GEZAGHÈBER SOLIANO TA REAKSHONÁ RIBA KARTA DI SEKRETARIO DI ESTADO VAN DER BURG: “TRAHA RIBA UN GOBERNASHON STABIL I DILIGENTE PA BONEIRU”

Kralendijk –Gezaghèber John Soliano di Boneiru a reakshoná riba e karta di Eric van der Burg, sekretario di estado di Asuntunan Interno i Relashonnan den Reino. Den su reakshon gezaghèber ta duna atenshon na e preguntanan ku e sekretario di estado a hasi. E ta splika kua ta e pasonan ku Entidat Públiko Boneiru ta tuma pa fortifiká gobernashon i e organisashon públiko. E mensahe ta klarito: nos ta traha, nos ta invertí i huntu Boneiru ta sigui padilanti.

A kompartí preokupashon, trabou ta kontinuá

Gezaghèber Soliano ta referí na su karta di 10 di ougùstùs. Den e karta akí e ta ekspresá su preokupashon tokante e situashon polítiko den lus di e tareanan sosial grandi na nos isla. Na mes momentu gezaghèber ta enfatisá ku e trabou ta sigui ku e mesun intensidat. Ketu bai nos ta pone pasonan konkreto pa  atendé ku e tareanan akí. Boneiru su desafionan ta rekerí un gobernashon stabil, pero tambe forsa di ehekushon: plannan mester keda realisá debidamente tambe.

E palabrashonnan den e karta di sekretario di estado Van der Burg ta forma solamente un parti chikitu di e hopi ambishonnan i temanan ku Entidat Públiko Boneiru ta trahando diariamente riba dje.

Un isla den kresementu

Den e añanan tras di lomba Boneiru a krese fuertemente, i e kresementu akí ta kontinuá. Sinembargo kapasidat di Entidat Públiko Boneiru i di otro servisionan no a sigui krese ku e mesun velosidat ei. Pa motibu ku den pasado invershonnan a keda tras, riba diferente tereno di maneho a surgi retraso. Banda di esaki Boneiru su tarea ta mas grandi ku esun di un munisipio regular na Hulanda.

Esaki ta rekerí un sistema nobo di traha, i un kambio asina ta kosta tempu. Pa laga e kambio akí kana kuidadosamente i eksitosamente, gezaghèber ta haña ku ta bon pa apliká enfoke. Pa medio di hasi eskoho pa loke ta trata prioridat, Entidat Públiko Boneiru por dirigí su energia riba loke ta mas nesesario. Di e manera akí por realisá tambe loke ta keda primintí.

Invertí den bon gobernashon

Dualismo tambe mester di tempu pa haña su lugá kompletamente den práktika. Dualismo ta nifiká un repartishon klarito di ròl entre Konseho Insular i Kolegio Ehekutivo. Esaki ta rekerí un kompromiso permanente di tur órgano di gobernashon enbolbí. Segun gezaghèber ya kaba ta invertiendo aktivamente den esaki awor akí, entre otro pa medio di: 

• partisipashon na treinennan ku ta na enkargo di diferente organisashon profeshonal;
• revishon di kódigonan di komportashon pa gobernantenan i empleadonan públiko;
• hasi uso di trayektonan pa fortifikashon di e organisashon públiko;
• oumentá resiliensia di e organisashon.

Kolaborashon komo yabi

Den su reakshon, gezaghèber ta deskribí kiko ta pasando na e momentu akí. E ta indiká tambe kua ta e esfuersonan ku ta keda ehersé pa hasi funshonamentu di gobièrnu i di e organisashon públiko mas solidó. Den esaki Soliano ta enfatisá ku kolaborashon ta krusial. Esaki ta konta pa gobièrnu i pa Konseho Insular, pa Entidat Públiko Boneiru i pa Den Haag, i pa e kolaborashon ku komunidat di Boneiru.

“Boneiru ta konfrontando desafionan grandi, pero nos no ta pará nos so den esaki,” segun gezaghèber Soliano. “Nos ta traha tur dia pa logra un gobernashon mas fuerte i un mihó servisio pa nos habitantenan. Esaki ta rekerí tempu, enfoke i prinsipalmente kolaborashon. Mi tin tur konfiansa ku huntu nos ta kana e kaminda akí eksitosamente,”  

FUENTE: OLB/LIVE99FM

NEDERLAND:

GEZAGHEBBER SOLIANO REAGEERT OP BRIEF STAATSSECRETARIS VAN DER BURG: “WERKEN AAN EEN STABIEL EN SLAGVAARDIG BESTUUR VOOR BONAIRE”

Kralendijk – Gezaghebber John Soliano van Bonaire heeft gereageerd op de brief van Eric van der Burg, staatssecretaris van Binnenlandse Zaken en Koninkrijksrelaties. In zijn reactie gaat de gezaghebber in op de gestelde vragen. Hij licht toe welke stappen het Openbaar Lichaam Bonaire (OLB) zet om het openbaar bestuur en de ambtelijke organisatie te versterken. De boodschap is helder: er wordt gewerkt, er wordt geïnvesteerd, en samen gaat Bonaire verder.

Zorgen gedeeld, werk gaat door

Gezaghebber Soliano verwijst naar zijn brief van 10 augustus. Daarin uitte hij zijn zorgen over de politieke situatie in het licht van de grote maatschappelijke opgaven op het eiland. Tegelijkertijd benadrukt de gezaghebber dat het werk onverminderd doorgaat. Er worden nog altijd concrete stappen gezet om deze opgaven aan te pakken. De uitdagingen van Bonaire vragen om een stabiel bestuur, maar ook om uitvoeringskracht: plannen moeten ook daadwerkelijk worden gerealiseerd.

De afspraken in de brief van staatssecretaris Van der Burg vormen slechts een klein deel van de vele ambities en thema’s waaraan het OLB dagelijks werkt.

Een eiland in groei

Bonaire is de afgelopen jaren sterk gegroeid, en die groei zet door. De capaciteit van het OLB en van andere diensten is echter niet in hetzelfde tempo meegegroeid. Doordat investeringen in het verleden zijn achtergebleven, zijn op verschillende beleidsterreinen achterstanden ontstaan. Bovendien is de opgave van Bonaire groter dan die van een reguliere gemeente in Nederland.

Dit vraagt om een nieuwe manier van werken, en zo’n verandering kost tijd. Om die verandering zorgvuldig en succesvol te laten verlopen, vindt de gezaghebber het verstandig om focus aan te brengen. Door keuzes te maken in prioriteiten kan het OLB zijn energie richten op wat het meest nodig is. Zo kan het ook waarmaken wat wordt beloofd.

Investeren in goed bestuur

Ook het dualisme heeft tijd nodig om volledig in de praktijk te landen. Dualisme betekent een heldere rolverdeling tussen Eilandsraad en Bestuurscollege. Dit vraagt een blijvende inzet van alle betrokken bestuursorganen. Volgens de gezaghebber wordt daar nu al actief in geïnvesteerd, onder meer door:

• deelname aan trainingen die worden verzorgd door verschillende beroepsorganisaties;
• het herzien van de gedragscodes voor bestuurders en ambtenaren;
• het inzetten van trajecten ter versterking van de ambtelijke organisatie;
• het vergroten van de weerbaarheid van de organisatie.

Samenwerking als sleutel

In zijn reactie beschrijft de gezaghebber wat er op dit moment gebeurt. Hij geeft ook aan welke inspanningen worden verricht om het functioneren van het bestuur en de ambtelijke organisatie te verstevigen. Soliano benadrukt daarbij dat samenwerking cruciaal is. Dat geldt voor bestuur en Eilandsraad, voor het OLB en Den Haag, en voor de samenwerking met de gemeenschap van Bonaire.

“Bonaire staat voor grote uitdagingen, maar we staan er niet alleen voor,” aldus gezaghebber Soliano. “We werken elke dag aan een sterker bestuur en een betere dienstverlening voor onze inwoners. Dat vraagt tijd, focus en vooral samenwerking. Ik heb er vertrouwen in dat we die weg samen succesvol afleggen.”