REGATA DI BONEIRU 2024 TA DEDIKÁ NA SR HENRY TORÉ, MIEMBRO VITALISIO DI BONAIRE LIONS CLUB

Kralendijk,- Tourism Corporation Bonaire (TCB) ta orguyoso di por anunsiá ku Regata di Boneiru 2024 ta dediká na sr Henry Toré, un Miembro Vitalisio di Bonaire Lions Club i un figura importante den historia i desaroyo di e evento.

Regata di Boneiru, ku a tuma lugá pa promé biaha dia 8 di sèptèmber 1968, a kuminsá komo un kompetensia chikitu rònt di Klein Bonaire. Inisialmente e evento tabata konsekuensia di un yamamentu di otro afó den un forma amistoso entre Hubert ‘Ibo’ Domacassé i Donald ‘Captain Don’ Stewart, ku a pusta ku nan botonan di bela Sislin i Veila pa mira kua di nan dos ta yega waf bèk promé.

E aña ei, Larry Thielgard, ku e tempu ei tabata presidente di Bonaire Lions Club (BLC) i amigu di Captain Don Stewart, a mira e entusiasmo i e popularidat ku e evento a okashoná. Ku esaki den mente, BLC a tuma e inisiativa pa organisá e kareda di boto di bela na un manera mas strukturá.

E siguiente aña a inkluí e evento ofisialmente den agénda di gobièrnu di Boneiru, ku komo promé notifikashon ’26 di òktober – Kompetensia di boto di bela organisá pa Lions Club Bonaire’. Rápidamente Regata su popularidat a krese i el a bira muchu grandi pa BLC so atendé kuné. Na aña 1971 Ofisina di Turismo a tuma organisashon di e aktividatnan riba laman durante dia over.

Hasta despues ku a traspasá organisashon di Regata pa Ofisina di Turismo, Bonaire Lions Club a keda hunga un ròl dunando sosten i ayudo kaminda esaki tabata nesesario. Miéntras ku e kompetensianan durante dia tabata floresé, BLC a ripará ku parti anochi tabatin muchu tiki aktividat pa bishitante. Parti anochi tabata ketu na nos isla, loke pa Lions Club tabata un motibu pa buska solushon.

Na aña 1983, despues di 16 aña di enbolbimentu, Bonaire Lions Club, bou di presidensia di sr Henry Toré, a introdusí Festival di Regata. E proyekto akí ku nan a presentá na e hefe di Ofisina di Turismo, Niki Tromp, a añadí un dimenshon nobo na e evento pa medio di bini ku festividatnan durante anochi pa komplementá e kompetensianan di boto di bela durante dia.

“Sr Henry Toré su balor pa nos komunidat ta inkalkulabel, no solamente pa motibu di su kontribushonnan na Regata, pero tambe pa su dedikashon na enseñansa i desaroyo kultural na nos isla”, segun Miles Mercera, direktor di TCB. “Dediká Regata di Boneiru 2024 na sr Toré ta un muestra chikitu di nos gratitut pa e herensia ku el a edifiká. Su vishon i liderazgo a forma e evento akí i hasié e fiesta ku e ta awendia.”

Mirando bèk riba e inisiativa akí, sr Toré den un entrevista resien ku Fuhikubo dia 7 di ougùstùs 2024 a bisa lo siguiente: “Na aña 1983, e aña ku mi tabata presidente, e úniko aña ku mi a aktua komo presidente, na momentu ku nos a presentá e proyekto na sr Niki Tromp, e úniko kos ku el a keda sin hasi, ta bula ‘riba di alegria ku ta bini algu mas aserka den e siman di Regata.”

Manera ta registrá den archivonan di Fuhikubo, un artíkulo den Edishon di Deporte di e korant Èxtra di 11 di òktober 1983 a anunsiá lo siguiente: ‘Awe e famoso Regata Internashonal di Boneiru ta ranka sali. E aña akí sigur bishitantenan lo ta kompletamente satisfecho, pa motibu ku awe nochi Bonaire Lions Club ofisialmente ta habri Festival di Regata 1983.”

E festival a transformá Breedestraat, nos kaya prinsipal (awendia Kaya Grandi), den un feria vibrante i kolorido. E kaya tabata dòrná ku bandera i lus, di manera ku a surgi un ambiente festivo, kaminda tantu nos poblashon lokal komo nos bishitantenan por a gosa di músika di bandanan lokal i presentashon di gruponan folklóriko. Nada di esaki lo no tabata posibel sin e esfuersonan di sr Henry Toré, kende awor ta un penshonado despues di un karera eksitoso den enseñansa i konosí pa su interes profundo den Boneiru su desaroyo sosial, edukativo i kultural.

Segun un artíkulo den Èxtra di 22 di sèptèmber 1983, ku ta wardá den archivonan di Fuhikubo, “E festival lo dal nos kaya prinsipal Breedestraat (awendia Kaya Grandi) sera for di ABN Bank te Centro i tambe un parti di Kerkweg (awendia Kaya L.D. Gerharts) te na Panaderia Exito.”

E archivonan di Fuhikubo ta destaká e ambiente tambe ku Papi Antoin a formulá dia 19 di sèptèmber 1983 den Èxtra su Edishon ‘Ambiente’: “Nan ta dòrna Breedestraat ku bandera i lus, di manera ku e kaya ta transformá den un feria alegre i kolorido. Hendenan por balia riba músika di bandanan lokal i tin presentashon di gruponan folklóriko.”

Un di sr Toré su rekuerdonan inolvidabel di Regata ta e último djadumingu di e evento, na momentu ku e barku militar venezolano T-64 ku a trese hende, boto i vehíkulo Boneiru, a bandoná nos isla. “A reina un silensio i e djadumingu despues Boneiru a keda ketu ketu,” asina sr Toré ta kòrda den un entrevista ku Fuhikubo dia 7 di ougùstùs 2024.

E ambiente di Regata a haña su kaminda pa kas di sr Toré tambe. Su kasá, sra Matea Teresa Strickx di Rincon, den felis memoria, un Lioness, huntu ku otro damanan tabata responsabel pa kushiná sòpi pa e stènt di BLC durante e festival. E sèn ku nan tabata rekoudá, BLC tabata invertí di nobo den komunidat boneriano. E tres yunan di famia Toré tambe tin bon rekuerdo di nan hubentut komo parti di e Festival di Regata. Na aña 1973 sr Toré a bira miembro di BLC. Despues el a bira presidente, presidente di zona i Miembro Vitalisio.

Sr Toré, kende tin un pashon pa lesamentu i skirbimentu, a skirbi sinku buki na hulandes, entre otro Een tropische kruisiging, De ontspoorde Benjamin, Tranen over Matravagera, Broos Geluk en De Eed. El a skirbi poesia i obra teatral tambe. Hopi biaha nan ta deskribí sr Toré komo humilde, kondusí pa balornan di Dios, bon prepará, inteligente i un hòmber ku ta sumamente enbolbí ku su komunidat.  

                   

Biografia di sr Henry Toré:

Henry Toré a nase na Korsou dia 19 di òktober 1940 den e bario di Saliña. Despues di a hasi su estudio pa maestro di skol na Radulphus College na aña 1960 sr Toré por a yama su mes maestro di skol. Despues sr Toré a obtené e ‘akte van Bekwaamheid als Hoofdonderwijzer’ (hoofdakte) i oportunidat a habri pa e por a bira kabes di skol. Den e añanan despues Henry Toré a obtené akte L.O. Engels i L.O. wiskunde.

“Na aña 1964 mi a muda for di Korsou pa Boneiru, pa yuda pa algun aña, pasobra e tempu ei, masha tiki maestro tabata dispuesto pa bin biba na Boneiru.”

E algun aña a bira ku awe te ainda Henry Toré ta yama Boneiru su kas despues di 60 aña.

“Na aña 1970 mi a ser nombrá kabes di Lourdes Mulo, na unda ku promé ku mi a bira direktor mi tabata dosente. Lourdes Mulo despues a bira Scholengemeenschap Bonaire.”

“Siguientemente Ministerio di Enseñansa a aserká mi pa bira Inspektor di Enseñansa Avansá na Boneiru i Korsou (1980)”. Na 1981 Toré a kuminsá un estudio di lei na UNA.

“Despues di a ehersé e funshon di Inspektor di Enseñansa Avansá na Boneiru i Kòrsou pa algun aña, Gobièrnu Sentral a lanta un Departamentu di Enseñansa, sekshon Boneiru, kaminda a nombra mi komo hefe. E trabou aki mi a ehersé te na mi penshun na aña 1995.” 

Durante su añanan na Boneiru sr Toré a dediká hopi di su tempu liber na desaroyo sosial di e isla. E tabata lider di Jonge Wacht i despues, huntu ku otro personanan, el a stimulá trahamentu di sentro di bario na Boneiru. Sr Toré a yuda lanta FESBO (Federashon di Sentronan di Bario Boneiru) i a fungi komo miembro di direktiva i presidente. Na aña 2002 tur bario na Boneiru tabatin nan sentro di bario. Sr Toré tabata tambe ko-fundadó di R.K Schoolbestuur i miembro di direktiva di Stichting Ziekenverpleging en Bejaardenzorg Bonaire (awor Fundashon Mariadal). Otro funshonnan ku el a okupá tabata sekretario di Onderwijzersvereniging Don Bosco, koresponsal pa korant Amigoe, sekshon Boneiru, ko-fundadó di Schietvereniging ‘Tirabon’, miembro di direktiva di Fundashon Wega di Number Boneiru, miembro di direktiva di Federatie Antilliaanse Jeugdzorg (FAJ) i presidente di Union di Penshonado pa Adelanto i Hustisia (UPAH) sekshon Boneiru.     

Huntu ku otronan sr Toré a para na kuna di Ars Cantandi, un koro mixto ku durante 30 aña a marka pouta na Boneiru, espesialmente nan konsiertonan den temporada di Pasku. Riba petishon di gobiernu di Boneiru a lanta FORMA (Fundashon Formashon pa Mañan) ku a kaba di selebrá 30 aña di eksistensia.

Durante e añanan 1987 pa 2002 sr Toré a okupá tambe e siguiente funshonnan públiko: Hues suplente na korte di promé instansia na Boneiru, gezaghèber suplente di Boneiru i Sekretario di Estado den Gobièrnu Sentral den temporada di Antia Hulandes. Na aña 1994 Henry Toré a risibí un kondekorashon real komo Officier in de Orde van Oranje Nassau.

Henry Toré tin un pashon pa lesamentu i skirbimentu. Na tur el a skirbi sinku buki na Hulandes: Een tropische kruisiging (1997), De ontspoorde Benjamin (1999), Tranen over Matravagera (2003), Broos Geluk (2010) i De Eed (2020). Tambe el a skirbi poesia i obra di teatro.

Aktualmente na un edat respetá sr Toré ta disfrutá di un bida trankil, den kompania di su yunan, ñetunan i bisañetu i sobrá famianan na Korsou i Boneiru, sin lubidá tur su amistatnan.

Gustosamente Tourism Corporation Bonaire ke ekspresá su gratitut na Fuhikubo pa a duna tur e informashon balioso tokante e kontribushonnan di sr Henry Toré. Nos ta invitá tur hende pa duna honor na sr Henry Toré durante Regata di Boneiru 2024, pa selebrá su herensia i e patrimonio kultural riku di Boneiru.

FUENTE:TCB/LIVE99FM

NEDERLANDS:

REGATTA BONAIRE 2024 OPGEDRAGEN AAN DHR HENRY TORÉ, LID VOOR HET LEVEN VAN BONAIRE LIONS CLUB

Kralendijk,- Tourism Corporation Bonaire (TCB) is er trots op om aan te kondigen dat Regatta Bonaire 2024 wordt opgedragen aan de heer Henry Toré, een Lid voor het Leven van de Bonaire Lions Club en een belangrijke figuur in de geschiedenis en ontwikkeling van het evenement.

De Bonaire Regatta, die voor het eerst op 8 september 1968 heeft plaatsgevonden, is begonnen als een kleine wedstrijd rond Klein Bonaire. Het evenement werd aanvankelijk uitgelokt door een vriendschappelijke weddenschap tussen Hubert ‘Ibo’ Domacasse en Donald ‘Captain Don’ Stewart, die met hun “Boto di Bela Piskadó” (vissersboten) Sislin en Veila raceten om te zien wie het eerst terug zou zijn bij de pier.

Dat jaar zag Larry Thielgard, die toen voorzitter was van de Bonaire Lions Club (BLC) en een vriend van Captain Don Stewart, het enthousiasme en de populariteit die het evenement teweegbracht. Hiermee in gedachten nam de BLC het initiatief om de race op een meer gestructureerde manier te organiseren.

Het jaar daarop werd het evenement officieel opgenomen in de agenda van het Bonairiaanse eilandbestuur, met als eerste vermelding ‘26 oktober – Zeilwedstrijden georganiseerd door de Lions Club Bonaire’. De Regatta won snel aan populariteit en werd te groot voor de BLC alleen. In 1971 nam het Toeristenbureau de organisatie van de activiteiten overdag op het water over.

Zelfs nadat de organisatie van de Regatta was overgedragen aan het Toeristenbureau, bleef de Bonaire Lions Club een ondersteunende rol spelen en bijspringen waar dat nodig was. Terwijl de wedstrijden overdag floreerden, merkte de BLC dat er ‘s avonds te weinig activiteiten waren voor bezoekers. Het was ‘s avonds stil op het eiland, wat voor de Lions Club een reden was om naar oplossingen te zoeken.

In 1983, na 16 jaar van betrokkenheid, heeft de Bonaire Lions Club, onder voorzitterschap van de heer Henry Toré, het ‘Regatta Festival’ geïntroduceerd. Dit project dat aan het hoofd van het Toeristenbureau Niki Tromp gepresenteerd werd, voegde een nieuwe dimensie toe aan het evenement door met avondfestiviteiten te komen als aanvulling op de zeilwedstrijden overdag.

“Dhr. Henry Toré is van onschatbare waarde voor onze samenleving, niet alleen vanwege zijn bijdragen aan de Regatta, maar ook vanwege zijn inzet voor onderwijs en culturele ontwikkeling op het eiland,” aldus Miles Mercera, directeur van TCB. “Regatta Bonaire 2024 aan hem opdragen is een kleine blijk van onze dankbaarheid voor de erfenis die hij heeft opgebouwd. Zijn visie en leiderschap hebben dit evenement gevormd tot het feest dat het vandaag de dag is.”

Terugblikkend op dit initiatief heeft de heer Toré in een recent interview met Fuhikubo op 7 augustus 2024 het volgende gezegd: “In 1983, het jaar dat ik voorzitter was, het enige jaar dat ik voorzitter ben geweest, toen wij het project aan de heer Niki Tromp, hoofd van het Toeristenbureau, hebben gepresenteerd, was een gat in de lucht springen het enige dat hij niet gedaan heeft uit blijdschap dat er nog iets bij kwam in de Regatta-week.”

Zoals vastgelegd in de archieven van Fuhikubo, heeft een artikel uit de Extra Edishon Deporte van 11 oktober 1983 het volgende aangekondigd: “Vandaag is de start van de beroemde Bonaire International Regatta. Bezoekers zullen dit jaar zeker helemaal tevreden zijn, want vanavond opent de Bonaire Lions Club officieel het Festival di Regatta ’83.”

Het festival veranderde de Breedestraat, de hoofdstraat (tegenwoordig Kaya Grandi), in een levendige en kleurrijke kermis. De straat was versierd met vlaggen en lichtjes, waardoor een feestelijke sfeer ontstond waar zowel de lokale bevolking als bezoekers konden genieten van muziek van lokale bands en optredens van folkloristische groepen. Niets van dit alles zou mogelijk zijn geweest zonder de inspanningen van de heer Henry Toré, nu gepensioneerd na een succesvolle carrière in het onderwijs en bekend om zijn diepe interesse in de sociale, educatieve en culturele ontwikkeling van Bonaire.

Volgens een artikel in de Extra van 22 september 1983, bewaard in de archieven van Fuhikubo, “zal het festival de hoofdstraat, Breedestraat (Kaya Grandi) afsluiten, van de ABN Bank tot Centro en ook een gedeelte van de Kerkweg (Kaya L.D. Gerharts) tot aan Panaderia Exito.”

De archieven van Fuhikubo belichten ook de sfeer die Papy Antoin op 19 september 1983 vastlegde in de Extra Edishon “Ambiente”: “De Breedestraat wordt versierd met vlaggen en lichtjes, waardoor de straat verandert in een vrolijke en kleurrijke kermis. Er wordt gedanst op de muziek van lokale bands en er zijn optredens van folkloristische groepen.”

Een van de onvergetelijke herinneringen aan de Regatta van de heer Toré was de laatste zondag van het evenement toen het Venezolaanse militaire schip T-64, dat mensen, boten en voertuigen naar Bonaire had gebracht voor de Regatta, vertrok. De kade stond vol met mensen die het schip over de horizon zagen verdwijnen. “Er viel een stilte en de zondag erna bleef Bonaire ketu ketu (doodstil),” herinnert de heer Toré zich in een interview met Fuhikubo op 7 augustus 2024.

Het Regatta-gevoel vond ook zijn weg naar het huis van de heer Toré. Zijn vrouw, wijlen mw Matea Teresa Strickx uit Rincon, een Lioness, was samen met andere dames verantwoordelijk voor het bereiden van soep voor de stand van de BLC tijdens het festival. Het ingezamelde geld werd opnieuw geïnvesteerd in de Bonairiaanse samenleving. De drie kinderen van de familie Toré hebben ook goede herinneringen aan hun jeugd als onderdeel van het ‘Regatta Festival’. In het jaar 1973 werd meneer Toré lid van de BLC. Later werd hij voorzitter, zonevoorzitter en Lid voor het Leven.

Dhr Toré, die een passie heeft voor lezen en schrijven, heeft vijf boeken geschreven in het Nederlands, waaronder Een tropische kruisiging, De ontspoorde Benjamin, Tranen over Matravagera, Broos Geluk en De Eed. Hij heeft ook gedichten en toneelstukken geschreven. Dhr Toré wordt vaak beschreven als nederig, geleid door de waarden van God, goed voorbereid, intelligent en een man die zeer betrokken is bij zijn samenleving.

Biografie van dhr Henry Toré:

Henry Toré is op 19 oktober 1940 op Curacao geboren in de wijk Saliña. Na in 1960 de onderwijzersopleiding te hebben afgerond op de Radulphus College kon dhr Toré zich onderwijzer noemen. Daarna haalde hij nog ‘de akte van Bekwaamheid als Hoofdonderwijzer’ (hoofdakte) en de mogelijkheid stond open om schoolhoofd te worden. In de jaren daarna haalde hij de onderwijsbevoegdheden L.O. Engels en L.O. Wiskunde.  

“In 1964 ben ik verhuisd van Curacao naar Bonaire, om daar enkele jaren te helpen, omdat in die tijd maar weinig onderwijzers bereid waren om op Bonaire te gaan wonen.”

Die enkele jaren zijn iets meer geworden, en nu na 60 jaren noemt Henry Toré Bonaire zijn thuis.

“In 1970 werd ik benoemd als directeur van de Lourdes Mulo, waar ik voordat ik directeur werd eerst leraar was. Lourdes Mulo is later Scholengemeenschap Bonaire geworden.”

“Vervolgens heeft het Ministerie van Onderwijs mij benaderd om Inspecteur Voortgezet Onderwijs te worden voor Bonaire en Curacao (1980)”. Na 1981 is Toré aan een rechtenstudie begonnen bij de UNA.

“Na enkele jaren de functie van Inspecteur Voortgezet Onderwijs bekleed te hebben op Bonaire en Curacao, heeft de Centrale Regering een Departement van Onderwijs, sectie Bonaire opgericht, waar ik als hoofd benoemd werd. Dit werk heb ik tot aan mijn pensioen gedaan in 1995.”

Tijdens zijn jaren op Bonaire heeft dhr Toré veel van zijn vrije tijd gewijd aan de sociale ontwikkeling van het eiland. Hij is leider geweest bij de Jonge Wacht en later heeft hij samen met andere personen het bouwen van wijkcentra gestimuleerd op Bonaire. Dhr Toré heeft meegeholpen om FESBO (Federatie van Wijkcentra op Bonaire) op te richten en hij heeft gefungeerd als bestuurslid en voorzitter. In 2002 hadden alle wijken van Bonaire hun wijkcentrum. Dhr Toré was ook mede-oprichter van het RK Schoolbestuur en bestuurslid van de Stichting Ziekenverpleging en Bejaardenzorg Bonaire (nu Stichting Mariadal). Andere functies die hij heeft bekleed zijn secretaris van de Onderwijzersvereniging Don Bosco, correspondent voor de krant Amigoe, sectie Bonaire, mede-oprichter van de Schietvereniging ‘Tirabon’, bestuurslid van de Fundashon Wega di Number Boneiru, bestuurslid van de Federatie Antilliaanse Jeugdzorg (FAJ) en voorzitter van de Union di Penshonado pa Adelanto i Hustisia (UPAH) sectie Bonaire.

Samen met anderen heeft dhr Toré aan de wieg gestaan van Ars Cantandi, een gemengd koor dat gedurende 30 jaar de trend aangaf op Bonaire, vooral met hun concerten in Kersttijd. Op verzoek van het Bonairiaanse eilandbestuur werd FORMA (Fundashon Formashon pa Mañan) die pasgeleden haar 30-jarig bestaan heeft gevierd.

Tussen 1987 tot 2002 heeft dhr Toré ook de volgende publieke functies bekleed: plaatsvervangend rechter bij het gerecht in eerste aanleg op Bonaire, waarnemend gezaghebber van Bonaire en Staatssecretaris van de Centrale Regering in de tijd van de Nederlandse Antillen. In 1994 kreeg Henry Toré een koninklijke onderscheiding als Officier in de Orde van Oranje Nassau.

Henry Toré heeft een passie voor lezen en schrijven. In totaal heeft hij vijf boeken geschreven in het Nederlands: Een tropische kruisiging (1997), De ontspoorde Benjamin (1999), Tranen over Matravagera (2003), Broos Geluk (2010) en De Eed (2020). Hij heeft ook gedichten en toneelstukken geschreven.

Momenteel geniet dhr Toré op een gerespecteerde leeftijd van een rustig leven, in het gezelschap van zijn kinderen, kleinkinderen, een achterkleinkind en andere familieleden op Curacao en Bonaire, zijn vriendschappen niet te vergeten.

Tourism Corporation Bonaire wil graag haar dankbaarheid uitspreken aan Fuhikubo voor het verstrekken van waardevolle informatie over de bijdragen van dhr Henry Toré. We nodigen iedereen uit om dhr Henry Toré te eren tijdens de Regatta Bonaire 2024, om zijn nalatenschap en het rijke culturele erfgoed van Bonaire te vieren.     

ENGELS:

REGATTA BONAIRE 2024 DEDICATED TO MR. HENRY TORÉ, A LIFE MEMBER OF BONAIRE LIONS CLUB

Kralendijk,- Tourism Corporation Bonaire (TCB) is proud to announce that Regatta Bonaire 2024 will be dedicated to Mr. Henry Toré, a Life Member of the Bonaire Lions Club and an instrumental figure in the history and development of the event.

Bonaire Regatta, which first took place on September 8, 1968, began as a small competition around Klein Bonaire. The event was initially sparked by a friendly bet between Hubert ‘Ibo’ Domacasse and Donald ‘Captain Don’ Stewart, who raced their “Boto di Bela Piskado” (fishing boats) Sislin and Veila to see who would return to the pier first.

That year, Larry Thielgard, who was then the president of the Bonaire Lions Club (BLC) and a friend of Captain Don Stewart, recognized the enthusiasm and popularity generated by the event. With this in mind, the BLC took the initiative to organize the race in a more structured manner.

The following year, the event was officially included in Bonaire’s Government Agenda, marking the first entry as ‘26 oktober – Zeilwedstrijden georganiseerd door de Lions Club Bonaire’ (October 26 – Sailing Races organized by the Lions Club Bonaire). The Regatta quickly gained popularity, growing too large for the BLC alone to manage. By 1971, the Tourism Office had assumed the organization of daytime events on the water.

Even after handing over the Regatta’s organization to the Tourism Office, the Bonaire Lions Club continued to play a supportive role, stepping in whenever necessary. While the daytime competitions flourished, the BLC noticed a lack of evening activities for visitors. The island was quiet at night, prompting the Lions Club to explore solutions.

In 1983, after 16 years of involvement, the Bonaire Lions Club, under the presidency of Mr. Henry Toré, introduced the ‘Regatta Festival.’ This project, presented to Mr. Niki Tromp, the head of the Tourism Office, added a new dimension to the event, bringing evening festivities to complement the daytime sailing competitions.

“Mr. Henry Toré has been an invaluable pillar of our community, not only for his contributions to the Regatta but also for his commitment to education and cultural development on the island,” said Miles Mercera, CEO of TCB. “Dedicating Regatta Bonaire 2024 to him is a small token of our gratitude for the legacy he has built. His vision and leadership have shaped this event into the celebration it is today.”

Reflecting on this initiative, Mr. Toré shared in a recent interview with Fuhikubo on August 7, 2024: “In 1983, the year I was chairman, the only year I have been chairman, when we presented the project to Mr. Niki Tromp, head of the Tourist Board, the only thing he did not do was jump in the air for joy because there was something else added to the Regatta Week.”

As captured in Fuhikubo’s archives, an article from October 11, 1983, Extra Edishon Deporte announced: “Today marks the start of the famous Bonaire International Regatta. Visitors will surely find complete satisfaction this year as the Bonaire Lions Club officially opens the Festival di Regatta ’83 tonight.”

The Festival transformed Breedestraat, the main street (nowadays Kaya Grandi), into a lively and colorful fairground. The street was adorned with flags and lights, creating a festive atmosphere where locals and visitors alike could enjoy music from local bands and performances by folkloric groups. None of this would have been possible without the efforts of Mr. Henry Toré, now retired after a successful career in education and known for his deep interest in Bonaire’s social, educational, and cultural development.

According to a September 22, 1983, Extra article preserved in the Fuhikubo archives, “The Festival will close off the main street, Breedestraat (Kaya Grandi), from the ABN Bank to the Centro, and also part of Kerkweg (Kaya L.D. Gerharts) up to Panaderia Exito.”

Fuhikubo’s archives also highlight the ambiance captured by Papy Antoin on September 19, 1983, in the Extra Edishon “Ambiente”: “Breedestraat will be decorated with flags and lights, turning the street into a bright and colorful fairground. There will be dancing to the music of local bands and performances by folkloric groups.”

One of Mr. Tore’s unforgettable Regatta memories was the final Sunday of the event when the Venezuelan Military Ship T-64, which had brought people, boats, and vehicles to Bonaire for the Regatta, departed. The waterfront was filled with people watching the ship disappear over the horizon. “A silence fell, and the Sunday after, Bonaire remained ketu, ketu,” Mr. Toré recalled in an interview with Fuhikubo on August 7, 2024.

Regatta spirit also found its way into Mr. Tore’s home. His wife, Mrs. Matea Teresa Strickx from Rincon, a Lioness in loving memory, was responsible for preparing soup with other women for the BLC’s stand during the Festival. The funds raised were reinvested into the Bonairean community. The Tore family’s three children also fondly remember growing up as part of the ‘Regatta Festival.’ In 1973, Mr. Toré became a member of BLC, later becoming President, Zone Chairman, and a Life Member.

Mr. Toré, passionate about reading and writing, has authored five books in Dutch, including Een tropische kruisiging, De ontspoorde Benjamin, Tranen over Matravagera, Broos Geluk, and De Eed. He has also written poetry and plays. Mr. Toré is often described as humble, guided by the values of God, well-prepared, intelligent, and a man deeply committed to his community.

Biography of Mr. Henry Tore:

Henry Toré was born on October 19, 1940, in Curacao in the district of Saliña. After completing his teacher training at Radulphus College in 1960, Mr. Toré was able to call himself a teacher. He then obtained the ‘Certificate of Competence as a Head Teacher’, and the possibility of becoming a principal was open. In the years that followed, he obtained teaching qualifications in English and Mathematics.

“In 1964, I moved from Curacao to Bonaire to help out there for a few years because, at that time, only a few teachers were willing to live on Bonaire.”

Those few years have become a little more, and now, after 60 years, Henry Toré calls Bonaire his home.

“In 1970 I was appointed director of the Lourdes Mulo, where I was a teacher before I became director. Lourdes Mulo later became Scholengemeenschap Bonaire.”

“The Ministry of Education then approached me to become Inspector of Secondary Education for Bonaire and Curacao (1980)”. After 1981, Toré started studying law at the UNA.

“After having held the position of Inspector of Secondary Education on Bonaire and Curacao for several years, the Central Government established a Department of Education, Bonaire section, where I was appointed as head. I did this work until my retirement in 1995.”

During his years on Bonaire, Mr. Toré devoted much of his free time to the social development of the island. He was a leader at the Jonge Wacht (scouts) and later, together with other people, he stimulated the building of community centers on Bonaire. Mr. Toré helped establish FESBO (Federation of Community Centers on Bonaire) and served as a board member and chairman. In 2002, all neighborhoods on Bonaire had their own community center. Mr. Toré was also co-founder of the Roman Catholic School Board and board member of the Bonaire Nursing and Elderly Care Foundation (now Mariadal Foundation). Other positions he has held include secretary of the Teachers’ Association Don Bosco, a correspondent for the newspaper Amigoe Bonaire section, co-founder of the Shooting Club ‘Tirabon’, board member of the Fundashon Wega di Number Boneiru, board member of the Federation of Antillean Youth Care (FAJ) and chairman of the Union di Penshonado pa Adelanto i Hustisia (UPAH) Bonaire section.

Together with others, Mr. Toré was at the cradle of Ars Cantandi, a mixed choir that set the trend on Bonaire for 30 years, especially with their concerts at Christmas time. At the request of the Bonairean government, FORMA (Fundashon Formashon pa Mañan) was founded, which recently celebrated its 30^th anniversary.

From 1987 to 2002, Mr. Toré also held the following public positions: deputy judge at the Court of First Instance on Bonaire, acting governor of Bonaire, and State Secretary of the Central Government during the time of the Netherlands Antilles. In 1994, Henry Toré received a royal distinction as Officier in de Orde van Oranje Nassau.

Henry Toré has a passion for reading and writing. In total, he has written five books in Dutch: Een tropische kruisiging (1997), De ontspoorde Benjamin (1999), Tranen over Matravagera (2003), Broos Geluk (2010) and De Eed (2020). He has also written poems and plays.

Currently, Mr. Toré enjoys a quiet life at a respectable age, in the company of his children, grandchildren, a great-grandchild, and other family members on Curacao and Bonaire, not to forget his friendships.

Tourism Corporation Bonaire would like to express gratitude to Fuhikubo for providing valuable information regarding Mr. Henry Tore’s contributions. We invite everyone to join in honoring Mr. Henry Toré at Regatta Bonaire 2024, celebrating his legacy and the rich cultural heritage of Bonaire.