonaire. Hij zegt: “Als burgervader zorg ik ervoor dat iedereen zich veilig voelt in onze samenleving.” Hij vindt het jammer dat sommige inwoners zich onveilig, onvrij of gediscrimineerd voelden door de uitspraken tijdens de bijeenkomst.

Overleg met autoriteiten

Nadat de gezaghebber signalen had ontvangen, heeft hij het incident besproken met het Openbaar Ministerie en de politie. Bonaire is een diverse samenleving met verschillende meningen en overtuigingen. De wet beschermt het recht om je overtuigingen te delen, maar er zijn grenzen. Als deze grenzen worden overschreden, kunnen er gevolgen zijn.

Oproep tot Respect en Dialoog

De gezaghebber vindt waarden als gelijkwaardigheid, respect en inclusiviteit heel belangrijk voor Bonaire. Deze waarden staan in artikel 1 van de grondwet. Bonaire is een eiland waar mensen ondanks verschillen in vrede samenleven. Daarom roept de gezaghebber iedereen op om deze eigenschappen te behouden en elkaar te respecteren. Dit is belangrijk voor het welzijn en de ontwikkeling van het eiland. Hij hoopt dat organisaties en (maatschappelijke)groepen met elkaar in gesprek gaan en dichter naar elkaar toe komen. Alleen samen kunnen we werken aan een beter Bonaire voor iedereen.