APERTURA FESTIVO DI SIMAN DI MUSIKA PA MUCHA

Kralendijk—Djadumingu awor 12 di aprel pa 17:00 or, ta apertura festivo di  Siman di Musika pa Mucha na Plaza Wilhelmina.

Durante e apertura lo presentá 10 kantika nobo pa mucha, kantá pa muchanan di Festival Kanto pa Mucha, organisá pa `Little Stars`. Banda di e muchanan ku ta presentá lo bai tin  presentashon di e.o, manera Tio Ali.Tur mucha ta invitá pa bin bistí den un trahe ku tema di musika òf trese nan propio insrumènt.

Siman di Musika pa Mucha ta organisá pa ACE Foundation, SKAL, INDEBON i FWNB. E proyekto ta kombiná musika ku edukashon i stimulá muchanan pa siña atrabes di musika. Danki na `Cultuurfonds Caribisch Gebied` i Fundashon Wega di Number Boneiru, por a hasi grabashon di kantikanan. Durante e siman lo tin aktividat na skolnan i den bario.

Despues di e apertura lo sigui un siman yen di aktividat musikal.Na SKAL lo tin aktividat tur anochi kaminda henter famia por partisipá aktivamente. Pa mas informashon I skema di aktividat, por wak paginá di Facebook di ACE. Tur hende ta bonbiní pa selebrá Siman di Musika pa Mucha.

FUENTE: EKADK BONAIRE/LIVE99FM

NEDERLANDS:

FEESTELIJKE OPENING KINDERMUZIEKWEEK

Kralendijk–Aanstaande zondag 12 april om 17:00 uur, start de Kindermuziekweek met een feestelijke opening op Plaza Wilhelmina. Tijdens het evenement worden 10 nieuwe kinderliedjes gepresenteerd, gezongen door kinderen van Festival Kanto pa Mucha, georganiseerd door Little Stars. Naast de zangers is er  live optreden van Tio Ali. Kinderen worden uitgenodigd om in muziekkostuum te komen of een instrument mee te nemen en maken kans op prijzen.

De Kindermuziekweek wordt georganiseerd door ACE Foundation, SKAL, INDEBON en FWN. Het project brengt muziek en educatie samen en stimuleert kinderen om te leren via muziek. De 10 nieuwe kinderliedjes zijn opgenomen met dank aan Cultuurfonds Caribisch Gebied en Fundashon Wega di Number Boneiru. Tijdens de week vinden activiteiten plaats op scholen en in wijken.

Na de opening volgt een week vol muziekactiviteiten over het hele eiland. Bij SKAL zijn er dagelijks workshops en optredens waar kinderen actief kunnen meedoen. Meer informatie over het programma en activiteiten is ibeschikbaar via de Facebook pagina van ACE. Iedereen is welkom om samen de Kindermuziekweek te vieren.