SHÒFUR TA PÈRDÈ KÒNTRÒL RIBA STÜR I BAI BÒLTU DEN LABADÓ.

Kralendijk, – Tabata algun ratu pasa ku sentral di polis a keda notifiká di un aksidenté ku a tuma lugá riba Kaya Internashonal.

Na yegada di patruyá na e sitio, a bin topa ku un pikòp ku pa un motibu òf otro a bai resultá den e labadó kantu di kaminda di kual e shòfur a resultá heridá.

Probablemente akseso di velosidat lo por ta un di e kousa nan di e aksidente aki ya ku por a tuma nota ku e shofur a kore den un skual ku su pikòp prome ku e la bai bòltu den e labadó.

E personal di ambulans a presentá na e sitio kaminda ku nan a duna e víktima e promé asistensia pa despues transporte pa poliklinika pa tratamentu médiko avansá.

E personal di CRS a presentá na e sitio pa registrá i atendé ku e aksidenté aki.

FUENTE: LIVE99FM