EHERSISIO MILITAR NA BONEIRU FOR DI 20 TE KU 27 DI OUGÙSTÙS 2026

Kralendijk – For di 20 te ku 27 di ougùstùs 2026 un ehersisio militar ta tuma lugá na Boneiru di e di 525 kompania di ehérsito ku ta stashoná na Kòrsou. E meta ta pa siña konosé Boneiru su bisindarionan mas mihó i traha huntu ku outoridatnan i servisionan ousiliar lokal.

E militarnan ta trein na diferente lokalidat konosí na nos isla. Durante e periodo akí nan ta hasi uso di e tereno i e fasilidatnan di e klup di scouting na Rincon komo lugá di alohamentu.

Aparte di aktividatnan militar, e unidat ta ehersé trabou pa metanan sosial na Boneiru tambe.

Durante e periodo akí, habitantenan i bishitantenan por topa ku militar i vehíkulo militar na diferente sitio na nos isla. Entidat Públiko Boneiru ta pidi tur hende pa tene kuenta ku esaki i kumpli ku eventual instrukshonnan na kualke sitio.

Ku e treinen akí Defensa ta traha riba disponibilidat operashonal di e unidat i riba un bon kolaborashon ku outoridatnan i servisionan ousiliar lokal na Boneiru.  

FUENTE: OLB/LIVE99FM

NEDERLAND:

MILITAIRE OEFENING OP BONAIRE VAN 20 TOT EN MET 27 AUGUSTUS

Kralendijk –Van 20 tot en met 27 augustus 2026 vindt op Bonaire een militaire oefening plaats van de 525e landmachtcompagnie, die op Curaçao is gestationeerd. Het doel is om de omgeving op Bonaire beter te leren kennen en samen te werken met lokale autoriteiten en hulpdiensten.

De militairen oefenen op verschillende bekende locaties op het eiland. Het terrein en de faciliteiten van scoutingvereniging Rincon worden tijdens deze periode gebruikt als verblijfplaats.

Naast de militaire activiteiten voert de eenheid ook werkzaamheden uit voor maatschappelijke doelen op Bonaire.

Inwoners en bezoekers kunnen tijdens deze periode militairen en militaire voertuigen op verschillende plekken op het eiland tegenkomen. Het Openbaar Lichaam Bonaire vraagt iedereen hier rekening mee te houden en eventuele aanwijzingen op locatie op te volgen. Met deze training werkt Defensie aan de operationele gereedheid van de eenheid en aan een goede samenwerking met lokale autoriteiten en hulpdiensten op Bonaire