HENDE FADA SITUASHON DI STASHONA

KRALENDIJK–Hopi trabou desaroyando den e área di hospital. Manera tur hende sa, e situashon di stashonamentu di outo ta keda hopi fastioso pa un hende ku difikultat i otronan di edat avansá òf malesa.

Anto ta p’esei un hospital tei. Ta pa yuda un hende ku no ta 100 porshento stabil. E kos nan aki ta fada hende. Esaki ta ekspreshon di algun persona, no unu, pasobra simplemente no por kere ku gobernante nan tin sentimentu, pió tinu. Polítiko nobo ta bini, otro a bai, ta pasa
di un diputado pa otro, niun ta hasi kaso, pa yuda ku e situashon.

No por papia mas bunita. Mester kuminsá atendé fuertemente ku nos gobièrnu, pa e stòp di laga nos chambuká. Esaki ta responsabilidat di un gobièrnu ku ta bou di un gezaghèber i huntu ku gerente di Fundashon Maridal mester, si mester, yega na un solushon.

Pueblo ta fadá. Masha hende tin hopi difikultat ku e situashon. Esaki tabata ekspreshon di algun persona e siman aki, na altura di Hospital Fundashon Mariadal i Botika. Nan no ke tende storia of ta pensando kon krea posibilidat pa stashon outo, na e sitio menshoná.

Hende malu, difikultat pa kana òf edat avansá, simplemente no por yega botika òf hospital na un manera seif. Mester tuma desishon i hasié awor.

E kos aki ta abusu di marka mayó. Esnan konserní ta abusando di e pueblo. Mas ku 5 aña e situashon ta teribel. Niun diputado, polis, gezaghèber no por pensa pa yega na un solushon? Have a heart.

Mi ta puntra mi mes, ta kon e hende ku ambulans ta transportá pa e hospital, ta yega momentu e kaba pasa e kaminda kan kan di bultu i skuer. Nos ke mira akshon i no rueda di prensa sinta den èrko papia yen kos, miéntras e hende ta sofoká kurpa aya banda. Esaki ta konta pa tur esnan konserní.  

FUENTE:FITTIPALDI PIETERSZ/LIVE99FM