Redakshon
Kralendijk,- Pa pensa kua ta e manera korekto pa funshoná den komunidat. Riba dia 5 un kopia di apertura di aña parlamentario manera Hulanda a tuma lugá i dia 6 “Dia di Bonaire” i no “Dia di di Boneiru”.
E palabranan ku a hala mi atenshon riba dianan 5 i 6 ta; demokrasia i identidat. Djamars dia 15 di sèptèmber tin reunion di Konseho Insular I mi ta spera ku maske un di mi kuater eks alumnonan den konseho Insular lo dediká sikiera 2 minüt na, kon Konseho Insular ta praktiká demokrasia den dialogá ku pueblo i para ketu na malkontentu ku ta reina den komunidat manera; bida karu, skarsedat di bibienda pagabel, infrastruktura malu, problema na lèntfel, sintimentu di ta siudadano di segundo grado, diskriminashon, rasismo i ta ekskluí personanan ku otro orientashon seksual.
Ki Konsehalnan ta pensa tokante atentadonan brutal kontra demokrasia na Estádos Unídos, Rusia, China, Iran, Gaza, paisnan den Sentro I Suramérika i na Alemania ku e viktoria elektoral di e partido AFD ku ta super ekstremista ku e lema “Nos ke nos Pais bèk”
Laga nos komprondé kiko ta motivashon di kada konsehal, kiko ta importante den e trabou di un konsehal i kon ta kontribuí na gana konfiansa di siudadanonan den funshonamentu di Konseho Insular. Esaki ta nifiká, no ku palabra pero ku echo, kon hiba polítika onesto.Ku e punto aki mi ta mustra loke nos ta papia di identidat.
Tres punto importante ta; persepshon kaminda e pregunta ta, ken mi ta? Di dos, kon mi ta presentá mi mes i di tres kon otro ta balorá mi. Pa bisa ki bo identidat ta un obligashon pa sali for di e pregunta “Ken mi ta” pa konfirmá konsistensia i kontinuidat di e persona “Ami”.
FUENTE: ARTHUR SEALY
GIPHY App Key not set. Please check settings