GEORGE THODÉ NA DIFERENTE OKASHON A SPLIKA NA PLAKA CHIKÍ E DIFERENSIA ENTRE STORIA I HISTORIA.

Kralendijk,- Pero no ta da kaso pasobra Ken ta George. Komo mucha di Playa Pabou meskos ku mi mi ta apoyá George.

Den henter e asuntu di sklabitut na Bonaire ta bon pa tene kuidou ku storianan ku ta referí na loke a tende di wela, welo, bisawela i bisawelo tokante sklabitut pa motibu ku e storianan ei no ta basá riba realidat.

Historia di sklabitut na Bonaire ta skirbí for di punto di bista europeo ku no ta bisa nada di eksperensia, sentimentu di e katibunan. Storianan ta ripitishon di investigashon di e kolonisadónan. E ponensia kruel ku regularidat ta bini dilanti ta ku sklabitut na islanan di WIC tabata suave i sin pensa nos ta kere ku ta bèrdat.

Kisas esei ta pone ku di parti di Bonaire, ku eksepshon di Grupo di diálogo Bonaire, no a kritiká Hulanda ku a apstené di vota riba 25 mart 2026 riba un resolushon di Ghana ku a kategorisá e komersio di di katibu trans-Atlantiko komo e krímen mas severo di tur tempu kontra humanidat. Esnan pa motibu di orguyo propio ta sigui kere e storianan kolonial ei.

Grupo di Diálogo no ta kere ku ni Martis di Katalina Janga, ni Aldersina Janga ni 500 aña di Rincon ta importante pa selebrá komo fecha importante pa rekordá. Ta yega tempu pa desendientenan di esnan ku tabata kabitu haña e balor ku nan meresé.

Loke te awe ta importante pa kuminsá diskutí ta; e famnan ku nos a haña di e kolonisadónan, nos idioma, nos trouma, nos nutrishon, nos menospresio pa tuma un posishon ku ta hasi nos orguyoso di ken nos ta. Grupo di Diálogo Bonaire su proyekto ta un sentro di edukashon ku famnan risibí na 1863 pa nos komprondé ku nos ta desendientenan ku tabata katibu.

Ami ta di Sint Jago i ta enfatisá di no ta kere den storianan tokante sklabitut no por kontrolá pero sí den dokumentonan tokante sklabitut

FUENTE: ARTHUR SEALY