GRIFFIER NOBO PA KONSEHO INSULAR TA HURAMENTÁ.

Kralendijk – Durante reunion di Konseho Insular di Boneiru di 3 di Sèptèmber 2024, Señora Jacqueline Harewood a huramentá komo griffier di Konseho Insular. Despues di un trayekto largu i intensivo, tin finalmente un griffier nobo ku lo sostené Konseho Insular ku su tareanan.

Señora Harewood ta trese hopi eksperensia i konosementu den e funshon aki, i Konseho Insular ta spera ku su kontribushon lo fortalese e proseso demokrátiko riba nos isla. Su ròl lo ta sumamente importante den e proseso di fasilitá e tareanan di Konseho Insular i pa garantisá ku e proseso di toma di desishon ta kana bon.

Na nòmber di Konseho Insular di Boneiru, ta deseá Señora Harewood hopi éksito den su posishon nobo. Nos ta konfia ku e lo ehersé su funshon ku integridat i dedikashon.

FUENTE:OLB/LIVE99FM

NEDERLANDS:

NIEUWE GRIFFIER VOOR DE EILANDSRAAD BEËDIGD.

Kralendijk – Tijdens de Eilandsraadvergadering van drie september 2024 is mevrouw Jacqueline Harewood officieel beëdigd als de nieuwe griffier van de Eilandsraad. Na een lange en intensieve procedure is er eindelijk weer een griffier aangesteld, die de Eilandsraad zal ondersteunen in haar werkzaamheden.

Mevrouw Harewood brengt een schat aan ervaring en expertise met zich mee, en de Eilandsraad kijkt uit naar haar bijdrage aan de versterking van het democratisch proces op ons eiland. Haar rol zal cruciaal zijn in het faciliteren van de werkzaamheden van de Eilandsraad en het waarborgen van een goed verloop van de besluitvormingsprocessen.

Namens de Eilandsraad wensen wij mevrouw Harewood veel succes in haar nieuwe functie. Wij hebben er alle vertrouwen in dat zij deze positie met integriteit en toewijding zal vervullen.