ELBA MERCERA KOMO INVITADO SPECIAL NA SELEBRASHON  DIA DI KULTURA NA EINHOVEN HULANDA

Kralendijk,- Djadumingu 29 di sèptèmber na Hulanda, tabatin selebrashon, un Dia di Kultura na Einhoven Hulanda.

Ta trata di Dutch Caribean United Emancipation Day 2024.

E Boneriano Elba Mercera, kende tabata invitá pa e okashon spesial, bunita bistí na folklor, a bisa riba esenario dilanti di tur invitado presente: “Mi ta bini for di Boneiru i ta orguyoso di ta Boneriano. Manera tur hende sa, Boneiru a bira un gemeete di Hunlanda. Mi trahe awe ta simbolisá, representá nos bunita kultura Boneriano. Bonaire su bichnan, awa kristalina, hende di tur parti di mundu ku yega nos pida baranka, ta sigui papia di dje. Nos músika tradishonal tambe nos kuminda lokal ta impreshoná. Mi no por keda sin menshoná, nos bunita paranan, esta flamingo, e bishitantenan di nos isla, e frutanan den mondi i nos dushi kuminda krioyo. Nos instrumènt i músika Krioyo, ta internashonalmente konosí i gusta, pa medio di nos músikonan Boneriano. Mi no por lubidá nos Folklore Boneriano, naturalmente boso ta bai eksperensia un parti di e músika krioyo awe, interpretá pa e Grupo BanBan Kriyoyo,” Elba a bisa na e okashon. Diferente nashonalidat tabata presente pa e selebrashon di e dia. Entre otro Boneiru, Kòrsou, Aruba i hulanda.        

FUENTE:FITTIPALDI PIETERSZ/LIVE99FM