KONMEMORASHON I SELEBRASHON ABOLISHON DI SKLABITUT DIA 1 DI YÜLI 2025

Kralendijk – E Grupo di Trabou Dia di Emansipashon / Konmemorashon Abolishon di Sklabitut den estrecho koperashon ku Herdenkingscomité slavernijverleden i NGO platform ta organisá un anochi di konmemorashon i selebrashon na Plaza Wilhemina riba djamars 1 di yüli 2025.

E tema fuerte di e anochi akí ta: ‘Ban Selebrá Libertat’.

Dikon nos ta selebrá libertat

Libertat ta un logro grandi. No ta trata di algu natural, pero di resultado di lucha, perseveransia i sakrifisio di hendenan ku a bai nos dilanti. Pa e motibu akí ta importante pa huntu nos para ketu na abolishon di sklabitut i selebrá nos libertat.

Loke tin riba programa

E selebrashon ta tuma lugá entre 17:00 or i 21:00 or. A skohe konsientemente pa e orario akí, di manera ku hendenan ku ta traha i muchanan i hóbennan ku ta bai skol tambe por partisipá.

E programa ta konsistí di:  

• Un parti ofisial ku diskurso i ponementu di krans
• Un programa kultural festivo ku músika, baile i vários presentashon

Konmemorá i konektá huntu

Durante e anochi nos no ta para ketu solamente na pasado, pero tin atenshon tambe pa konekshon, ekspreshon i sentido komunitario. Nos ta selebrá ken nos ta i kiko nos a logra huntu.

Henter luna di yüli ta den signo di libertat

Na kaminda pa 1 di yüli, pero despues di e fecha ei tambe, nos ta organisá diferente aktividat. Vários organisashon den komunidat boneriano ta ehekutá esakinan. Meta di e aktividatnan akí ta pa stimulá konsientisashon, edukashon i selebrashon di libertat.

Dentro di poko ta sali un kalènder apart ku e programa kompleto di e Luna di Libertat.

Bin i partisipá

Tur hende na Boneiru ta kordialmente invitá pa partisipá na e anochi spesial akí. Laga nos huntu konmemorá, selebrá i edifiká un futuro ku konektividat, rèspèt i ekivalensia.

Bo presensia ta hasi e diferensia!

FUENTE: OLB/LIVE99FM

NEDERLANDS:

HERDENKING EN VIERING AFSCHAFFING SLAVERNIJ OP 1 JULI

Kralendijk – De Werkgroep Emancipatiedag / Herdenking Afschaffing Slavernij, in nauwe samenwerking met Herdenkingscomité slavernijverleden en NGO platform, organiseert een speciale herdenkings- en vieringsavond op het Wilhelminaplein op dinsdag 1 juli.

Het krachtige thema van deze avond is: “Ban Selebra Libertat” – Laten we vrijheid vieren.

Waarom we vrijheid vieren

Vrijheid is een groot goed. Het is niet vanzelfsprekend, maar het resultaat van strijd, volharding en offers van mensen die ons voorgingen. Daarom is het belangrijk om samen stil te staan bij de afschaffing van de slavernij én onze vrijheid te vieren.

Wat er op het programma staat

De viering vindt plaats tussen 17:00 en 21:00 uur. Deze tijd is bewust gekozen, zodat ook werkenden en scholieren kunnen deelnemen.

Het programma bestaat uit:

• Een officieel gedeelte met toespraken en een kranslegging
• Een feestelijk cultureel programma met muziek, dans en presentaties

Samen herdenken en verbinden

Tijdens de avond wordt niet alleen stilgestaan bij het verleden, maar is er ook aandacht voor verbinding, expressie en gemeenschapszin. We vieren wie we zijn en wat we samen hebben bereikt.

De hele maand juli staat in het teken van vrijheid

Er worden in de aanloop naar 1 juli, maar ook erna, verschillende activiteiten georganiseerd. Deze worden uitgevoerd door diverse organisaties binnen de Bonairiaanse gemeenschap. Het doel van deze activiteiten is om bewustwording, educatie en viering van vrijheid te stimuleren.

Binnenkort verschijnt een aparte kalender met het volledige programma van de Maand van de Vrijheid.

Kom en doe mee

Iedereen op Bonaire is van harte uitgenodigd om deel te nemen aan deze bijzondere avond. Laten we samen herdenken, vieren en bouwen aan een toekomst met verbondenheid, respect en gelijkwaardigheid.

Uw aanwezigheid maakt het verschil!