NOS TA BAI YEGA NA UN OTRO FIN DI AÑA, I ALABES UN AÑA DI GOBERNASHON DI PARTIDO DEMOKRAT, M21 I FRAKSHON VROLIJK.

Kralendijk,- Despues di analisá tantu aña 2024 I tambe e un aña di gobernashon nobo, mester ami I hopi hende den pueblo a bin na konklushon ku e aña aki tabata un aña di siña.

E motibu dikon mi ta bisa esaki ta debi ku for di dia ku e gobernsahon nobo a sinta, e partido nan ku tabata den gobernashon  a mustra nan kara real.

Ademas nan a demonstrá di ta hopi desespera I ku e desesperahon aki a pone nan hiba un oposishon sin base.

Esaki a sosode speshalmente ora ku e lider poltiko di UPB Kroon a drenta konseho insular.

Por mira klaramente ku e lider aki NO ta lesa su dokumentu nan I ta warda pa wak kiko otro konsehal I o diputado ta bisa pa asina reklama.

Pero ya di otro banda no por spera otro, pasobra simpelmente e no por.

Pa loke ta e partido MPB ta pio!,  kada bia e lider politiko di e partido aki bai radio pueblo mester skucha un kantidat di kos ku no tin kabes ni  pia I o ta trose e palabra nana.

Pa loke ta nan konsehal ta pio ainda, I tur hende por a ripará esaki.

Tur esaki nan por ta kuadra si pasobra for di dia ku e gobernashon nobo a sinta e dos partido nan aki a bira super nervioso.

Miedu pa nan fúpa nan no sali.

I esaki ta netamente ku ta saliendo awor!

Esnan ku ta neutral I ku ta skucha I lesa bon, por a ripara ku poko poko e gobiernu nobo ta drechando tur loual ku e gobiernu di UPB I MPB

A hasi malu.

Manera e debe di mas ku 3 mion $ riba  presuesto.

Gastamentu di 1 mion $ ku a paga kompinchi nan ku ta riba lista di UPB pa basha e muraya di stadion di Playa abou.

Gastamentu di kasi $ 200.000 pa drecha un WC na stadion di Rincon

Traha dil pa drecha e edifisio di ambagskol pa kasi $ 6.000.000.

Bini ku e programa pa amtenar baha ku penshon adelantá mientra no a soru pa pone sèn pa pone hende bek na nan lugá.

Komo ku no a relga esaki manera debe ser, a pone ku yeb di direktorado a bin ta eksperensia un skarsedat di empleado.

Fuera di esaki nan mi ke pa pueblo pone atenshon na e siguiente;

Despues ku e gobiernu a kambia un grupo di aktivista politiko ku alabes ta amtenar a disidi I te awe pa boikotiá funshonamentu di gobiernu.

Manera;

Wanta o skone konseho manera bouwvergunning, tur otro permit i, tambe por ehempel konseho pa drecha kaminda, anto ku e smoesje ku ta falta di diputado.

Mientras ku e aktivista nan aki sa muchu bon ku NO ta diputado ta firma konseho.

Ta inkreibel ku kolegio ehekutivo mester yora su empleado nan pa traha e konseho pa drecha un kaminda.

I awor ku gobiernu a disidi di tuma paso, t sali grita I yora!

Shonnan boso ta traha pa Boneiru, I NO pa partido.

Na momentu ku bo t boikotia gobiernu bo ta boikotiá BONEIRU!!!!

ESAKI KIER MEN KU TUR ESNAN KU INTENSHOINAMENTE TA BOIKOTIÁ GOBIERNU, TA KONTRA DI BONEIRU!!!!

I a kaso un empleado ku no ta funkshona ta wordu ofrese un otro enkargo I e NO ta tume kier men ku ta gobiernu a kore ku bo.

Ta bo mes ku bo astusio malu a kore ku bo mes.

I esaki no ta e manera ku por ehempel UPB ta funshona, esta di apesar ku bo ta ehersé bo trabou manera debe ser, TOG ta kore ku bo.

Awor pa bini bek riba e parti kaminda e partido nan den oposishon ta nervioso I desesperá ta bini dor di e echo ku nan a wordu informá bon bon dor di nan aktivista empleado publiko ku den aña 2025 tin hopi kos positivo ta bai tuma luga.

I nos a bin komprondé ku tin hopi proyekto pa sali ku na interés di nos pueblo!

Apesar ku e gobiernu nobo ainda tin yen di aktivista politiko ku ta buska tur manera pa strobe e gobernashon, tog e proyekto nan lo sali.

Dus keda pendiente, tin hopi kos bon na kaminda!!!!

Komo tal ami kier a deseá pueblo kompletu pa un prospero aña 2025

Hopi bendishon I salu pa tur hende, I sperando ku kada ken su soño por  ser realisá den e aña nobo.

FUENTE: ALSI ANTHON/LIVE99FM