FESTIVAL KÒNTA BO KÒ TA NA KAMINDA

Kralendijk – ACE Foundation, den kolaborashon ku Akademia Papiamentu, ta organisá un biaha mas Festival Kònta Bo Kò. E proyekto ta dirigí na personanan di 21 aña bai ariba ku tin interes den skirbimentu, kontamentu di kuenta, teatro i presentashon. Ku e festival, e organisadónan ke stimulá talento nobo i promové uso di Papiamentu den un forma kreativo i moderno.

Un di e metanan prinsipal di e proyekto ta pa stimulá eskritornan nobo pa skirbi na Papiamentu. Ademas, e proyekto ke promové uso di dicho i proverbionan den storianan moderno i finalmente publiká un kolekshon di storia na Papiamentu. Di e manera aki, partisipantenan ta haña un oportunidat pa desaroyá nan kreatividat i talento, miéntras nan ta kontribuí na uso, konservashon i desaroyo di Papiamentu.

E proyekto ta konsistí di dos fase. Skirbimentu Kreativo ta e promé fase, kaminda partisipantenan lo enfoká riba kreashon i skirbimentu di nan propio storia. Konta Kuenta i Presentashon ta e di dos fase. Durante e fase aki, partisipantenan lo siña kon pa konta i presentá nan storia dilanti di públiko. Despues di e dos fasenan, tur e storianan lo wordu grabá den studio i produsí komo storia ouditivo.

Final di e proyekto ta e  Festival di Storia “Bin Kònta Bo Kò”. Durante e festival, partisipantenan lo haña e oportunidat pa presentá nan storia  dilanti di públiko. Tambe lo tin introdukshon di e storianan ouditivo i lansamentu ofisial di e buki ku e kolekshon di storia na Papiamentu.

Personanan ku tin 21 aña òf mas i ku tin interes pa partisipá por inskribí mandando un imeil na binkontaboko@gmail.com òf yamando/manda un mensahe na 790 0155. Despues nan lo risibí e formulario di inskripshon pa yena.

Ku Festival Kònta Bo Kò, ACE Foundation i Akademia Papiamentu ta sigui kreando espasio pa talento nobo, kreatividat i literatura na Papiamentu. E proyekto ta brinda partisipantenan e oportunidat pa desaroyá nan talento, kompartí nan propio storia i na mes momento kontribuí na uso i desaroyo di nos idioma.

FUENTE: FESTIVAL KONTABOKO/LIVE99FM

NEDERLAND:

‘’FESTIVAL KÒNTA BO KÒ’’ KOMT ER WEER AAN

Kralendijk – ACE Foundation organiseert in samenwerking met Akademia Papiamentu opnieuw `Festival Kònta Bo Kò`. Het project richt zich op volwassenen vanaf 21 jaar die interesse hebben in schrijven, verhalen vertellen, theater en presenteren. Met het festival willen de organisatoren nieuw talent stimuleren en het gebruik van het Papiaments op een creatieve en moderne manier bevorderen.

Een van de belangrijkste doelen van het project is om nieuwe schrijvers te stimuleren om in het Papiaments te schrijven. Daarnaast wil het project het gebruik van gezegden en spreekwoorden in moderne verhalen bevorderen. Uiteindelijk wordt een verzameling van de verhalen gepubliceerd in een Papiamentstalige verhalenbundel. De deelnemers krijgen hiermee de kans om hun creativiteit en talent verder te ontwikkelen. Tegelijkertijd dragen zij bij aan het gebruik, behoud en de verdere ontwikkeling van het Papiaments.

Het project bestaat uit twee fases. Creatief Schrijven vormt de eerste fase. Tijdens deze fase werken de deelnemers aan het bedenken en schrijven van hun eigen verhaal. De tweede fase is Verhalen Vertellen en Presenteren. Hier leren de deelnemers hoe zij hun verhaal voor een publiek kunnen vertellen en presenteren. Na deze twee fases worden alle verhalen in een studio opgenomen en geproduceerd als audioverhalen.

Het project wordt afgesloten met het Verhalenfestival “Bin Kònta Bo Kò”. Tijdens het festival krijgen de deelnemers de gelegenheid om hun verhalen live aan het publiek te presenteren. Ook worden de audioverhalen geïntroduceerd en vindt de officiële lancering plaats van het boek met de verzamelde verhalen in het Papiaments.

Personen van 21 jaar en ouder die interesse hebben om deel te nemen, kunnen zich aanmelden door een e-mail te sturen naar binkontaboko@gmail.com of te bellen of een bericht te sturen naar 790 0155. Daarna ontvangen zij het inschrijfformulier om in te vullen.

Met Festival Kònta Bo Kò blijven ACE Foundation en Akademia Papiamentu ruimte creëren voor nieuw talent, creativiteit en literatuur in het Papiaments. Het project biedt deelnemers de mogelijkheid om hun talent verder te ontwikkelen, hun eigen verhalen te delen en tegelijkertijd bij te dragen aan het gebruik en de verdere ontwikkeling van het Papiaments.