NOS KÒMPLIMÈNT PA NOS HABITANTENAN PA KUMPLIMENTU KU REGLA I MANTENSHON DI UN BONEIRU SEIF I ORDENÁ

Kralendijk,-  Entidat públiko Boneiru ta ekspresá su apresio pa e manera ku nos komunidat i empresarionan a kontribuí na un Boneiru seif, aksesibel i ordená, pa medio di tene nan mes na regla.

Danki na boso esfuerso nos espasio públiko a keda liber di opstákulo, loke ta importante pa nos peatonnan, nos tráfiko i nos servisionan di emergensia.

Tambe den kaso di eventonan manera Black Friday, kaminda tin mas aktividat komersial i ta bira mas drùk, nos ta kontentu di mira ku empresarionan i doñonan di tienda kada biaha ta tene mas kuenta ku regulashon. Kumplimentu ku artíkulo 9 di e Ordenansa General di Polis (Algemene Politiekeur), kaminda tin pará ku no ta pèrmití pa bende merkansia, òf pone stènt, rèki i mesa riba kaminda públiko sin pèrmit, ta di gran importansia pa nos isla.

Dikon e reglanan akí ta importante

Pa medio di konhuntamente asumí nos responsabilidat i kumpli ku e reglanan, nos ta aportá na un ambiente di biba seif i plasentero pa tantu nos habitantenan komo nos bishitantenan. Espasio públiko ta di nos tur, i danki na boso koperashon esaki ta keda aksesibel i liber di opstákulo.

Kontròl i mantenshon di lei aktivo

Direktorado di Supervishon i Mantenshon di Lei ta sigui tene supervishon pa sòru ku tur hende ta kumpli ku regla. Nos ta gradisí e habitantenan i e empresarionan ku ya kaba a duna kontenido na esaki. Pa esunnan ku ainda tin pregunta tokante kiko sí i kiko no ta pèrmití, nos ta kla pa duna boso informashon i sosten.

Loke bo mester sa

No ta pèrmití: Pa pone stènt, rèki, mesa òf otro material di benta riba kaminda públiko.

Sí ta pèrmití: Pa tene akshon di benta den bo propio espasio di tienda òf riba tereno privá, basta ku esaki ta kumpli ku e regulashon vigente.

Un biaha mas danki

Nos ta apresiá dedikashon di nos komunidat enormemente i nos ta enkurashá tur hende pa sigui traha huntu pa un Boneiru seif i habitabel. Bo tin pregunta òf bo ke mas informashon tokante pèrmit i regulashon?

E ora ei tuma kontakto ku Direktorado di Supervishon i Mantenshon di Lei via e number di telefòn 715-5330 durante ora di ofisina òf via email na directie_th@bonairegov.com.

FUENTE: OLB/LIVE99FM

NEDERLANDS:

COMPLIMENTEN AAN DE BEVOLKING VOOR NALEVING VAN REGELS EN BEHOUD VAN EEN VEILIG EN ORDELIJK BONAIRE

Kralendijk,- Het openbaar lichaam Bonaire (OLB) spreekt haar waardering uit voor de manier waarop de gemeenschap en ondernemers hebben bijgedragen aan een veilig, toegankelijk en ordelijk Bonaire door zich aan de regels te houden.

Dankzij uw inzet bleven onze openbare ruimte vrij van obstakels, wat belangrijk is voor voetgangers, verkeer en hulpdiensten.

Ook op evenementen zoals Black Friday, waarbij drukte en commerciële activiteiten toenemen, zijn wij blij te zien dat ondernemers en winkeleigenaren steeds beter rekening houden met de regelgeving. De naleving van artikel 9 van de Algemene Politiekeur, waarin staat dat het niet is toegestaan zonder vergunning goederen te venten of tenten, rekken en tafels op de openbare weg te plaatsen, is van groot belang voor ons eiland.

Waarom deze regels belangrijk zijn
Door gezamenlijk verantwoordelijkheid te nemen en de regels na te leven, dragen we bij aan een veilige en prettige leefomgeving voor zowel bewoners als bezoekers. De openbare ruimte is van ons allemaal, en dankzij uw medewerking blijft deze toegankelijk en vrij van obstakels.

Actieve controle en handhaving
De Directie Toezicht en Handhaving blijft toezicht houden om ervoor te zorgen dat de regels worden nageleefd. Wij danken de bevolking en de ondernemers die hier al invulling aan geven. Voor degenen die nog vragen hebben over wat wel en niet toegestaan is, staan wij klaar om u te informeren en te ondersteunen.

Wat u moet weten

Niet toegestaan: Het zonder vergunning plaatsen van tenten, rekken, tafels of andere verkoopmaterialen op de openbare weg.

Wel toegestaan: Verkoopacties binnen uw eigen winkelruimte of op privéterrein, mits dit voldoet aan de geldende regelgeving.

Nogmaals dank
Wij waarderen de inzet van de gemeenschap enorm en moedigen iedereen aan om samen te blijven werken aan een veilig en leefbaar Bonaire.

Heeft u vragen of wilt u meer informatie over vergunningen en de regelgeving? Neem dan contact op met de Directie Toezicht en Handhaving via telefoonnummer 715-5330 tijdens kantooruren of per e-mail via directie_th@bonairegov.com.