ORASHON PA BONEIRU A SURPASÁ TUR EKSPEKTATIVA!

Kralendijk – Djasabra ultimo un públiko impreshonante di mas ku 1000 persona, a disfrutá di un tremendo anochi ku orashon, músika i un dushi ambiente den Social Cafe.

For di den oranan trempan di atardi públiko a kuminsá aglomerá, pa asina presensiá e aktividat tan sperá aki. E aktividat aki a konta ku un line-up di artistanan lokal manera nos propio Ito Martis, Nathan Senchi, Bernice Lourens i for di Kòrsou, Angelique Klooster i Proskuneo.

E públiko a disfrutá imensamente di e anochi aki, prinsipalmente pa e tremendo presentashonnan di e artistanan, pero tambe e momentonan di orashon tantu parti paden na Social Cafe komo pafó kantu di Kaya Neerlandia i Kaya Korona.

Durante e anochi, e públiko por a disfrutá di kuminda, refresko i por a kumpra T[1]shirt ku e mensahe “E Mesun Dios” konforme Hebreonan 13:8. E mensahe aki enfatisando ku Dios a keda meskos ayera, awe i pa semper.

E Dios aki ta kapas pa trese transformashon den bida di un i tur. Di e forma aki, iglesia Bonaire Christian Fellowship, ku pastornan Alex i Jasmin Senchi, ke gradisí pueblo di Boneiru, nos artistanan lokal, esnan di Kòrsou, tur e pastornan i kongregashonnan lokal, kompanianan lokal i miembronan di prensa ku a kere den e vishon i a sostené e aktividat aki.

Danki! E potrètnan ta duna un impreshon di e tremendo anochi aki i e públiko presente.

FUENTE: BONAIRE CHRISTIAN FELLOWSHIP/LIVE99FM