Redakshon
Kralendijk – E di dos edishon di SKAL Jam Session, ku a tuma lugá riba djaluna 16 di yüni, a resultá un gran éksito. Tur hende tabata kontentu i a disfrutá di un anochi di inspirashon, tayer i alegria musikal.
E seshon tabata dirigí pa e maestro Wesley “Wèwè” Sint Jago i tabata dediká na e músika traditional pa e selebrashon kultural di San Juan i San Pedro.
Durante e edishon spesial aki, Wèwè no solamente a mustra su talento musikal, pero tambe a duna un tayer edukativo tokante orígen i importansia di e kantikanan tradishonal di nos fiestanan.
El a splika kiko ta “den seku” – esta músika akústiko ku ta karakterisá e fiesta akí i e papel importante ku e instrumento kuarta ta hunga un ròl den ritmo i struktura di e kantikanan.
Un splikashon di historia musikal
Wèwè a konta tokante bida i bèkgrount di diferente kantika konosí ku ta forma parti di e selebrashon di San Juan i San Pedro. Hopi kantika ta nasé for di un evento spesífiko òf un persona, i ta konta su historia den forma musikal. Wèwè i su grupo di músiko a demostrá kon bo mester toka e kantika i kua ta e instrumentunan esensial pa krea e harmonia original.
Interkambio i edukashon
E anochi tabata mas ku un seshon di músika. E tabata un momentu di partisipashon aktivo. Tur hende a haña un palito pa por a toka huntu ku e banda. Wèwè a splika kon batimentu di man tambe por sirbi komo kontribushon musikal. Un dato interesante i alabes chistoso ta: durante San Juan i San Pedro, bebida ta solamente pa e músikonan i kantantenan – si bo no ta un di nan, no tin “beter pa tokadó”!
Huntu nos ta siña i krea
SKAL Jam Session ta un plataforma pa músikonan di tur nivel i tur edat – for di profeshonal te turista, for di hubentut te hende grandi. Un grupo di studiante di kuarta tabata presente i nan a siña hopi. Tambe tabatin kantante, amante di músika i te asta hende ku simpelmente a bini pa pasa un rato agradabel.
Ku bista pa futuro
Entrenadó di Kultura, Segni Bernardina, a kompartí e vishon di gobièrnu pa forma un skol nashonal di músika na Boneiru, kaminda nos mes músika lokal ta asumí un ròl prinsipal. El a lansa un yamada na músikonan lokal ku tin pashon i kapasidat pa duna lès of tayer, pa yuda forma e futuro musikal di nos hóbennan. E team di SKAL ke gradisí tur hende ku a tuma parti na e di dos edishon di Jam Session. E ideanan i komentarionan ku a bini dilanti, lo sirbi komo guia pa sigui traha riba desaroyo di e kampo kultural di Boneiru.
Próksimo seshon: Mark’é riba bo kalènder – 14 di yüli 2025 ta e di tres edishon di SKAL Jam Session!
FUENTE: OLB/LIVE99FM
NEDERLANDS:
KNALAVOND BIJ SKAL: MEER DAN 50 MUZIEKLIEFHEBBERS BELEVEN KRACHTIGE SAN JUAN & SAN PEDRO SESSIE ONDER LEIDING VAN WÈWÈ SINT JAGO
Kralendijk,- De tweede editie van de SKAL Jam Session op maandag 16 juni was een daverend succes. Hoewel slechts 17 mensen zich vooraf hadden geregistreerd, kwamen uiteindelijk meer dan 50 muziekliefhebbers en muzikanten samen in de tuin van Museo SKAL.
De avond stond in het teken van de muzikale tradities rondom de feesten San Juan en San Pedro, onder leiding van de gerespecteerde Maestro Wesley “Wèwè” Sint Jago.
Tijdens deze speciale editie gaf Wèwè niet alleen een indrukwekkende muzikale presentatie, maar ook een leerzame workshop over de oorsprong van traditionele Bonairiaanse feestliederen. Hij vertelde over het belang van akoestische muziek – “den seku” – tijdens deze festiviteiten, en liet samen met een groep bevriende muzikanten horen hoe de muziek echt hoort te klinken, compleet met de karakteristieke kuarta die het tempo en de melodie aankondigt.
Een muzikale geschiedenisles
Wewe gaf uitleg over de betekenis en achtergrond van verschillende bekende feestliederen, vaak ontstaan uit persoonlijke of historische gebeurtenissen. Hij deelde hoe inspiratie wordt omgezet in muziek en hoe deze liederen generatie op generatie worden doorgegeven. Zijn verhalen, enthousiasme en muzikaliteit troffen het publiek diep – er werd gelachen, geklapt, meegespeeld en vooral veel geleerd.
Interactie & Educatie
Naast de muziek werd er actief deelgenomen aan gesprekken over de culturele betekenis van de muziek. Iedere aanwezige kreeg een palito (ritmestokje) en leerde meespelen met de band een laagdrempelige manier om iedereen erbij te betrekken. Zelfs handgeklap werd uitgelegd als een vorm van muzikale bijdrage. Een belangrijk cultureel weetje dat aan bod kwam: tijdens San Juan en San Pedro is de drank alleen voor de muzikanten en zangers – als je geen speler of zanger bent, is het dus “bitter pa tokadó”!
Samen leren, samen bouwen
De SKAL Jam Sessions zijn bedoeld als ontmoetingsplek voor muzikanten van alle niveaus en leeftijden – van professionele spelers tot toeristen, van jongeren tot ouderen. Onder de aanwezigen was ook een groep jonge kuarta-studenten die veel hebben opgestoken van de sessie.
Toekomstvisie
Cultuurcoach Segni Bernardina deelde tijdens de avond haar visie over de oprichting van een nationale muziekschool op Bonaire, waarbij Bonairiaanse muziek een centrale rol krijgt. Ze deed een oproep aan lokale muzikanten die de passie en kwaliteit hebben om muziekonderwijs te geven aan de jeugd – een investering in de toekomst van de cultuur op het eiland.
Bedankt!
Het team van SKAL bedankt iedereen die heeft meegedaan aan deze tweede Jam Session. De waardevolle feedback en ideeën worden zeker meegenomen in de verdere ontwikkeling van het cultureel beleid. Volgende editie: Zet alvast in je agenda: 14 juli 2025 vindt de volgende SKAL Jam Session plaats!
GIPHY App Key not set. Please check settings