Redakshon
Kralendijk – For di 19 te ku 23 di mei 2025 a tuma lugá e di dos konferensia di DCALFA (Dutch Caribbean Agriculture, Livestock, and Fisheries Alliance – Aliansa Karibe Hulandes pa Agrikultura, Krio di Bestia i Piskamentu).
E evento tabata un éksito grandi i a brinda un plataforma balioso pa e islanan ruman di e área karibe hulandes pa kompartí konosementu, eksperensia i ‘best practices’, i pa fortifiká e kolaborashon den sektornan di agrikultura, krio di bestia i piskamentu mas aleu.
E konferensia a marka un logro importante den e esfuersonan konhunto di Aruba, Boneiru, Kòrsou, Saba, Sint Eustatius i Sint Maarten pa desaroyá sistemanan sostenibel di kuminda i oumentá e siguridat di kuminda lokal.
Den luna di yüni 2023 e islanan a firma un Memorandum of Understanding (MoU), den kua nan a pone énfasis riba e kompromiso kolektivo pa komunikashon, kolaborashon i interkambio di konosementu mas efektivo. E aliansa di DCALFA ta hunga un ròl krusial den promoshon di práktikanan di agrikultura sostenibel, mehorashon di salú i produktividat di e bestianan, i maneho responsabel di piskamentu den region.
E konferensia ku a dura sinku dia, a kuminsá ku un apertura ofisial, kaminda entre otro gezaghèber John Soliano, diputado Anjelica Cicilia, presidente di DCALFA Nathalie Maduro for di Aruba i vise presidente Shervin Frederick for di Sint Maarten a aksentuá importansia di kolaborashon. Despues di esei a informá e mas òf ménos 55 partisipantenan, inkluyendo representante di kunukeronan, piskadónan i hóbennan tambe, tokante vários inisiativa, entre otro lansamentu di e wèpsait di DCALFA i presentashon di proyektonan inovativo, manera BonCirc, PHITO i investigashon di e situashon aktual di e sektor di piskamentu.
Puntonan kulminante di e konferensia
E konferensia no a ofresé solamente espasio pa diferente presentashon i diskushon, pero tambe pa tayernan interaktivo i bishita den vèlt. Por menshoná ku e partisipantenan dia 20 di mei a eksplorá un seri di empresa i organisashon lokal, entre otro Kunuku Copacabana i Punta Blanku, Daily Catch Fisherman’s Market, Tera Barra Native Garden, RoffaReefs, LVV i Nature Cooking School. E partisipantenan a haña oportunidat pa siña direktamente for di nos komunidat lokal i optené konosementu ‘hands-on’.
Riba djaweps 22 di mei a tuma lugá un diskushon ku representantenan di e diferente islanan i di Hulanda, inkluyendo minister Geoffrey Wever di Aruba, diputado Anjelica Cicilia di Boneiru i Hamza Kacha di ministerio di Klima i Kresementu Bèrdè. E grupo akí a papia tokante e vishon di maneho pa siguridat di kuminda den region, un tópiko ku ta krusial pa futuro di e área di Karibe Hulandes. Durante e diskushon a tuma lugá un diálogo tambe ku piskadónan, kunukeronan i hóbennan tokante nan desafionan i nan soñonan.
A sera e konferensia ku un konsulta tokante prolongashon di e MoU na aña 2026, loke lo tuma lugá na Sint Maarten. Ku esaki a enfatisá e kolaborashon di e islanan riba tereno di agrikultura, piskamentu i krio di bestia mas aleu. E evento di klousura a brinda tambe un oportunidat pa presentá aktividatnan lokal, manera e Dia Habrí di e departamento di Agrikultura, Krio di Bestia i Piskamentu (LVV) riba djasabra 24 di mei.
Un bista riba futuro
E di dos konferensia di DCALFA a pone un base pa desaroyo mas aleu di sektornan sostenibel i resiliente di agrikultura, krio di bestia i piskamentu den área di Karibe Hulandes. E konferensia no solamente a stimulá interkambio di konosementu i kòmbersashonnan importante, pero tambe a fortifiká e kolaborashon entre e islanan ruman.
DCALFA ta sigui hasi esfuerso pa sostené komunidatnan lokal i pa traha riba solushonnan inovativo pa e sektornan primario den region.
‘Nos ta anhelá pa mira e siguiente pasonan den nos trayekto konhunto pa logra un sistema di kuminda mas sostenibel pa e área di Karibe Hulandes. E konferensia na Boneiru no tabata solamente un bista bèk riba e progreso ku nos a logra, pero tambe un bista padilanti riba loke ainda huntu nos por alkansá,’ segun Nathalie Maduro, presidente di DCALFA.
Por mira e apertura ofisial di e konferensia i e diskushon den grupo riba e medionan sosial di Entidat Públiko Boneiru.
FUENTE: OLB/LIVE99FM
NEDERLANDS:
TERUGBLIK OP DE SUCCESVOLLE TWEEDE DCALFA-CONFERENTIE OP BONAIRE: SAMEN WERKEN AAN DUURZAME VOEDSELZEKERHEID IN HET NEDERLANDS-CARIBISCH GEBIED
Kralendijk – Van 19 tot 23 mei 2025 vond op Bonaire de tweede DCALFA (Dutch Caribbean Agriculture, Livestock, and Fisheries Alliance) conferentie plaats.
Het evenement was een groot succes en bood een waardevol platform voor de zuster-eilanden van het Nederlands-Caribisch gebied om kennis, ervaringen en best practices te delen, en om de samenwerking binnen de landbouw, veeteelt en visserij sectoren verder te versterken.
De conferentie markeert een belangrijke mijlpaal in de gezamenlijke inspanningen van Aruba, Bonaire, Curaçao, Saba, Sint Eustatius en Sint Maarten om duurzame voedselsystemen te ontwikkelen en de lokale voedselzekerheid te vergroten. In juni 2023 ondertekenden de eilanden een Memorandum of Understanding (MoU), waarin de collectieve inzet voor effectievere communicatie, samenwerking en kennisuitwisseling wordt benadrukt. De DCALFA-alliantie speelt een cruciale rol in het bevorderen van duurzame landbouwpraktijken, het verbeteren van de gezondheid en productiviteit van vee, en het verantwoord beheren van de visserij in de regio.
De vijfdaagse conferentie begon met een officiële opening, waarin onder andere gezaghebber John Soliano, gedeputeerde Anjelica Cicilia, DCALFA-president Nathalie Maduro uit Aruba en DCALFA-vicepresident Shervin Frederick uit Sint Maarten het belang van samenwerking benadrukten. De circa 55 deelnemers, waaronder ook vertegenwoordigers van boeren, vissers en jongeren, werden daarna geïnformeerd over diverse initiatieven, waaronder de lancering van de DCALFA-website en presentaties over innovatieve projecten zoals BonCirc, PHITO en onderzoek naar de stand van de visserijsector.
Hoogtepunten van de conferentie
De conferentie bood niet alleen ruimte voor presentaties en discussies, maar ook voor interactieve workshops en veldbezoeken. Zo verkenden de deelnemers op dinsdag 20 mei een reeks lokale bedrijven en organisaties, waaronder de boerderijen Kunuku Copacabana en Punta Blanku, het Daily Catch Fisherman’s Market, de Tera Barra native garden, RoffaReefs, LVV en Nature Cooking School. Deelnemers kregen de gelegenheid om direct van de lokale gemeenschap te leren en hands-on kennis op te doen.
Op donderdag 22 mei vond een paneldiscussie plaats met vertegenwoordigers van verschillende eilanden en van Nederland, waaronder minister Geoffrey Wever van Aruba, gedeputeerde Anjelica Cicilia van Bonaire, en Hamza Kacha van het ministerie van Klimaat en Groene Groei. Dit panel besprak de beleidsvisie voor voedselzekerheid in de regio, een onderwerp dat cruciaal is voor de toekomst van het Nederlands-Caribisch gebied. Tijdens het panel vond ook een dialoog plaats met vissers, boeren en jongeren over hun uitdagingen en dromen.
De conferentie werd afgesloten met een overleg over de verlenging van het MoU in 2026, wat op Sint Maarten zal plaatsvinden. Hiermee werd de samenwerking van de eilanden op het gebied van landbouw, visserij en veeteelt verder benadrukt. Het afsluitende evenement bood tevens een kans om lokale activiteiten te presenteren, zoals het LVV Open Dag op zaterdag 24 mei.
Een blik op de toekomst
De tweede DCALFA-conferentie heeft de basis gelegd voor de verdere ontwikkeling van duurzame en veerkrachtige landbouw-, veeteelt- en visserijsectoren in het Nederlands-Caribisch gebied. De conferentie heeft niet alleen kennisuitwisseling en belangrijke gesprekken gestimuleerd, maar ook de samenwerking tussen de zuster-eilanden versterkt. DCALFA blijft zich inzetten om de lokale gemeenschappen te ondersteunen en te werken aan innovatieve oplossingen voor de primaire sectoren in de regio.
“We kijken uit naar de volgende stappen in onze gezamenlijke reis naar een duurzamer voedselsysteem voor het Nederlands-Caribisch gebied. De conferentie op Bonaire was niet alleen een terugblik op de vooruitgang die we hebben geboekt, maar ook een vooruitblik op wat we samen nog kunnen bereiken,” aldus Nathalie Maduro, voorzitter van DCALFA.
De officiële opening van de conferentie en de paneldiscussie zijn terug te zien op de socials van het Openbaar Lichaam Bonaire.
GIPHY App Key not set. Please check settings