KONFERENSIA AMBIENTE SALÚ A TRESE TRAHADÓNAN DI MANEHO HUNTU PA E TÓPIKO: AMBIENTE DI BIBA SALÚ

Kralendijk –  Resientemente a tuma lugá e konferensia Ambiente Salú, i ku esaki ofisialmente a duna inisio na e programa Ambiente Salú.

GGD Boneiru a organisá e konferensia ku a trese ekspertonan lokal i internashonal, trahadónan di maneho i partnernan di kadena huntu pa papia tokante e koherensia kompleho entre salú públiko, un ambiente di biba salú i problemanan rònt di medio ambiente, desperdisio i adaptashon na klima.

Ku kontribushonnan inspirativo di vários oradó i di e públiko, a bira evidente kon fuerte salú ta konektá ku nos ambiente di biba. Den seshonnan interaktivo i un kòmbersashon di pènel a aksentuá ku un ambiente di biba salú ta rekerí kolaborashon, enbolbimentu amplio di maneho i partisipashon aktivo di komunidat.

Meskos ku otro programanan di GGD, e programa Ambiente Salú ta hasi uso di e prinsipio ‘Health in All Policies’, kaminda salubridat ta haña un lugá struktural den diferente área di maneho.

E konferensia eksitoso akí ta pone énfasis riba importansia di kolaborashon i konekshon ku stakeholdernan i partnernan di kadena lokal, pa yega na inisiativanan duradero ku tin sosten amplio pa un ambiente di biba salú na Boneiru.   

FUENTE: OLB/LIVE99FM

NEDERLANDS:

CONFERENTIE AMBIENTE SALÚ BRENGT BELEIDSMAKERS BIJ ELKAAR VOOR HET ONDERWERP: GEZONDE LEEFOMGEVING

Kralendijk – Op woensdag 4 juni 2025 vond de conferentie Ambiente Salú plaats, waarmee officieel de aftrap werd gegeven voor het programma Ambiente Salú.

De conferentie is georganiseerd door GGD Bonaire en bracht lokale en internationale experts, beleidsmakers en ketenpartners samen om het te hebben over de complexe samenhang tussen publieke gezondheid, een gezonde leefomgeving en vraagstukken rond milieu, afval en klimaatadaptatie.

Met inspirerende bijdragen van sprekers en het publiek werd duidelijk hoe sterk gezondheid verbonden is met onze leefomgeving. In interactieve sessies en een panelgesprek werd benadrukt dat een gezonde leefomgeving vraagt om samenwerking, brede beleidsbetrokkenheid en actieve participatie van de gemeenschap.

Het programma Ambiente Salú hanteert net als andere GGD programma’s het principe Health in All Policies, waarbij gezondheid een structurele plek krijgt in de diverse beleidsdomeinen.

Deze geslaagde conferentie benadrukte het belang van samenwerking en verbinding met lokale stakeholders en ketenpartners om tot duurzame en gedragen initiatieven te komen voor een gezonde leefomgeving op Bonaire.