DETENSHON PA DESTRUKSHON I BURACHERIA PÚBLIKO

Djaweps 26 di mart, alrededor di 9 or di anochi, a detené un dama di inisial I.P.P. di 56 aña di edat riba E.E.G. Bulevar pa destrukshon i buracheria públiko. E sospechoso a kometé destrukshon na un outo i tabata bou di influensia di alkohòl. Ademas e tabata para riba kaminda i stroba tráfiko. Dado momentu el a asta sinta abou riba kaminda miéntras outonan tabata pasa ainda. A detené e dama i a hibé warda di polis pa mas investigashon.

Kòntròl di velosidat

Djarason 25 di mart a tene un kòntròl di tráfiko dirigí riba velosidat di vehíkulonan. E kòntròl a tuma lugá na Kaya Amsterdam. Ku un ‘lasergun’ a midi velosidat di vários outo ku tabata aserkando.

Durante e kòntròl di velosidat a kontrolá vários vehíkulo i a duna nuebe (9) but.

E butnan tabata pa siguiente violashonnan:

7x pa surpasá e velosidat máksimo permití;

1x pa manehá sin plachi di number dilanti;

1x pa manehá sin reibeweis.

KPCN lo sigui tene kòntròlnan di velosidat na vários sitio riba e isla i ta atvertí outomobilistanan pa paga tinu riba nan velosidat. Den ‘bebouwde kom’ semper e velosidat máksimo ta 40 km/ora i pafó di esaki e ta 60 km/ora.

Aksidente entre dos outo

Djárason 25 di mart, alrededor di 3 or di atardi, ‘meldkamer’ sentral a risibí notifikashon tokante un aksidente entre dos outo riba Kaya Industria, di kua tráfiko tabata pegá. E aksidente a sosodé na momentu ku un di e vehíkulonan tabata bèk i a aksidentá ku e otro outo. Shofùr di un di e vehíkulonan tabata keha di doló i ambulans a hib’é hòspital pa tratamentu médiko. Pa motibu di prioridat di kuido médiko, a hasi tèst di supla ku solamente un shofùr. Aki a resultá ku no tabatin indikashon di uso di alkohòl. Dokumento di tur dos vehíkulo tabata na òrdu.

FUENTE: KPCN/LIVE99FM

NEDERLANDS:

POLITIEBERICHTEN VAN WOENSDAG 25 MAART TOT EN MET VRIJDAG 27 MAART 2026

Aanhouding voor vernieling en openbare dronkenschap

Op donderdag 26 maart, rond 21:00 uur, werd een 56-jarige vrouw met de initialen I.P.P. aangehouden op de E.E.G. Boulevard voor vernieling en openbare dronkenschap. De verdachte pleegde vernieling aan een auto en verkeerde onder invloed van alcohol. Zij belemmerde het verkeer door midden op de weg te gaan staan en op een gegeven moment zelfs te gaan zitten terwijl er nog auto’s passeerden. De vrouw werd aangehouden en naar het politiebureau gebracht voor verdere afhandeling.

Snelheidscontrole 

Op woensdag 25 maart werd een verkeerscontrole gehouden, gericht op de snelheid van voertuigen. De controle vond plaats op de Kaya Amsterdam. Met een lasergun werd de snelheid van naderende auto’s gemeten.

Tijdens de snelheidscontrole werden meerdere voertuigen gecontroleerd, waarbij negen (9) bekeuringen zijn uitgeschreven.

De bekeuringen waren voor de volgende overtredingen:
7x voor het overschrijden van de maximaal toegestane snelheid;
1x voor het rijden zonder voorste kentekenplaat;
1x voor het rijden zonder rijbewijs.

Het KPCN zal op verschillende locaties op het eiland snelheidscontroles blijven uitvoeren en waarschuwt automobilisten om op hun snelheid te letten. In de bebouwde kom is de maximumsnelheid altijd 40 km/uur en daarbuiten 60 km/uur.

Aanrijding tussen twee auto’s

Op woensdag 25 maart, rond 15:00 uur, kreeg de centrale meldkamer melding over een aanrijding tussen twee auto’s op de Kaya Industria, waardoor het verkeer vaststond. De aanrijding ontstond toen één van de voertuigen achteruit reed en in botsing kwam met de andere auto. De bestuurder van één van de voertuigen klaagde over pijn en werd met de ambulance naar het ziekenhuis gebracht voor medische behandeling. Vanwege de prioriteit van de medische zorg kon bij slechts één bestuurder een blaastest worden afgenomen. Hierbij was geen sprake van alcoholgebruik. De documenten van beide voertuigen bleken in orde te zijn.