DJASABRA ÚLTIMO, DURANTE DI E DIA HABRÍ DI SEGURIDAT MARÍTIMO, PUEBLO DI BONEIRU A HAÑA E OPORTUNIDAT DI SERA KONOSÍ KU TUR INSTANSIA KU TA TRAHA HUNTU RIBA LAMAN PA SEGURIDAT DI NOS KOMUNIDAT.

Kralendijk,- Koleganan di Kuerpo Polisial Hulanda Karibense, Wardakosta, Duana, Koninklijke Marechaussee, CITRO, Havenmeester, Entidat Públiko Boneiru i STINAPA tabata presente pa kontesta tur pregunta relashoná ku nan trabou.

E dia habri a kuminsá for di 10 or di mainta i a kulminá 2 or di atardi.

E barku ‘Jaguar’ di Wardakosta tabata mara na e waf Juan Francisco “Chicu” Mercelina, pa asina permití tur persona presente subi a bordo di e  barku tipo ‘Cutter’ i tira un bista riba e dek, brùg i otro parti nan di e barku ku ta patruya regularmente awanan di Boneiru.

Tambe a duna diferente demostrashon riba laman durante di e Dia Habrí. Pa e demostrashon nan, a hasi uso di e boto nan di tim Multidisiplinario Marítimo Hub Boneiru (MMHB). Miembronan di tur instansia konhuntamente a mustra kon ta hasi kòntròl rutinario di boto nabegando riba laman, kon un intersepshon di boto ku supstansia narkótiko ta tuma lugá, kon ta atendé ku personanan indokumentá na momento ku nan purba di drenta nos awa nan teritorial i tambe a demostrá kon ta salba bida di hende den nesesidat.

E helikòpter di Wardakosta tambe a sòru pa pasa dos bia na waf Juan Francisco “Chicu” Mercelina kaminda e aktividat a tuma lugá i a zuai tur hende for di laira durante di nan patruya.

Di parti Kuerpo Polisial Hulanda Karibense, Wardakosta, Duana, Koninklijke Marechaussee, CITRO, Havenmeester, Entidat Públiko Boneiru i STINAPA nos ke gradisí un i tur ku a bishitá nos Dia Habrí.

Huntu nos ta sigui  ehekutá nos trabou ku amor i dedikashon pa asina mantené e  pueblo di Bonaire seif.

FUENTE WARDAKOSTA/LIVE99FM

NEDERLANDS:

AFGELOPEN ZATERDAG KREEG DE BEVOLKING VAN BONAIRE TIJDENS DE MARITIEME OPEN DAG DE KANS OM KENNIS TE MAKEN MET ALLE INSTANTIES DIE SAMENWERKEN VOOR DE VEILIGHEID VAN ONZE GEMEENSCHAP OP ZEE.

Vertegenwoordigers van het Korps Politie Caribisch Nederland, de Kustwacht, Douane, Koninklijke Marechaussee, CITRO, de Havenmeester, het Openbaar Lichaam Bonaire en STINAPA waren aanwezig om alle vragen over hun werkzaamheden te beantwoorden.

De Open Dag begon om 10.00 uur en eindigde om 14.00 uur. Het Kustwachtvaartuig Jaguar lag afgemeerd aan de Juan Francisco “Chicu” Mercelina-kade. Bezoekers kregen de gelegenheid om aan boord te gaan van deze ‘Cutter’ en een kijkje te nemen op het dek, de brug en andere onderdelen van het schip dat regelmatig patrouilleert in de wateren rond Bonaire.

Tijdens de dag werden diverse demonstraties op zee gegeven. Hierbij werd gebruik gemaakt van de boten van het Maritiem Multidisciplinair Hub Bonaire (MMHB). Leden van alle aanwezige instanties toonden hoe routinecontroles van vaartuigen plaatsvinden, hoe een onderschepping van een boot met verdovende middelen verloopt, hoe er wordt omgegaan met mensen zonder verblijfsdocumenten die proberen onze territoriale wateren binnen te dringen, en hoe levensreddende handelingen worden uitgevoerd in noodsituaties.

Ook de helikopter van de Kustwacht was aanwezig en voerde tweemaal een indrukwekkende demonstratie uit boven de Juan Francisco “Chicu” Mercelina-kade, waarbij bezoekers vanuit de lucht werden begroet tijdens de patrouillevlucht.

Namens het Korps Politie Caribisch Nederland, de Kustwacht, Douane, Koninklijke Marechaussee, CITRO, de Havenmeester, het Openbaar Lichaam Bonaire en STINAPA willen wij iedereen bedanken die de Maritieme Open Dag heeft bezocht. Samen blijven wij ons werk met liefde en toewijding uitvoeren om de veiligheid van de gemeenschap van Bonaire te waarborgen.