MANTENÉ LORA DI BONEIRU SALBAHE: NO DUNA NAN KUMINDA

Kralendijk – Entidat Públiko Boneiru ta hasi un yamada riba habitante i bishitante pa no duna lora salbahe kuminda. Lora, konosí tambe komo ‘Amazona barbadensis’, ta un espesie di lora ku ya pa miles di aña ta bibando na Boneiru. Boneiru ta un di e último lugánan kaminda e espesie akí ta biba ainda den naturalesa.

Ounke e poblashon di lora a krese e último añanan, e espesie ta keda vulnerabel. Duna lora salbahe kuminda por tin konsekuensianan dañino. Paranan ku hende duna kuminda, por pèrdè nan miedu di hende. Konsekuentemente nan ta kore mas riesgo di haña aksidente ku outo, edifisio òf animalnan doméstiko. Tambe loranan yòn por bira dependiente di hende, na lugá di siña buska kuminda natural riba nan mes.

Ademas sitionan di duna kuminda por plama malesa, komo ku hopi para ta bin serka di otro. Kuminda ku hende ta duna, hopi bia no ta kontené e nutrientenan adekuado ku lora salbahe tin mester.

Segun ekspertonan e lora mas salú, ta un lora salbahe. E bestianan akí a adaptá nan mes na naturalesa di Boneiru i e mihó manera pa protehá nan ta di laga nan na pas.

Lora ta protehá pa legislashon lokal i internashonal. Ta prohibí pa stroba loranan salbahe, duna nan kuminda, kapturá, kumpra òf bende nan.

Lora ta un parti importante di e patrimonio natural i kultural di Boneiru. Tur hende por yuda, ora gosa di e paranan liber akí den naturalesa, sin duna nan kuminda òf kria nan komo animal doméstiko. Di e manera akí, huntu nos garantisá ku loranan di Boneiru por keda bula liber den futuro tambe.

FUENTE: OLB/LIVE99FM

NEDERLAND:

HOUD DE LORA’S VAN BONAIRE WILD: VOER ZE NIET

Kralendijk –Het Openbaar Lichaam Bonaire roept inwoners en bezoekers op om wilde lora’s niet te voeren. De lora, ook bekend als de geelschouderamazone, is een bijzondere papegaaiensoort die al duizenden jaren op Bonaire leeft. Bonaire is één van de laatste plekken waar deze soort nog in het wild voorkomt.

Hoewel de lora-populatie de afgelopen jaren is gegroeid, blijft de soort kwetsbaar. Het voeren van wilde lora’s kan schadelijke gevolgen hebben. Vogels die door mensen worden gevoerd, verliezen hun natuurlijke angst voor mensen. Daardoor lopen zij meer risico op ongelukken met auto’s, gebouwen of huisdieren. Ook kunnen jonge lora’s afhankelijk worden van mensen, in plaats van zelf natuurlijk voedsel te leren zoeken.

Daarnaast kunnen voerplekken ziektes verspreiden, doordat veel vogels dicht bij elkaar komen. Het voedsel dat mensen geven, bevat vaak niet de juiste voedingsstoffen die wilde lora’s nodig hebben.

Volgens experts is de gezondste lora een wilde lora. Deze vogels zijn aangepast aan de natuur van Bonaire en kunnen het beste worden beschermd door ze met rust te laten.

De lora is beschermd door lokale en internationale wetgeving. Het is verboden om wilde lora’s te verstoren, te voeren, te vangen, te houden, te kopen of te verkopen.

De lora is een belangrijk onderdeel van het natuurlijke en culturele erfgoed van Bonaire. Iedereen kan helpen door van deze vogels te genieten in de vrije natuur, zonder ze te voeren of als huisdier te houden. Zo zorgen we er samen voor dat de lora’s van Bonaire ook in de toekomst vrij kunnen blijven vliegen.