Redakshon
Kralendijk – Riba djaweps, 5 di sèptèmber 2024, entidat públiko Boneiru a desvelá nòmber nobo di un plenchi na honor di Sr. Pedro Nicolaas ‘Niki’ Tromp, un siudadano distinguí i kerí den nos komunidat. Oranjeplein, pegá ku Passangrahan, kaminda e promé Ofisina di Turismo tabata situá i na unda Tromp a traha komo direktor, tin un nòmber nobo. Awor e plenchi akí ta karga e nòmber “Plasa Niki Tromp” komo rekonosementu pa su kontribushon inmenso na desaroyo di turismo i komunidat boneriano.
Durante tres dékada, e nòmber Niki Tromp a zona duru riba e islanan aki, konosí no solamente komo direktor di turismo, sino tambe komo periodista, boluntario i lider den deporte. Niki tabata enkargá ku turismo i Regata di Boneiru, i a traha den un forma intensivo pa promové Boneiru komo un destinashon turístiko preferí.
Niki a nase na Aruba dia 5 di desèmber 1937, i despues di su estudio, el a traha na refineria Lago. Despues di a akumulá sufisiente eksperensia, Niki a traha un temporada kòrtiku na Kòrsou i luego a sigui pa Boneiru, na unda el a dirigí e kompania di seguro British American. No a tarda muchu promé ku el a bai traha pa gobièrnu di Boneiru, kaminda despues di algun tempu el a asumí e posishon di direktor di Ofisina di Turismo, situá na e mesun plasa ku awe ta karga su nòmber.
For di e sitio akí Niki Tromp a traha duru pa pone Boneiru riba mapa turístiko mundial. Ku sosten di personanan manera Hugo Gerharts i Don Steward, Niki a pone e base pa turismo di buseo i Regata Internashonal di Boneiru, un evento ku e tabata organisá pa mas ku 30 aña.
Banda di su trabou den turismo, Niki tabata un figura prominente den medionan di komunikashon. E tabata koresponsal pa e korantnan La Prensa i Èxtra i a bira hopi konosí komo reportero di Z86 (Curom) na Boneiru ku su agensia notisiero Multro. Aparte di esaki Niki Tromp a funda Club di Prensa Boneriano i tabata aktivo den diferente otro proyekto sosial i kultural, inkluso maneho di ekiponan di beisbòl i sòftbòl i tambe el a presidí e grupo di aguinaldo ‘Los Pajaritos Navideños’.
Niki a fayesé dia 7 di ougùstùs 1992, un notisia ku a konmové henter komunidat antiano. Niki Tromp su legado lo keda bibu, i e Plasa ku awor ta karga su nòmber lo sirbi komo un rekordatorio di su kontribushon na Boneiru i pa sigui honra su memoria.
FUENTE: OLB/LIVE99FM
NEDERLNADS:
VOORBEELDIGE BURGER PEDRO NICOLAAS “NIKI” TROMP GEËERD MET PLEIN DAT ZIJN NAAM DRAAGT
Kralendijk – Op donderdag 5 september 2024 heeft het openbaar lichaam Bonaire de nieuwe naam van een plein onthuld ter ere van dhr Pedro Nicolaas ‘Niki’ Tromp, een vooraanstaande en geliefde burger binnen onze samenleving. Het Oranjeplein, naast Passangrahan, waar het eerste Toeristenbureau gevestigd was en waar Tromp als directeur heeft gewerkt, heeft een nieuwe naam. Het plein draagt nu de naam ‘Plasa Niki Tromp’ als erkenning voor Niki’s immense bijdrage aan de ontwikkeling van het toerisme en de Bonairiaanse samenleving.
Gedurende drie decennia was de naam Niki Tromp overal te horen op deze eilanden. Tromp was niet alleen bekend als toerisme-directeur, maar ook als journalist en sportleider. Niki was belast met toerisme en de Bonaire Regatta, en hij heeft op intensieve wijze gewerkt aan het promoten van Bonaire als favoriete toeristische bestemming.
Niki is op Aruba geboren op 5 december 1937 en na zijn studie heeft hij bij de Lago raffinaderij gewerkt. Na de nodige ervaring te hebben opgedaan, heeft Niki korte tijd op Curacao gewerkt om daarna naar Bonaire te vertrekken, waar hij aan de leiding stond van de verzekeringsmaatschappij British American. Niet lang daarna is hij bij het Bonairiaanse eilandbestuur gaan werken, waar hij na enige tijd de functie ging bekleden van directeur van het Toeristenbureau, dat op hetzelfde plein stond dat nu zijn naam draagt.
Vanaf die plek heeft Niki Tromp hard gewerkt om Bonaire op de internationale toeristische kaart te zetten. Met ondersteuning van personen zoals Hugo Gerharts en Don Steward, heeft Niki de basis gelegd voor het duiktoerisme en de Internationale Bonaire Regatta, een evenement dat hij langer dan 30 jaar heeft georganiseerd.Naast zijn werk in het toerisme, was Niki een prominent figuur in de media. Hij was correspondent voor de kranten La Prensa en Èxtra en hij is heel bekend geworden als verslaggever van de omroep Z86 (Curom) op Bonaire met zijn nieuwsagentschap Multro.
Daarnaast heeft Niki Tromp de Bonairiaanse Persclub opgericht en hij was actief in verschillende andere sociale en culturele projecten, inclusief de leiding van honkbal- en softbalclubs en het voorzitterschap van de aguinaldo-groep ‘Los Pajaritos Navideños’.
Niki is op 7 augustus 1992 overleden, een bericht dat de hele Antilliaanse samenleving heeft geraakt. De erfenis van Niki Tromp zal blijven voortleven en het plein dat nu zijn naam draagt, zal dienen als herinnering aan zijn bijdrage aan Bonaire en om zijn nagedachtenis te blijven eren.
GIPHY App Key not set. Please check settings